المحتويات
سماعات بلوتوث الكبار والصغار بتسهل كتير التواصل مع الآخرين وقت المكالمات الطويلة، ومع الوقت بتسهل الحركة عليهم أو تعدد المهام وقت المكالمة، وشركات كتير بتصمم سماعات بألوان جذابة ومقاسات صغيرة مناسبة للأطفال عشان تسهل عليهم سماع الدروس أونلاين أو لمشاهدة أفلام الكارتون على التابلت أو التليفونات الحديثة، لكن خبراء كتير بيأكدوا إنها خطر على صحة الكبار وبتأثر على نمو مخ الأطفال بدرجات متفاوتة.
أضرار سماعات البلوتوث متعددة الأشكال
- دراسات كتير بتأكد إن المجالات الكهرومغناطيسية من الأجهزة اللاسلكية بتضر الصحة على المدى البعيد
- دراسة أمريكية بتقول إن التعرض المستمر ليها بيسبب تشوهات جينية
- منظمة الصحة العالمية دعت لمحاولة تجنب الأجهزة دي لضررها على الصحة
- الوكالة الدولية لأبحاث السرطان قالت إن طول مدة التعرض ليها بيسبب سرطان الدماغ عند الفئران
- تجارب كتير بتدرس حاليًا تأثير المجالات الكهرومغناطيسية من الأجهزة اللاسلكية على الإنسان
- نتايج قليلة بحثت تحديدًا في تأثير سماعة البلوتوث على المخ والصحة العامة
- خبراء بيقولوا إن الإشعاعات اللي بتتعرض لها وقت ارتدائها تلت اللي بتتعرضله لو بتتكلم في الموبايل
- وبالتالي ضررها أقل من الكلام في الموبايل
- لكن خبراء الصحة بيأكدوا إن وجودها طول الوقت في الأذن بيزود التعرض ليها رغم قلة الكمية
- تقارير قالت إنها بتسبب السرطان لكن مفيش دليل علمي صريح لحد دلوقتي لكن ضروري إبعاد الأطفال عنها لأن مخهم لسه بينمو وبالتالي فرص تأثرهم بأضرارها أعلى
طريقة الاستخدام الآمن للسماعات اللاسلكية
- مهم تلبسها وقت المكالمة بس وتقلل استخدامها قدر المستطاع ودراسات بتأكد إن تشغيل الـspeaker (مكبر الصوت) على الموبايل هو أكتر طريقة آمنة
- بلاش تسمع بيها أغاني لمدة طويلة واستبدلها بالسماعات السلكية
- اخلعها بعد الانتهاء من أي مكامة لأنك بتزوّد الخطر الإشعاعي عليك لو لابسها حتى لو مش بتستخدمها
- حطها في مكان مخصص ليها بانتظام وابعدها عن جسمك أو جيبك
- اقفل السماعات وبلاش تسيبها مفتوحة حتى لو بعيدة عنّك
- اختار سماعات مريحة ومناسبة لحجم الأذن وصوتها نقي عشان تسمع بوضوح
- اتأكد إنك واقف في مكان الشبكة فيه قوية لأن بعض الخبراء بيقولوا إن ضعف الشبكة بيزوّد تعرضك للمجالات الكهرومغناطيسية وقت إجراء المكالمة
طرق الحماية من أضرار البلوتوث
- منظمة الصحة العالمية بتقول إنها بتزود خطر الإصابة بالسرطان
- وبتتسبب في ظهور أعراض كتير غير طبيعية بتؤدي لأمراض على المدى البعيد زي الصداع والاكتئاب والإرهاق وقلة التركيز وممكن تتطور لفقدان الشهية وإحساس مستمر بالغثيان
- بلاش تتكلم والموبايل على ودنك أو حتى بسماعة البلوتوث والأحسن تفتح مكبر الصوت
- ابعد الموبايل عن جسمك قدر المستطاع ولو هتحطه في جيبك الأحسن يبقى مقفول
- طول ما التليفون مفتوح بيزيد تعرضك للإشعاعات اللي خطرها كبير على الصحة وبلاش تستخدمه لو الشبكة ضعيفة عشان هيزيد تعرضك للإشعاعات لأن التليفون بيحتاجها لإجراء مكالمة ناجحة
- وصّل الإنترنت للابتوب بطريقة سلكية واقفل البلوتوث قدر المستطاع وقلل استخدامك للطابعات ولوح المفاتيح اللي بيشتغلوا بطريقة لاسلكية
- خلي موبايلك وتليفونك الأرضي اللاسلكي وراوتر الإنترنت بره غرف النوم والأحسن تقفلهم طالما مش بتستخدمهم وبلاش تركب الكاميرات اللاسلكية لأنها بتزود تعرّضك لإشعاعات ضارة
- خصص وقت في يومك تقضيه في الشمس في مكان مفتوح واهتم بالتغذية من خلال الخضروات والفواكه الغنية بالألياف
- حافظ على ساعتك البيولوجية ومعدلات نومك (مش أقل من 8 ساعات) والعب رياضة بانتظام عشان تحافظ على صحتك وتقوي مناعتك
