المحتويات
مضادات الأكسدة عبارة عن جزيئات بتحافظ على الخلايا من التلف اللي بتسببه الجذور الحرة، والجذور دي بتمتلك إلكترون حر وبتاخد إلكترون تاني من مضادات الأكسدة عشان تكون معتدلة.
توازن مضادات الأكسدة والجذور الحرة
الجسم بيحتاج الاتنين، والتوازن بينهم شيء ضروري لأن عند تفوق عدد الجذور الحرة على عدد مضادات الأكسدة، خلايا الجسم بتكون في خطر الإصابة بالإجهاد التأكسدي اللي ممكن يسبب تدميرها
الإفراط في تناولها بيسبب أعرض سامة للجسم وممكن يبقى سبب للإصابة بالإجهاد التأكسدي
أنواع مضادات الأكسدة
تنقسم لنوعين وهم:
- القابلة للذوبان في المياه وبيتم استيعابها وعملها داخل الخلايا
- النوع التاني هو القابل للذوبان في الدهون واللي بيتم استيعابها في جدار الخلية وبتأثر عليه
مصادر مضادات الأكسدة
الأطعمة هي المصدر الأساسي ليها سواء كانت مصادر نباتية أو حيوانية والشاي والقهوة
أهم مصادرها هي:
فيتامين سي
- هو من أهم أنواعها القابلة للذوبان في المياه ومن مغذيات الخلية الأساسية
- موجود في الجوافة والرمان والفراولة والبرتقال والبروكلي والسبانخ
فيتامين هـ من مضادات الأكسدة
- هو من أهم أنواعها القابلة للذوبان في الدهون وليه دور أساسي في الوقاية من الإجهاد التأكسدي
- موجود في المكسرات والبذور والخضار الورقي
الفلافونويد
- مجموعة من المركبات النشطة بيولوجيا وموجودة في بعض الأطعمة والنباتات والمسؤولة عن لونه زي الطماطم
- هي نوع من أنواعها اللي بتساعد الجسم على الوقاية من الأمراض المزمنة وتقليل فرص الإصابة بيها
- بسبب خصائصها، الدراسات أثبتت إن ليها دور في الوقاية من أنواع معينة من السرطان زي سرطان الثدي والبروستاتا والقولون والمستقيم
- موجودة في الطماطم والفراولة والتوت والليمون والبرتقال والمشمش والعنب
البيتا كاروتين
- هي المادة اللي بتمنح بعض الأطعمة لونها البرتقالي والجسم بيحوله لفيتامين أ
- مهم لصحة البشرة والشعر والأغشية الخلوية وجهاز المناعة والعيون
- من أهم أنواعها اللي بتساعد على الوقاية من الأمراض المختلفة زي أمراض القلب
- بيقلل تدهور الصحة البدنية والعقلية مع التقدم في العمر
اللوتين من ضمن مضادات الأكسدة
- من ضمن مجموعة البيتا كاروتين وموجود في الأطعمة اللي لونها بيميل للبرتقالي والأصفر
- بيتم امتصاصه بشكل أفضل في حالة تناوله مع وجبة فيها دهون
- مهم لصحة العيون والبشرة والوقاية من خطر الإصابة بالتنكس البقعي
- بيحافظ على صحة القلب والأوعية الدموية
السيلينيوم
- من المعادن اللي الجسم محتاجها للوقاية من الأمراض وتجديد الأنسجة وإصلاح أي تلف فيها
- ليه دور في عمل الغدة الدرقية
- بيساعد على حماية الجهاز العصبي من الأمراض
- موجود في الجوز البرازيلي والبيض والرز البني والشوفان وبذور عباد الشمس
محفزات الإجهاد التأكسدي
في عوامل وعادات ممارستها بيسبب زيادة خطر الإصابة بالإجهاد التأكسدي وبالتالي الحاجة لمضادات الأكسدة، زي:
- تلوث الهواء
- التدخين
- شرب الكحول
- ارتفاع مستويات السكر في الدم
- استهلاك الدهون غير المشبعة
- التعرض لأشعة الشمس
- الفيروسات والالتهابات
- الإفراط في تناول مكملات الفيتامينات زي الحديد والزنك والمغنيسيوم والنحاس
- نقص الأكسجين في الدم أو فرطه
- ممارسة الرياضة لفترات طويلة والمجهدة اللي بتسبب تلف الأنسجة
- نقص مضادات الأكسدة في الجسم
- الإجهاد التأكسدي بيزود خطر الإصابة بأمراض خطيرة زي:
- أمراض القلب
- السرطان
- أمراض الأوعية الدموية
- تسريع عملية الشيخوخة
المكملات الغذائية لمضادات الأكسدة
- بالرغم من فوائدها للجسم، إلا إن زيادتها في الجسم مضرة وليه تأثير سام عليه وآثار أسوأ من الإجهاد التأكسدي
- الدراسات أثبتت إن زيادتها بتعلي خطر الإصابة بالوفاة
- الأفضل تاخد الكمية المناسبة من كل نوع من خلال الأطعمة عشان تقدر تتحكم في الجرعات المناسبة ليك خاصة في حالة تناول الأطعمة في شكلها الني
