المحتويات
حلاقة الدقن من الأمور الروتينية لأغلب الرجال، ولكن بعضهم بيصاب بجروح خصوصًا في بداية سن البلوغ أو حتى مع الوقت نتيجة الاستعجال والرغبة في الانتهاء من المهمة في أسرع وقت ممكن، وبالتالي ضروري تبقى حريص وقت حلاقة دقنك ومعرفة علاج أي جرح خفيف بعد الحلاقة.
كيفية حلاقة الدقن بأمان
- لو سنك من 16 لـ19 سنة ابعد عن الموس لأن الحلاقة بالموس في السن ده بتتقل الدقن زيادة وبتسبب التهابات للبشرة لأن الشعر في البداية بيبقى قليل
- الأحسن تحلقها بالماكينة الكهربائية عند الحلاق مرة كل شهر
- لو هتستخدم الماكينة الكهربائية بنفسك يبقى احلق في اتجاه واحد بس وماتطلعش بيها فوق الدقن عشان الشعر مايظهرش بكثافة في كل الوجه
- خطوات تانية تقدر تعرفها من خلال الرابط ده عشان تعرف كيفية حلاقة الدقن بسهولة
طريقة اختيار كريم الحلاقة المناسب لبشرتك
- الخبراء بيأكدوا إن اختيار الكريم أساسي في تقليل نسبة جروح الحلاقة لأنه بيحتوي على مواد بتلطف البشرة
- اختار علامة تجارية معروفة واسأل المحيطين بيك عن تجربتهم أثناء استخدامها
- اقرأ المكونات كويس وابعد عن أي منتجات فيها كمية كحول كبيرة لأنها بتزود جفاف البشرة
- أو بتحتوي على مواد كيميائية زي البارافين (Paraffin) أو المنثول (Menthol) لأنهم بيسببوا حساسية الجلد
- اختار منتجات فيها زيوت طبيعية زي زيت جوز الهند لأنها بتزود نضارة البشرة ونعومتها
- بتقلل فرص تكون البكتيريا لأن فيها مواد مضادة للالتهابات
- اتأكد إن نسبة الترطيب فيها عالية ( Maximum Hydration) عشان تحقق أكبر حماية من شفرة الحلاقة
- اختار المنتج المريح أكتر بالنسبة لك.. مفيش فروق كبيرة بين اختيار الجل أو الرغوة أو الكريم
- الخبراء بينصحوا أصحاب البشرة الدهنية والحساسة باستخدام الجل أكتر من الكريم أو الرغوة
- بيحتوي على نسبة أعلى من المرطبات
- الكريم مناسب أكتر للبشرة العادية لأنه بيحتوي على نسبة عالية من الجلسرين المرطب
- الفوم بيوفر رغوة خفيفة سهلة الشطف بس بعض الأنواع منه فيها كحول عالي بيسبب التهابات وحكة
خطوات علاج جرح بالموس بعد الحلاقة
- اغسل وشك بمياه باردة.. هتقدر تحدد بعدها حجم الجرح وهيساعدك توقف النزيف
- حط قطنة أو منديل على الجرح لحد ما الدم يتجلط والنزيف يقف خالص
- اضغط عليها لمدة من 5 لـ15 دقيقة
- حط قطعة تلج فوق الجرح لأنه بيقلل تدفق الدم وبالتالي بيقل النزيف
- ممكن تستخدم فوطة مبلولة بمياه سخنة عشان تكوي الجرح
- اغسلها بالمياه كل شوية
- استخدم الفازلين لأن طبيعته الشمعية بتقفل الجلد وبتساعد على تجلط الدم
- دراسة في جامعة ولفرهامبتون بتقول إن استخدام السكر بكمية بسيطة هيمنع البكتريا من النمو أو استخدم غسول الفم لكن ممكن يسبب حرقان في الجرح
- ادهن مكان الجرح كريم مضاد حيوي لتطهير الجرح وتسريع فترة التئامه
- استشير طبيب لو استمر النزيف دون انقطاع أو حصل أي تلوث فيه
