صحةكورونا

فصائل الدم: أنواعها وطريقة تحديدها وعلاقتها بفيروس كورونا

إزاي تفهم الفرق بين فصائل الدم؟

فصائل الدم من الحاجات اللي مهم تعرفها وتبقى مكتوبة في سجلاتك الطبية، وفي البطاقة داخل محفظتك، عشان لو احتجت في أي وقت نقل دم من شخص تاني يبقى سهل على المتخصصين تحديد فصيلة دمك، ومهم تعرف فصيلة دمك عشان تقدر تتبرع لأي شخص محتاج نقل دم في أسرع وقت.

فصيلة الدم
فصيلة الدم

سبب اختلاف فصائل الدم عن بعضها

  • الدم بيتكوّن من صفايح دموية، وكرات دم حمراء، وداخلها فيه بروتينات نوعية اسمها مستضدات
  • بتختلف المستضدات من شخص للتاني، وده بيفسر اختلاف فصايل الدم عن بعضها
  •  جزء من تحديد فصائل الدم هو نوع الأجسام المضادة (البروتينات الموجودة في بلازما الدم)
  •  الأجسام المضادة هي درع واقي بيحمي الجسم من الأمراض والجراثيم
  • بتتقسم لـ 4 أنواع أساسية تبع نظام ABO اللي بيصنف الدم حسب العوامل الوراثية الموجودة في كرات الدم الحمراء وهم (A – AB – B – O)

الفرق بين المستضدات والأجسام المضادة

  • المستضدات والأجسام المضادة ليهم دور أساسي في حماية الجسم من الأمراض
  • قبل معرفة أنواع فصايل الدم لازم تفهم الفرق بين المستضدات والأجسام المضادة
  • المستضدات هي مواد في الدم بتشجع الجسم على إفراز الأجسام المضادة
  • بتظهر في شكل بروتينات على سطح البلازما
  • أحيانًا بتظهر في شكل بكتيريا أو فيروسات بتحفّز جهاز المناعة على إطلاق خلاياه لمقاومته للدفاع عن الجسم
  • أما الأجسام المضادة فهي نوع من البروتينات بتصنعها الخلايا الليمفاوية
  • بتهاجم أي سموم أو فيروسات خارج الخلايا وبتحاول تقضي عليها، وتخلّص الجسم منها
  • كل جسم مضاد بيحمي المستضد المستهدف، وبتختلف العلاقة بين بروتيناتهم الداخلية من شخص للتاني
  • الاختلاف ده بيشكل الفرق بين فصائل الدم

أنواع فصائل الدم

A

  • بيحتوي سطح خلية الدم الحمراء على المستضد A
  •  البلازما بتحتوي على أجسام مضادة للمستضادات B

B

  • سطح الخلية بيحتوي على المستضد B
  • الأجسام المضادة فيها مستضدات A

AB

  • خلية الدم الحمراء فيها مستضدات A وB بس مفيش أي أجسام مضادات لمستضدات أي نوع منهم

O

  • كرات الدم الحمراء خالية من مستضدات A وB  بس بلازما الدم فيها أجسام مضادات للنوعين

العامل الريزوسي

  • بيعتبر من العوامل المهمة في تحديد فصيلة الدم واسمه العلمي  Rh(d immunoglobulin)
  • وجود بروتين Rh  في خلايا الدم الحمراء بيعني إن الفصيلة إيجابية، وغيابه بيعني سلبية الفصيلة
  • العامل ده مهم لتحديد فصائل الدم اللي تقدر تتبرع لبعض

فصائل الدم الملائمة للتبرع

  •  A+ يتبرع لـA+, AB+ ويستقبل من (A+, A-, O+, -O)
  •  A- يتبرع لـ A-, A+, -AB, AB ويستقبل من (A-, -O)
  •  B+ يتبرع لـB+, +AB ويستقبل من (B+, B-, O+, -O)
  •  B- يتبرع لـB-, B+, -AB, +AB ويستقبل من ( B-, -O)
  •  AB+ يتبرع لنفسه بس ويستقبل من كل الفصائل
  •  AB- يتبرع لـAB, AB- ويستقبل من( AB-, -A, B-, -O-)
  •  O+ يتبرع لـO+, A+, B+, +AB ويستقبل من (O+, -O)
  •  O- يتبرع لكل فصائل الدم ويستقبل من نفسه بس

