المحتويات
النيش من القطع الأساسية في الأثاث المصري على مدار سنين طويلة ولكنه أحيانًا بيسبب بعض المشاكل سواء بسبب عدم القدرة على تنسيقه مع قطع تانية، أو اختيار نيش أكبر من المساحة المحددة، وبالتالي مهم تعرف طريقة اختياره وتبديله بحاجات تانية.
أصل الكلمة
- هي كلمة فرنسية (Niche) ومعناها حسب الاصطلاح المكان الآمن أو المميز للشيء الثمين وبيستخدم بمعنى الجراب
طريقة اختيار النيش مناسب
- حدد المكان اللي هتحطه فيه وارفع مقاساته بالتحديد
- اختار نيش مناسب لحجم المكان اللي هتحطه فيه
- ضروري تقيس مقاسات فتحة الباب اللي هيدخل منها خصوصًا لو مش هتستعين بونش متخصص
- في أوقات كتير بيبقى النيش المناسب للسفرة حجمه مش مناسب لمساحة بيتك وبالتالي دوّر على حاجة تانية تبقى أصغر
- بلاش تبحث عن القطعة المطابقة للسفرة وممكن تكتفي بإنك توفّق قطعة شكلها مناسب ولايق عليها
- اعرف إنها قطعة مكملة للسفرة مش أساسية ومش ضروري تجيبها لو سعرها غالي
الهدف من الشراء
- هدف شرائه هو إبراز الأطقم الثمينة وبالتالي لو معندكش قطع كفاية بلاش تشتريه
- القطع الأساسية اللي بتترتب فيه هي:
- أطقم الصيني والشاي والأركوبال والكاسات والجاتوه بجانب طقم الحلويات وصواني التقديم وفناجين القهوة وصواني تقديم الحلويات سواء طبق كبير للتورتة أو سيرفيس للجاتوه والحلويات الشرقية
طريقة ترتيبه
- طرق كتير تقدر ترتبه بيها
- زي إنك تحط الكاسات في أعلى رف وتحتها فناجين الشاي والقهوة وتحتهم الأطباق سواء الصغيرة أو صحون التقديم
- لو فيه رف تالت فوق أرضيته الأحسن تحط فيه طقم الكاكاو ولكن الأهم تحافظ على المظهر الجمالي وتتجنب تكدس أشياء كتير وقطع متنوعة في رف واحد
- خليك حريص واهتم بمظهر النيش الأنيق وبلاش تكدّسه بمحتويات كتير
- افتكر إن كل ما قلت محتوياته كل ما كان الشكل أفضل
- احتفط بباقي المحتويات في البوفيه من تحت أو في أدراج المطبخ ولو الحاجات جديدة وخايف عليها من الكسر ضروري تحتفظ بيها داخل الكراتين
استبدال النيش بقطع تانية
- أحيانًا بتقل القطع الثمينة اللي عند الشخص وبالتالي بسهولة بتسهل عملية استبداله بقطع تانية زي:
- ركن القهوة
- دولاب خشب
- الأرفف المعلقة
- الدولاب السفلي
- النيش السفلي
- المكتبة
- ركن قراءة
- وحدة أرفف معلقة مفتوحة للديكور
- الأرفف المدمجة في الحائط
- دولاب خشبي مدمج في الحائط
- أرفف علوية مع رف أسفلها وأرفف سفلية
- ركن اليوجا
- مرجيحة
- حائط لوح أو صور مع كراسي
- كورنر العمل
- ركن نباتات
