النظام الغذائي المناسب لكل أنواع البشرة المختلفة

البشرة بتتأثر بعوامل كتير منها النظام الغذائي اللي بيأثر على الهرمونات وجودة النوم وروتين العناية بيها، فمهم تختار الأطعمة المناسبة لكل نوع عشان تحسن شكلها.

خطوات تحديد نوع بشرتك

قبل شراء الأطعمة المناسبة ليها، مهم تحدد نوعها الأول وده بيكون من خلال بعض الخصائص

تجنب عمل أي روتين ليها بعد غسلها واستنى ساعة عشان تقدر تحدد نوعها

في العموم، في 4 أنواع ليها وهي:

• الجافة
• العادية
• المختلطة
• الدهنية
• لو شكلها لامع وفيها زيوت.. تبقى دهنية
• لو شكلها ناشف وبتقشر أو ملتهبة وفيها احمرار.. تبقى جافة
• في حالة وجود لمعان وزيوت على مناطق معينة من الوجه بس.. تبقى مختلطة

أفضل وأسوأ الأطعمة للبشرة الجافة 

لو بشرتك جافة.. تبقى عطشانة

شرب 2 لتر مياه يوميا بيساعد على ترطيب الجسم بس مهم تاخد مياه من الأطعمة الغنية بيها زي:

• البطيخ
• الخيار
• الخس
• الكرفس

ممكن ترطبها من خلال أكل الأطعمة الدهنية زي:

• الأفوكادو
• زيت الزيتون
• السلمون

مهم تقلل الأطعمة اللي بتقلل ترطيب الجسم زي:

• الكافيين
• الكحول

قلل كمية الكافيين اليومية لـ(400 ملجم) يعني حوالي 2-3 كوب

نقص الفيتامينات زي فيتامين أ وفيتامين سي ممكن يبقى سبب للنوع الجاف، فمهم تاكل أطعمة زي:

• السبانخ
• الفراولة
• الجوافة
• البرتقال
• البروكلي
• البطاطا
• أفضل وأسوأ الأطعمة للبشرة الدهنية

الأطعمة الغنية بالزيوت المضادة للالتهاب بتساعد على تقليل مظهر البشرة الدهنية، والأطعمة الغنية بيه هي:

• الأفوكادو
• الزيتون
• السمك
• بذور الكتان
• مهم تقلل الأطعمة المصنعة وكمية السكر اليومية سواء الصريح أو الخفي الموجود في المخبوزات والكربوهيدرات
• لتقليل كمية الزيوت اللي بتنتجها أو التحكم في المسامات المغلقة.. استبدل الكربوهيدرات المصنعة بالحبوب الكاملة اللحوم الحمراء بالفراخ والأسماك

أفضل وأسوأ الأطعمة للبشرة المختلطة

• بما إنها خليط من البشرة الجافة والدهنية.. فلازم تاخد بالك من الأطعمة المفيدة والضارة لنوعين البشرة
• مش هتحتاج تتجنب الكربوهيدرات بشكل كلى لكن مهم تنتبه لنوع الحبوب والكربوهيدرات اللي بتاكلها
• الكربوهيدرات بتسبب عدم إتزان الهرمونات والتهاب الجسم وبالتالي التهاب البشرة فعند أكلها.. اختار الأنواع الكاملة غير المصنعة والغنية بالبروتين زي الكينوا والرز البني

أفضل وأسوأ الأطعمة للنوع المعرض للحبوب 

• حبوب الوجه هي نتيجة لخليط من زيوت اللي فيها والتهابها والبكتيريا
• مهم تاكل أطعمة غنية بفيتامين سي زي الجوافة والبرتقال والبروكلي والسبانخ
• الأطعمة الغنية بالزنك مهمة زي المحار والمكسرات والفراخ
• في أطعمة غنية بالبروبيوتك زي الزبادي اليوناني بتساهم في تحسين مظهر البشرة بشكل عام
• مهم تقلل منتجات الألبان والسكريات والأطعمة الدهنية لأنها بتسبب لخبطة الهرمونات وإنتاج زيوت البشرة بشكل زايد

أفضل وأسوأ الأطعمة للبشرة الباهتة 

البشرة الباهتة سببها الرئيسي الإجهاد التأكسدي اللي بيسببه التعرض للشمس بدون صن بلوك وعدم الانتظام على الأطعمة المفيدة لصحة الخلايا

ممكن تعالجها من خلال الأطعمة الغنية بمضادات الأكسدة زي التوت والبروكلي والطماطم والخيار والبرتقال

خلي دايما طبقك غني بالألوان المختلفة في كل الوجبات

انتظم على الأطعمة الغنية بمضاد الأكسدة (ليكوبين) زي:

• البابايا
• الفلفل الأحمر
• الجوافة
• استبدل الشوكولاتة العادية بشوكولاتة غامقة 70% أو أكتر