حساسية الجلد هي طفح جلدي أحمر ويصاحبه رغبة في الحكة، وبتكون رد فعل مناعي تجاه أي نوع من المهيجات اللي بتلمس الجلد، وبتصيب الأشخاص في أعمار مختلفة.
أعراض حساسية الجلد
بتظهر البقع الحمراء على مناطق متفرقة في الجسم خاصة الذراع والساق والرقبة، وبيصاحبها:
- الاحمرار
- كتل أو بثور (مليانة بسائل شفاف)
- جفاف الجلد أو تشققه
- بقع خشنة أو قشرية
أسباب شائعة لحساسية الجلد
- التحسس تجاه بعض أنواع الأطعمة زي الأسماك والمكسرات والألبان وغيرها
- العدوى من شخص تاني
- التحسس تجاه بعض الأدوية زي البنسيلين والأسبرين ومكونات الدم
- البرودة الشديدة
- الوراثة والتاريخ العائلي (بسبب نقص إنزيم c1 estrase inhibitor)
- سبب مناعي
- بعض المواد الكميائية زي مركب الفورمالديهايد (موجود في المنتجات الورقية والدهانات والأدوية والمنظفات المنزلية)
- البرفيوم وبعض مستحضرات التجميل
- بعض أنواع المضادات الحيوية الموضعية وبعض المراهم
- معدن النيكل في المجواهرات والإكسسوارات وأزرار الملابس
- الأمراض الباطنية زي أمراض الكبد أو الكلى أو فقر الدم أو مرض السكري أو مشاكل الغدة الدرقية أو الورم النقوي المتعدد أو اللمفومة
- اضطرابات الأعصاب زي التصلب المتعدد وانضغاط الأعصاب وداء قوباء المنطقة (الهربس النطاقي)
- الأمراض الجلدية زي جفاف الجلد والإكزيما والصدفية والجرب، والطفليات
- لدغات الحشرات
- بعض الأمراض النفسية زي الوسواس القهري واضطرابات القلق
- التعرض لضغوط نفسية وتوتر شديد
الوقاية وعلاجها
- البس ملابس واسعة لمنع الاحتكاك وزيادة الاحمرار
- مهم تستشير دكتور في حالة إن الحساسية استمرت أكتر من أسبوع أو صاحبها أعراض تانية
- دلك المنطقة المصابة بالتلج في قطعة قماش عشان تخفف الحكة
- تناول الأدوية مضادات الهستامين عن طريق الفم أو موضعي في شكل مرهم أو كريم
- اعمل اختبار حساسية للأدوية أو أي منتج بيحتوي على مواد كيميائية زي الصبغات ومواد التجميل
- اكتب كل الأطعمة اللي أكلتها في اليوم اللي ظهرت في الحساسية عشان تقدر تعرفها وتتجنب تناولها
