المحتويات
حليب جوز الهند مفيد للصحة وبيستخدم في الطبخ ولعمل القهوة، والدراسات أثبتت فوائده لصحة البشرة والشعر لأنه غني بالدهون الصحية.
ما هو حليب جوز الهند؟
بيصنع من الجزء الأبيض في جوز الهند مع خلطه بالمياه، وهو مختلف عن مياه جوز الهند وهي الموجودة بالفعل داخل نبات جوز الهند
بيستخدم عادة كمشروب أو بيضاف للقهوة والشوربات وأطباق الأكل مختلفة
فوائد حليب جوز الهند للشعر
ليه فوائد كتير زي الاحتفاظ بترطيب الشعر داخله والحفاظ عليه من التقصف، فهو مصدر غني بالدهون الصحية المفيدة
غني بحمض اللوريك
هو واحد من مكوناته الأساسية وعبارة عن أحماض طويلة ومتوسطة السلسلة المعروفة بقدرتها على اختراق الشعر بسهولة والعمل على تقوية بصيلاته
نسبة البروتين فيه عالية
الشعر مصنوع من الكيرياتين وهو نوع من أنواع البروتين اللي بيدعمه البروتين اللي بتاخده من الأكل
حليب جوز الهند غني بالبروتين اللي بيساعد على تقوية الشعر والحفاظ عليه بشكل كبير وتقدر تستفيد بيه من خلال شربه أو وضعه على الشعر
الفيتامينات
بما إن الجسم محتاج عناصر غذائية مختلفة عشان وظائفه تكتمل بشكل صحيح، بيحتاج برضه المغذيات الدقيقة للحفاظ على الشعر قوي وصحي ولامع
وهي بتضمن مضادات الأكسدة زي فيتامين سي وفيتامين هـ وفيتامينات ب1 وب3 وب5 وب6
بيبطأ تساقط الشعر
بما إنه بيقوي بصيلات الشعر، بالتالي بيحميه من التساقط أو بيقلل معدله نتيجة عوامل مختلفة زي التعرض للشمس والاستحمام
بيحسن صحة فروة الرأس
- حليب جوز الهند غني بالأحماض الدهنية اللي بتحافظ على فروة الرأس من الجفاف وليه خصائص ترطيبية مفيدة
- ده بيساعد على استعادة صحة الشعر وفروته وترطيبهم بشكل مستمر كبديل للبلسم
التخلص من قشرة الشعر
بما إنه بيرطب الشعر وفروة الرأس وغني بالخصائص المضادة للالتهاب، بالتالي بيساعد على حماية الشعر من القشرة
طريقة استخدام حليب جوز الهند على الشعر
ممكن تستخدمه أو تستخدم المنتجات المعتمدة عليه بالطريق دي:
- وضعه على الشعر كماسك
- ممكن تجرب المنتجات الغنية بيه في مكوناتها لكن النوع الطبيعي أضمن وأكتر فايدة ليه
- اعمل مساج بفروة الرأس بيه وبعدين اغسلها
- اشربه للاستفادة بفوائده الصحية للجسم والشعر
المدة المناسبة ليه على الشعر
- لو بتستخدم شامبو مصنوع منه.. اتبع التعليمات المكتوبة على العلبة
- لكن لو هتستخدمه كبلسم.. 5 دقايق وقت كافي ليه وبعدين اغسله
- لو ماسك مصنوع في البيت.. المدة المناسبة هي من 15-20 دقيقة
- تجنب استخدامه لو بتعاني من شعر أو فروة رأس دهنية
طريقة عمل ماسك حليب جوز الهند في البيت
الحليب متوفر في كل المحلات، وتقدر تعمله في البيت بخطوات بسيطة وتستخدمه لعمل ماسك للشعر
- اخلط كمية بسيطة منه مع نقاط من زيت مفيد للشعر زي زيت الجوجوبا أو الأرجان أو اللوز
- وزعه على شعرك وهو نضيف ومبلل
- استخدم مشط سنونه واسعة عشان تتأكد إنه اتوزع على الشعر بشكل متساوي وصحيح
- سيبه 20 دقيق وبعدين اغسله
