الطول بيختلف من شخص للتاني بسبب عوامل كتير متداخلة مع بعضها سواء البيئة اللي الشخص بيعيش فيها أو الجينات الوراثية اللي بتعتبر الأساس في تحديده المميز لكل شخص، ودراسات كتير أكدت إن تناول الأطفال لبعض الأطعمة ممكن يزوّد طولهم بنسبة بسيطة.
التفسير العلمي لاختلاف الطول بين البشر
تجربة عملتها جامعة جرونينجن الهولندية بتأكد إن الشخص طوله بيأثر في تفاعل الإنسان مع اللي حواليه
دراسة في جامعة إكسيتر البريطانية بتقول إن الطول بيبقى متخزن في الـDNA أو البصمة الوراثية وإن أكتر من 80% من الاختلاف في الأطوال سببه الجينات
أكتر من 700 جين بيحددوه من خلال تفاعلهم مع بعض
دراسة في جامعة هلسنكي الفنلندية بتقول إن البيئة ليها دور أساسي في تحديد الطول وإن لكل مجتمع أو نطاق جغرافي أطوال متشابهة وبترجح إن للعوامل البيئية تأثير على الجينات اللي بتحدد الطول
مثلًا اليابانيين المقيمين في أمريكا أطول من اليابانيين اللي عايشين في بلدهم الأم
والأمراض اللي بتظهر في مرحلة الطفولة المبكرة بتسيب أثرها على كثافة العظام زي بعض الأمراض المزمنة في الكليتين والقلب والرئة والغدة الدرقية والطفرات الجينية اللي بتأثر على نمو العظام وممكن تخلي أطفال أطول أو أقصر من الطبيعي
أطعمة بتزوّد طول طفلك
دراسة في جامعة تكساس بتقول إن البروتينات دورها أساسي في النمو وبناء الأنسجة
دراسات تانية بتقول إن الكالسيوم والمغنيسيوم والفوسفور دورهم أساسي في صحة العظام وقوتها
وبتنصح ببعض الأطعمة اللي هتساعد طفلك يحقق أكبر استفادة لعظامه ويزود طوله
الفول غني بالبروتين وبيزود هرمونات بتنظم نمو عظام الأطفال
الفاصوليا غنية بالحديد والمغنيسيوم وفيتامين B اللي بيحمي من فقر الدم اللي ممكن يأخر نمو الطفل
الفراخ غنية بالبروتين وفيتامين B12 وبعض الأحماض الأمينية وكلهم مرتبطين بزيادة فرص نمو العظام بطريقة صحية
دراسة بتأكد إن اللوز بيحمي أنسجة العظام وبيقويها وبيزود فرص نموها
