المحتويات
المساج ليه فوائد صحية وذهنية كتير، فهو بيساعد على الاسترخاء وبيقلل آلام العضلات الناتجة عن الضغط العصبي والتوتر، وبيساعد على علاج اضطرابات الجهاز الهضمي.
في خطوات بسيطة ممكن تعمل بيها مساج لنفسك لتقليل آلام الرقبة والرأس والأكتاف وأسفل الضهر
فوائد المساج
- بيعزز جهاز المناعة في الجسم
- زيادة مرونة الجسم وتحسين الأداء الرياضي
- تنشيط الدورة الدموية واللي بيأثر على باقي أعضاء ووظائف الجسم
- بيساعد على صفاء الذهن والاسترخاء وتحسين الوعي
- بيقلل التوتر العضلي وبيحسن التنفس العميق الصحي
- بيساعد على تنعيم الجلد وفتح المسام
- ليه دور في التخلص من السموم في الجسم
- بينشط أداء الجهاز العصبي
خطوات المساج لنفسك
مساج آلام الرقبة
أسبابها متعددة زي الإرهاق البدني أو الجلوس بوضعيات خاطئة أثناء القراءة أو استخدام الموبايل
- نزل أكتافك بعيد عن الأذن
- افرد ضهرك ورقبتك
- حدد أماكن الألم عن طريق الضغط بشكل عشوائي على عضلات الرقبة
- حرك أصابعك في حركات دائرية على أماكن الألم بشكل في ضغط بسيط
- كرر نفس الحركة في الاتجاه المعاكس
- استمر من 3-5 دقايق
مساج للصداع والضغط العصبي
- نزل أكتافك بعيد عن الأذن وافرد ضهرك ورقبتك
- حدد قاعدة رأسك واضغط عليها بأطراف أول إصبعين من إيدك الاتنين
- اضغط على المكان برفق مع التحريك للأعلى والأسفل عشان تحدد الاتجاه الأريح ليك
- حرك أصابعك في حركات دائرية مع التركيز على مناطق الضغط والأماكن اللي حواليها
لتقليل الإمساك
- نام على ضهرك وحط كف إيدك الاتنين على أسفل معدتك بالقرب من عظمة الحوض
- اعمل حركات دائرية برفق من الأسفل للأعلى لحد منطقة القفص الصدري
- كمل لمنتصف البطن لحد الجزء الأيسر من القفص الصدري
- انزل بالمساج للأسفل لحد عظمة الحوض
- اعمل مساج لمعدتك من 2-3 دقايق في حركات دائرية
للجزء الأسفل من الضهر
- اقعد على الأرض مع ضم الرجلين وفرد الضهر
- حط إصبعين الإبهام على العظمة المثلثة آخر العمود الفقري
- حرك أصابعك في حركات دائرية خفيفة من أعلى للأسفل
- اضغط برفق على أماكن الألم واستنى ثواني بعدين شيل أصابعك
- استمر لحد ما ترتاح مع التنفس الجيد المستمر
مساج كرة التنس
- نام على الأرض مع تني الساقين
- حط كرة التنس أسفل جسمك عند مكان الألم من 20-30 ثانية
- لو عايز ضغط أكبر.. حرك جسمك برفق مع الاحتكاك بكرة التنس لحد ما تحس بارتياح
