كورونا

جهاز المناعة: إزاي تحاف عليه في شهر رمضان؟

إزاي تحافظ على مناعتك في رمضان؟

25 أبريل، 2021

اقرأ في هذا المقال

المحتويات

1- تعريف جهاز المناعة

2- مكونات جهاز المناعة

3- أنواع المناعة

4- حالة المناعة في رمضان

5- طريقة تقويّتها

1- تعريف جهاز المناعة

– دور جهاز المناعة حماية الجسم من الأمراض ومن أي أجسام غريبة ممكن تسبب ضرر للإنسان.

– هو عبارة عن شبكة من الخلايا والأنسجة والأعضاء بتتعامل كفريق واحد لمحارية أي خطر بتحارب أي مستضد بيشمل (سم / فطريات / أجسام غريبة / فيروسات / ميكروبات)

– المكونات الطبيعية للمناعة: الجلد وحموضة المعدة وانزيمات الدموع وزيوت الجلد والمخاط من أهم المكونات الكيميائية للمناعة مادة الإنترفيرون والإنترلوكين، وبتساعد المكونات دي على طرد أي سموم خارج الجسم.

2- مكونات جهاز المناعة:

1 الخلايا الليمفاوية وكرات الدم البيضاء:

شبكة أنابيب رفيعة ممتدة في الجسم تنتشر فيه كرات الدم البيضاء

خلايا الدم البيضاء بتبحث عن مسببات الأمراض وتبعت إشارات لباقي الخلايا عشان تحارب معاها

بتنتشر الغدد في: الغدة الصعترية (تقع بين الرئتين وتحت الرقبة مباشرة)

-الطحال

-نخاع العظام

– العقد الليمفاوية (غدد منتشرة في الجسم مرتبطة بالأوعية اللمفاوية)

2- الأجسام المناعية المضادة:

– بتشتغل في حالة دخول أي ميكروب أو فيروس للجسم لإبلاغ الخلايا الليمفاوية.

بتتكون من بروتينات بتقاوم الميكروبات وفيروسات اللي بتتلف أنسجة الجسم.

3- الخلايا البالعة:

-بتحارب أي جسم غريب أو ميكروب بيلتصق بالأجسام المضادة.

-بمجرد إنتاج الأجسام المضادة بتبقى نسخة منها في الجسم بحيث لو ظهر نمرة تانية تتعامل معاه أسرع

وده سبب عدم الإصابة بأمراض معينة إلا مرة واحدة زي الجدري المائي.

3- أنواع جهاز المناعة:

الفطرية:

بنتولد بيها وبتمثل حواجز خارجية لأجسامنا زي الجلد والأغشية المخاطية في الحلق والأمعاء.

استجابتها مش ثابتة وفي حالة اختراقها من مسبب المرض بيبدأ دور المناعة التكيفية.

التكيفية:

بتتطور عشان تحمي الجسم مع تقدم السن والتعرض للأمراض وتلقي التطعيمات.

وبتعتبر الذاكرة المناعية لأن جهاز المناعة بيخزّن صورة للستضدات اللي بيواجهها.

4- الحالة المناعية في رمضان:

– دراسة في جامعة ساوثرن كاليفورنيا بتقول إن الصيام بيقوي الخلايا المناعية وبيجددها، بيفتت الجسم الخلايا الميتة أو غير النافعة بالنسبة له وبتهاجم خلايا المناعة أي كائنات دقيقة مسببة لأمراض وبتسبب في تركها لمجرى الدم. غياب الطعام بيخلي الجسم يعتمد على نخاع العظم اللي غني بالمكملات الغذائية اللي بتقوي الصحة بتحميها من الأمراض أو العدوى.

-على الرغم من فوايد الصيام للمناعة إلا إنه له أضرار، مثلًا مع التعرض لدرجات حرارة عالية بيزيد الجفاف وده بينعكس على صحة الجسم نتيجة نقص المياه اللي بتعتبر العامل الرئيسي في بناء الجسم وبتخرّج منّه السموم. الجفاف بيقلل الطاقة في الجسم وبيقلل فرص ممارسة التمرينات الرياضية اللي بتنشط المناعة وبالتالي بيزيد تعرّض الشخص لالتقاط العدوى سواء فيروسية أو بكتيرية.

5- تقوية المناعة في رمضان

– فيتامين C

موجود في الليمون والفراولة والبقدونس والبرتقال والبروكولي والجوافة والتوت، افتكر إنك لازم تتناول الأغذية الغنية بيه يوميًا لأن صعب على الجسم تخزّينه.

-فيتامين B6

موجود في الخضار الورقي والموز والمكسرات لأن فيه مضادات أكسدة بتسبب تفاعلات كيميائية في الجهاز المناعة وبتحارب بيها مصادر العدوي.

– الأطعمة الغنية بالألياف سواء الخضروات والفواكه أو البقوليات زي الفول والعدس بيزودوا إحساسك بالشبّع وفي نفس الوقت بيقللوا استهلاكك لأطعمة تانية بتضعف المناعة.

-فيتامين E

موجود في اللب السوري واللوز والبروكلي والأفوكادو

– قلل تناول الأطعمة المصنعة واللحوم الحمراء وامنع المقليات والسكريات والدهون والنشويات خصوصًا على الفطار لأنها بتضعف الخلايا المناعية وبترفع الكوليسترول والسكر وقلل الموالح قدر المستطاع لأنها بتضعف الخلايا اللي بتحارب البكتيريا.

– درسينج زيت الزيتون والخل على الأكل بيقوي المناعة وبيظبط نسبة السكر في الدم.

– زوّد التوم الني في أكلك أو أخلطه بالمياه وأشربها.

– اشرب 12 كوباية مياه بين الفطار والسحور وحافظ على 8 ساعات نوم وامشي مش أقل 20 دقيقة قبل الفطار أو بعده بساعة وحافظ على جدول تمريناتك الرياضية في رمضان بعد الفطار بـ 3 ساعات.

25 أبريل، 2021