المحتويات
كارتون الأطفال والكبار – والبعض بيحب يسميه أفلام الأنيمي- بيأثر علي حياتنا لأنه من أكتر وسائل الترفيه لأغلب الأطفال اللي بيتابعوه سواء على التليفزيون أو حتى على المنصات الرقمية المخصصة لعرضه، والخبراء بيأكدوا إن دوره أساسي في تشكيل وعي الأطفال والتأثير على طريقة تفكيرهم بجانب إن دراسات كتير بتقول إن تأثيره بيمتد للكبار لكن أحيانًا بيوصل البعض لإدمانه وبالتالي مهم نعرف طريقة التخلص من إدمانه في مختلف الأعمار.
كارتون الأطفال وتأثيره على عقلهم وسلوكهم
- الكارتون بيأثر على النمو المعرفي والسلوكي للطفل وبيعلم الأطفال الأشكال والأرقام والألوان بطريقة ممتعة وتفاعلية
- بيطور المهارات المعرفية للطفل المعالجة البصرية والسمعية زي نطق الحروف وأشكالها وأصوات وشكل الحيوانات
- القصص الإيجابية بتساعد على تعزيز قيم زي التعاون والرحمة ومساعدة الأخرين والاحترام
- بيطور قدراتهم اللغوية وبيحسن النطق والكلام وبينمي الإبداع والخيال
- لكن في أنواع منها بتشجع على العنف خصوصًا إن الأطفال بيقلدوا أبطال الكارتون وحركاتهم العنيفة لأنهم بياخدوهم قدوة ليهم
- بيتأثروا بالمفردات والمصطلحات المتداولة داخل الكارتون وبتبقى جزء من قاموسهم اللغوي اليومي
- سواء كانت لغة مختلفة عن اللغة الأم أو لهجة مختلفة عن لهجة البلد الأصلية
- بتأثر على سلوكهم الاجتماعي وبيميلوا للانطوائية لو اتحولت لإدمان
- الدراسات قالت أن مشاهدة أفلام الكرتون لفترات طويلة بيشتت الانتباه وضعف التركيز وبيأثر على صحة العين والعضلات بسبب قلة الحركة
- الخبراء بينصحوا بضرورة تحديد وقت في اليوم للمشاهدة والاهتمام بممارسة الرياضة وافتكر إن التفاعل الأسري مع الطفل ضروري عشان يتجنب الانطوائية
تأثير الكارتون على الكبار
- ناس كتير بتعتقد إن مشاهدة الكارتون مقتصرة على الأطفال بس لكن دراسات كتير بتأكد إن متابعته مفيدة للكبار خصوصًا اللي بيعيشوا أجواء متوترة في شغلهم وحياتهم
- دراسة أمريكية بتقول إنه بيهدي الأعصاب وبيحسسك بالسلام الداخلي وبيقلل التوتر
- بيناقش قضايا بسيطة مفيهاش جهد ذهني أو صراعات درامية معقدة وبيصور عالم بسيط مشاكله محدودة بينسّي الشخص الواقع القاسي اللي بيعيش فيه
- بيحس الشخص بالنوستالجيا وبيسترجع ذكريات قديمة عاشها
- وبيقلل الإحساس بالوحدة وبييزوّد جرعة الطاقة الإيجابية وقيم بتفضل موجودة في اللا وعي
- دراسة في جامعة كندية بتقول إنه بيستخدم في العلاج النفسي من أمراض القلق والاكتئاب
- وبتأكد على أهميته في تنظيم الأفكار والتخلص من أي مشاعر سلبية واتخاذ القرارات السليمة
- دراسة تانية في جامعة ميرلاند الأمريكية بتقول إنه بيحميك من الأزمات القلبية وبيقوي المناعة
التخلص من إدمان الكارتون عند الأطفال
- الارتباط بين الطفل والأم خصوصّا في مرحلة الطفولة المبكرة أساسي في تنمية مهاراته الاجتماعية
- دراسة في جامعة ألبرتا الكندية بتأكد إن ارتباط الأطفال بالأم والأب بيحسن من المهارات الاجتماعية والتواصل مع الآخرين
- وبيقوي تفكيرهم المنطقي وبيحسن من صحتهم النفسية والعقلية
- بيقل احتياج الطفل للاستغراق في عالم خيالي يرسم فيه واقع افتراضي غير حقيقي
- هيستمتع الطفل بمشاهدة الكارتون لكن في أوقاته المحددة بدون الاستغراق فيه
- دراسات كتيرة اتكلمت عن فوائد النظام الصحي للصحة النفسية والعقلية وإنه بيزود التركيز وبيحسن المهارات المعرفية
- بيقدر الطفل ينضج بدري ويفهم اهمية الوقت وبيقدر بمساعدة الأهل يعرف طريقة تقسيمه ومعرفة الفرق بين وقت الترفيه ووقت الاستفادة سواء من المذاكرة أو الرياضة
- الالتزام بالقواعد وبنظام معين بيطبقه الطفل كل يوم سواء من خلال الاشتراك في أنشطة مختلفة وممارسة الرياضة أو تعلم هواية جديدة بيقلل استغراقه في مشاهدة الكارتون
- بيكتسب الطفل مع الوقت فكرة احترام النظام والقواعد والواجبات اللي عليه وبالتالي بيتحسّن مستواه التعليمي وسلوكياته
- مهم للآباء اختيار فيلم كارتون مناسب يتفرجوا عليه مع أطفالهم كل فترة عشان يحسوا بقيمة المشاهدة الجماعية
- هيستفيد الأهل من فوائد الكارتون للكبار وفي نفس الوقت هيستمتع الأطفال بوجود الأهل معاهم
- هيميلوا أكتر للمشاهدة الجماعية وبالتالي هيقل استغراقهم في مشاهدة افلام كارتون الأطفال لوحدهم وهيقل ميلهم للانطوائية
