المحتويات
القهوة من أكتر المشروبات اللي بيتهم استهلاكها يوميا حوالين العالم باختلاف أنواعها وطريقة شربها، ومعرفة حيلها هيساعدك تشربها بطرق مختلفة مع تجنب أضرار إضافاتها والسعرات الحرارية الزيادة.
حيل القهوة المختلفة
في تفاصيل كتير معرفتها هتساعدك تشربها بطرق جديدة ومبتكرة وتتجنب أضرارها على صحتك أو تلفها، زي:
- حمص القهوة في ماكينة الفشار اللي فيها جزء معدني لخروج حبوب الفشار عشان تتحكم في درجة تحميصها
- جمد خليط القهوة مع المياه في صانع الآيس الكريم المنزلي عشان تاخد الكافيين بشكل مختلف على شكل آيس كريم خاصة في الصيف، وممكن تضيف له أطعمة مختلفة زي الشوكولاتة أو الفانيليا
- لما تعمل أنواع متلجة.. جمد مشروب القهوة في مكعبات التلج واستخدمها بدل مكعبات المياه عشان طعمها يكون موجود بعد ما يسيح
- استخدم الـ(French Press) عشان تعمل شوت إسبريسو
- عشان تعمل لاتيه.. حط حليب دافي في الـ(French Press) وارفعها ونزلها أكتر من مرة وبعدين ضيف القهوة
- ضيف زيت جوز الهند للكوب الصباحي عشان يكون عندك طاقة وتعلي الميتابوليزم وتضيف طعم حلو وجديد
- لو بلاك ومرة.. ضيف نقاط بسيطة من الملح عشان تقلل مرارة طعمها
- لو بتعمل قهوة مخمرة (Brew).. ضيف القرفة ليها عشان تقلل مرارتها وتضيف مصدر طبيعي للسكر ورائحة جيدة
- عشان تحس بالنشاط في نص اليوم.. اشربها قبل قيلولة الـ20 دقيقة على طول لأن الجسم بيحتاج من 30-45 دقيقة عشان يتأثر بالكافيين وبالتالي النوم في الوقت ده هيخليك تصحى نشيط
- استخدم بواقي القهوة في العناية بالبشرة/ التنضيف/ تسليك الأماكن المسدودة/ الجنينة خاصة لو بتزرع أطعمة حمضية زي الطماطم
- تجنب تخزينها في الفريزر وخزنها في مكان جاف ومظلم بعيد عن الشمس في برطمان زجاج شفاف
- استبدل مبيض القهوة بخلط نقطتين فانيليا مع حليب اللوز والسكر لأنه غني بالسعرات الحرارية الفاضية والفوائد الصحية
- لو عايز تعمل رغوة في الحليب اللي هتستخدمه.. دفيه وحطه في برطمان زجاج محكم ورجه كتير
- اغسل المج بمياه ساخنة قبل صب القهوة فيه عشان تحافظ على حرارتها مدة أطول
- ضيف الكاكاو/ الحبهان سليم أو مطحون/ الفانيليا السايلة/ الكاكاو الخام/ الجنزبيل للحبوب عند طحنها أو مع النوع المطحون في الماكينة عشان تضيف طعم جديد ليها وتزود فوائدها وتقلل طعمها المر
- اشربها الصبح مع جريب فروت لأنه بيساعد على وجود الكافيين في جسمك مدة أطول
- اشربها في مواعيد 9:30/ 11:30/ 1:30 لأن باقي الوقت جسمنا بينتج هرمون الكورتيزول اللي له تأثير قوي على النوم والصحيان وبيوصل لأعلى معدلاته الصبح
إضافات القهوة المضرة
الأنواع الصناعية منها غنية بالسعرات الحرارية وخالية من أي فوائد صحية وبالتالي إضافتها للقهوة بيقلل فوائدها وبيأثر سلبا على صحتك مع الوقت، زي:
مبيض القهوة المعلب
- غني بالمواد الحافظة
- خاصة مادة الـ(Sodium Phosphates)
- الدراسات أثبتت إنها مرتبطة بالإصابة بأمراض القلب بشكل كبير
- الكميات الزايدة منه بتعلي خطر الإصابة بأمراض الكلى والعظام
المحليات الصناعية
- بالرغم من إنها قليلة السعرات الحرارية إلا إن الدراسات أثبتت إنها بتأثر سلبا على الميتابوليزم
- تجربة أمريكية أثبتت إن الانتظام عليها بيسبب تراكم الدهون على البطن واكتساب الوزن
- بتأثر على الذاكرة بشكل سلبي على المدى البعيد
مبيض القهوة السايل
- النكهات الإضافية اللي فيه غنية بالمواد الحافظة
- كل معلقة كبيرة فيها حوالي 5 جم سكر
- فيه زيت النخيل اللي الدراسات أثبتت إنه بيسبب الإصابة بالكوليسترول/ اضطراب الهضم/ بيعلي خطر الإصابة بالسرطان
السيرب المنكه
- بيزود كمية السكر في كوب القهوة من 7 جم لـ 58-65 جم حسب نوعه
- عبارة عن سعرات حرارية فاضية وبيسرع الشعور بالجوع
السكر
- الكميات الكبيرة منه مرتبطة بالإصابة بأمراض القلب/ السمنة/ الكوليسترول/ داء السكري
- التزم بالكمية المحددة منه واعرف إن السكر ليه مصادر تانية خفية في النظام الغذائي زي الخبز
مبيض الكيتو
- في منه أنواع غير صحية لأنها مرتفعة الدهون المشبعة
- كل معلقة كبيرة فيها 120 سعر حراري 10 جم من الدهون المشبعة وده 50% من الحد المسموح بيه في اليوم
الحليب المكثف
كل معلقتين كبار فيهم حوالي 130 سعر حراري و22 جم سكر وهو من أكتر الإضافات غير الصحية
السعرات الحرارية في القهوة
السعرات دي طبقا لكل كوب (240) مل
- البلاك: 2 سعر
- إسبريسو: 2 سعر
- قهوة بمعلقة كبيرة مبيض قهوة بالفانيليا: 32 سعر
- أو بمعلقة كبيرة حليب خالي الدسم: 7 سعر
- لاتيه بنكهة: 134 سعر
- كابتشينو خالي الدسم: 46 سعر
- ماكياتو خالي الدسم: 52 سعر
- موكا خالية الدسم: 130 سعر
- فرابيه: 510 سعر
- فلات وايت: 70 سعر
- كابتشينو كامل الدسم: 134 سعر
- موكا كامل الدسم: 394 سعر
- فرابتشينو كراميل مع كريمة مخفوقة: 1040 سعر
- موكا فرابيه: 410 سعر
- (Honeycomb) لاتيه: 510 سعر
- كابتشينو كراميل متلج بكريمة مخفوقة: 900- 1050 سعر
