المحتويات
الشعر بيحتاج خطوات يومية للعناية بيه وحمايته من التساقط، وفي عادات يومية بسيطة ممارستها بتأثر عليه وبتسبب تلفه وتقصفه مهم تتجنبها.
العادات اللي بتسبب تلف الشعر
تفويت الوجبات
- تجويع الجسم وتفويت وجبة معينة بيسبب نقص المعادن ونقص العناصر الغذائية اللي بيحتاجها عشان يغذي الأعضاء المختلفة ومنها خلايا فروة الرأس
- مهم تاكل نظام غذائي متوازن وتنوع بين العناصر الغذائية المهمة للجسم وليه زي البروتين والبقوليات والألياف والدهون الصحية
الحمام الساخن وصحته
- المياه الساخنة بتقلل رطوبته وبتسبب جفافه من بداية البصيلات حتى نهاية الخصلة
- بتزود ضعفه وسهولة تكسره أو تساقطه من الجذور
- بتخلص فروة الرأس من كل الزيوت المفيدة فيه
التعامل الخاطيء مع الشعر المبلل
- تسريحه وهو مبلل بشكل عنيف أو سريع بيسبب تقصفه وتلفه لأن البيصلات بتكون أضعف
- تجفيفه بالفوطة بشكل عنيف أو حركته سريعه بيزود ميله للضعف وبالتالي مهم تجففه عن طريق لفه بتيشيرت قطن وتسيبه من 20-30 دقيقة
تسريحات الشعر
- شد الشعر من الأمام أو ربطه بعنف بيسبب خروج الشعر من البصيلات وضعفها مع الوقت
- حكة فروة الرأس الناتجة عن شده أو عن التهابها أو الإصابة بعدوى فطرية بيدمر بصيلاته مع الوقت وبالتالي تساقطه
الحرارة ومنتجات العناية بيه
- الحرارة من السشوار أو مكواة الفرد بتسبب ضعفه وتقصفه لأنها بتتلف البروتين والمغذيات اللي فيه
- استخدام منتجات العناية بيه بكميات كبيرة زي الكريم/ الشامبو/ البلسم/ الـ(Leave in) بيسبب تراكمه على فروة الرأس وضعف وجفافه مع الوقت
عدم حمايته من الشمس
- أشعة الشمس بتدمر بصيلات الشعر وبيكون عرضة أكتر للتساقط والتقصف وبتقلل كمية الألياف اللي فيه
- مهم تستخدم المنتجات المخصصة لحمايته من الشمس خاصة لو هتتعرض ليها مدة طويلة زي وقت نزول البحر أو الجلوس على الشاطيء
اللعب بالشعر
- لفه على الأصابع عادة بيمارسها أشخاص كتير عند الشعور بالتوتر أو التركيز أو حكة الرأس
- العادة دي بتزود فرص تساقطه مع الوقت لأسباب كتير منها شد الشعر من البصيلات أو انتقال البكتيريا من الإيد ليه
عدم استخدام الكمية المناسبة من الشامبو والبلسم
- الكمية المناسبة من الشامبو هي كمية قد طول الإصبع أو قد العملة المعدنية، والكمية المناسبة من البلسم هي قد حبة التوت الأزرق وابعده عن فروة الرأس
- زيادة كمياتهم بيسبب تراكمهم عليه وقلة تنفس فروة الرأس
