المحتويات
التفاؤل صفة رئيسية لأغلب الأشخاص الناجحين في حياتهم اللي دايمًا بيثقوا في قدراتهم ومهاراتهم عشان يحققوا أعلى مستوى في أي حاجة جديدة، لكن الخوف والتشاؤم بيمنع الشخص من التجربة وخوض المغامرات وعدم مواجهة الأفكار التشاؤمية بينعكس على قدرات الشخص وإحساسه بالذات، بجانب دراسات كتير أكدت على أهمية التفاؤل للصحة الجسدية والنفسية.
تعريف التفاؤل
- منظمة الصحة العالمية بتقول إن التفاؤل عملية نفسية إرادية بتولّد أفكار الرضا والمشاعر والثقة بالنفس
- هو عكس التشاؤم اللي بيعبر عن وجهات النظر والجوانب السلبية بس وده بيستنفذ طاقة الشخص وبيحسسه بالضعف والنقص
- بعض خبراء علم النفس بيوصفوه إنه الدافع البيولوجي للإنسان للبقاء على قيد الحياة
- وهي مجموعة أفكار بيولدها الذهن وبتدعمها الإرادة بينتج عنها أفعال بتساعد الإنسان على تخطي أي صعوبات أو مشكلات في حياته
فوائد التفاؤل
- بيحسّن مهارات التأقلم وبيقلل التوتر والغضب والانفعال الزايد
- دراسة في جامعة هارفارد بتقول إنه بيحسّن صحة القلب والأوعية الدموية وبتقل فرص الوفاة بسبب الأمراض الشديدة بين المتفائلين
- بيقلل مستويات الكوليسترول الضار في الجسم وتحديدًا في الدم
- بيقوّي جهاز المناعة وبالتالي بتزيد القدرة على مكافحة الفيروسات وأمراض زي السرطان
- بيقلل معدلات الاكتئاب والقلق والنوم المتقطع
- بيزوّد الإنتاجية في العمل وبيحفّز على التفكير المنطقي بدون التأثر بأي عوامل مسببة للتوتر
- دراسة في جامعة لندن بتقول إنه بيزوّد معدلات السعادة وبيحفّز إفراز هرموناتها لمجرد تخيّل أي حدث سعيد
- بتنعكس على مهارات الشخص الاجتماعية وببقى محبوب أكتر من الآخرين
- الخبراء بيأكدوا إن التفاؤل بيحفز المخ وتحديدًا القشرة الأمامية على التفكير المنطقي خصوصًا أوقات الفشل
- بيقدر الإنسان المتفائل يحلل سبب فشله وبيتحفّز عشان يجرّب مرة تانية
- وبالتالي بيقدر يتخطى الصدمات أسرع وبيقل تأثيرها على صحته ونفسيته
أضرار التشاؤم
- دراسة في جامعة فنلندية بتقول إن التشاؤم بيزود فرص الإصابة بالنوبات القلبية وبتأكد إنه بيخلق بيئة من التوتر بتأثر على أعضاء الجسم وبتهدد بالموت المبكر
- بيزود اليأس عند المرضى وبتتفاقم أعراض الأمراض المزمنة
- بيضعف قدرة المناعة على مقاومة الأمراض المعدية والأورام
- دراسات تانية بتقول إنه مرتبط بعادات غير صحية زي التدخين والإفراط في الطعام
- بيشجع على عدم الاهتمام بالنفس وتوقع السيء دايمًا بيخلي الشخص في حالة اضطراب نفسي
- بيحاول يعوض ده من خلال إدمان المخدرات أو الإفراط في الكحوليات
- بيزود فرص الاكتئاب والضغط العصبي اللي بيسبب القلق المزمن
- دراسة أمريكية بتأكد إن المتفائلين بيتمتعوا بصحة أحسن من غيرهم وبتقول إن افتراض الاحتمالات السيئة مهم في تجنب الوقوع في الأخطاء
- بتخلينا ناخد احتياطنا وتقليل الخساير في الشغل أو الحياة اليومية ولكن المهم هو عدم سيطرتها على تفكيرنا طول الوقت واستغراق التفكير فيها
التدريب على التفاؤل
- دراسة في جامعة كينجز كولدج لندن بتقول إن 25% من التفاؤل وراثي لكن الباقي عليك
- درب نفسك وركّز على التفكير بإيجابية وبلاش تفتكر أخطاء الماضي
- تخيُل حياتك المثالية ونجاحك في حل أي مشكلة وتحقيق هدفك أساسي في تفاؤلك
- خبير في جامعة كاليفورنيا بيقول إنك لازم تركز على متعة معينة أو إنجاز حققته
- هيقوي قدرتك على تخيل النجاح وإحساسك بالثقة إن الأمور هتتغير للأحسن
- الأفكار التشاؤمية هتعطّلك ولكن ممكن تستخلص منها الحلول مثلًا لو بتتخيل إنك هتسقط في امتحان معين الأحسن تذاكر عشان تتجنب السيناريو السيء
- خلي تفكيرك مبني على أساس منطقي وبلاش تبالغ في تقدير أي موقف مهما كان صعب
- قاوم أي أفكار سلبية بالانشغال بأنشطة تانية تقلل تفكيرك فيها
- حدد هدف لنفسك وخطط لبذل كل جهدك لتحقيقه
- بلاش تشغل نفسك بتوقع الأحداث المستقبلية اللي مش في إيدك تغييرها
- افتكر الحاجات الكويسة اللي عندك سواء صفات ومهارات أو حتى ممتلكات
- قضي وقت أطول مع الأشخاص الإيجابيين اللي بيزودوا ثقتك في نفسك
- خداع نفسك ومحاولة إظهار التفاؤل بتأثر في مشاعرك مع الوقت
- التأمل وممارسة أنشطة جديدة وإثبات نفسك فيها هيطور شخصيتك
التخلص من تأثير الطاقة السلبية
- ابذل مجهود بدني لحد ما تحس بالتعب لو سنّك وصحتك يستحّملوا
- العب رياضة يوميًا خصوصًا الجري والسباحة
- الدراسات بتقول إن الرقص مفيد لصحتك الجسدية وبيحسن مزاجك
- بلاش تستسلم للكسل والخمول وحرك جسمك حتى لو في تنضيف البيت
- اهتم بنضافتك الشخصية وخليك دايمًا أنيق
- الاستحمام بمياه دافية بانتظام بيساعد على الاسترخاء
- التنفس بعمق بيقلل طاقتك السلبية وبيزود الإحساس بالسلام الداخلي
- تمرينات التنفس زي التنفس بعمق على 3 مرات وكتم النفس وإخراجه ببطء هيقللوا تأثيرها عليك
- اتمشى في أماكن فيها مناظر طبيعية جميلة أو مسطحات مائية وتأمل الطبيعة
- يستحسن تخرج بالنهار عشان أشعة الشمس مهمة لصحتك ونفسيتك
- حافظ على ابتسامتك لأنها بتحفز الناقلات العصبية اللي بتحسسك بالرضا والسعادة