نسب انتشار الفصايل

  • A+ بنسبة 35.7%
  • Aـ  بنسبة 6.3%
  • B+ بنسبة 8.5%
  • B- بنسبة 1.5%
  • AB+ بنسبة 3.4%
  • AB-  بنسبة 0.6%
  • O+ بنسبة 37.4%
  • O-  بنسبة 6.6%

علاقة فصائل الدم بفيروس كورونا

  • في بداية ظهور فيروس كورونا ظهرت دراسة لجامعة ووهان الصينية بتقول إن فصيلة الدم مؤثرة في مقاومة الجسم لكورونا
  •  الدراسة اتعملت على ألفين مصاب في ووهان لاكتشاف علاقة فصيلة الدم بإنتاج علاج للفيروس
  •  اكتشفت  إن أصحاب فصيلة الدم A أكتر عرضة للإصابة بالمرض
  •  على عكس أصحاب فصيلة O اللي مقاومتهم للفيروس أكتر من غيرهم
  • الكلام ده أكده بحث تاني نشر مؤخرًا في مجلة Blood Advances الأمريكية
  • مش معنى كده إن كل المصابين فصيلة دمهم A أو إن اللي فصيلة دمهم O عندهم مناعة منه
  •  فتحت الدراسة مجال إن مع اختلاف فصيلة الدم بتختلف الأجسام في مقاومتها للفيروس
  •  المنتقدين للأبحاث دي بيقولوا إنها ماوضحتش التفاعل بين الفيروس وبين فصائل كرات الدم الحمراء المختلفة

طريقة معرفة فصيلة الدم 

  • اعمل فحص دم واطلب من ضمن التحليل إنك تعرف فصيلة دمك 
  • راجع الفحوصات الصحية القديمة اللي تخصك من وقت الطفولة 
  • صعب تعرف فصيلة دمك بدون تحليل، بس أثناء نيتك للتبرع بالدم هتكتشف قبلها فصيلة دمك وفي نفس الوقت هتفيد غيرك

شروط التبرع بالدم 

  • عشان تكون مؤهل للتبرع بالدم لازم تكون:
  • من 18 لـ65 سنة 
  •  وزنك ميقلش عن 50 كجم
  • صحتك كويسة ومش بتعاني من مرض مزمن زي السكر والضغط أو عندك برد أو التهاب الحلق أو هربس الحمى 
  • مش عامل تاتو قبلها على الأقل بـ6 شهور أو عملية جراحية
  •  آخر زيارة لدكتور الأسنان قبلها بـ24 ساعة على الأقل
  • مستوى الهيموجلوبين (12 جرام للإناث و13 جرام للذكور)
  • ضروري تاكل وجبة خفيفة صحية قبلها بساعتين فيها حديد زي الخضار الورقي
  •  تجنب الدهون زي (البطاطس المقلية والوجبات السريعة والحلويات الدسمة) لأنها بتأثر على اختبارات العدوى اللي بتتعمل قبل التبرع
  • اشرب كوبايتين مياه أو سوايل قبل التبرع و4 كوبايات بعدها
  • خد قسط كافي من النوم على الأقل 8 ساعات
  •  بلاش تاخد مسكن أسبرين قبل التبرع بيومين
  •  اتأكد إن الإبرة جديدة ومعقمة 
  •  بعد التبرع.. تجنب أي مجهود بدني عنيف لمدة 5 ساعات
  •  لو حصل أي نزيف بعد ما تشيل الضمادة اضغط عليها وارفع دراعك
  •  لو حسيت بدوخة.. استرخي وارفع رجلك لفوق لحد ما الدم يوصل للمخ

مقالات ذات صلة

زر الذهاب إلى الأعلى