قشرة الشعر: أنواعها وأسبابها وطرق التخلص منها

قشرة الشعر والرغبة في الحكة والتهاب فروة الرأس في بعض الأحيان علامات على وجود اضطراب في عاداتك اليومية للعناية بشعرك أو في صحة فروة الرأس، هنقدملك أهم الطرق للتخلص منها.

أسباب قشرة الشعر

• التهاب فروة الرأس
• فروة الرأس الدهنية
• الإصابة بالتهاب الجلد الدهني (Seborrheic Dermatitis) وهو أحد الأمراض المزمنة اللي بتصيب فروة الرأس
• قلة استخدام الشامبو وبالتالي تراكم الخلايا الجلدية اللي بتسبب القشرة والحكة
• الإصابة بنوع من الفطريات اسمه الملاسيزية اللي بيسبب نمو خلايا بشكل زايد
• استخدام منتجات عناية بالشعر غير مناسبة لنوع شعرك أو فروة رأسك
• الحساسية من منتجات الشعر اللي بتستخدمها
• جفاف فروة الرأس بيسبب ظهور قشرة الشعر وقلة إنتاج الزيوت فيها
• الاستجابة لحكة الرأس وخدشها بأضافرك بيسبب سوء الأعراض وزيادة القشرة لأنه بيزود التهاب فروة الرأس
• استخدام عدد كبير أو كمية كبيرة من منتجات الشعر
• التوتر بيحفز قشرة الشعر أو بيخلي أعراضها أسوأ
• الإصابة بمشاكل جلدية زي الصدفية أو الإكزيما

عوامل الخطر للإصابة بقشرة الشعر

• السن: قشرة الشعر عادة بتصيب الأشخاص في بداية الشباب وبتتحول المشكلة لمزمنة في حالة عدم علاجها
• الجنس: الرجال أكتر عرضة للإصابة بيها بسبب الهرمونات
• الإصابة بأمراض معينة: الأمراض اللي بتصيب أو بتأثر على الجهاز العصبي أو الجهاز المناعي بتعلي خطر المعاناة من القشرة

أنواع قشرة الشعر

قشرة الشعر الخفيفة

• هي أكتر نوع منتشر بيحصل بسبب نمو فطريات نتيجة تغير الفصول وجفاف فروة الرأس
• حجمها صغير شبه النخالة وبتتساقط بسهولة من الشعر وأحيانًا بتسبب حكة
• بتظهر في الربيع لكنها بتزيد أكتر في الشتاء

قشرة الشعر بسبب فروة الرأس الدهنية

• بتظهر بسبب زيادة الإفرازات الدهنية وتجمعها مع الخلايا الميتة والأوساخ
• شكلها بيكون قشور كبيرة ولونها أصفر وبتسبب حكة
• استخدم شامبو طبي مخصص يحتوي على حمض الساليسيليك

قشرة بسبب منتجات تصفيف الشعر

• بتظهر بسبب الإفراط في استخدام الكريم أو الجل أو السبراي أو البلسم
• تراكم بقايا المنتجات مع الجلد الميت والأوساخ بيتحول لقشور بيضاء كبيرة
• مهم تستخدم كمية مناسبة من المستحضرات على الشعر وتجنب وضع الكريم على فروة الرأس
• اغسل شعرك كويس بعد البلسم أو حمام الكريم

قشرة بسبب الفطريات

• بتظهر بسبب نوع فطريات اسمه (مالاسيزيا) بيسبب ردة فعل التهابي
• لونها بيكون أبيض مايل للأصفر وبتسبب حكة ومعدية
• بيتم علاجها بشامبو مضاد للالتهابات وبيحتوي على الزنك وخلاصة زيت شجرة الشاي
• قشرة نتيجة بعض الأمراض زي الأكزيما والصدفية بيكون لونها فضي أو أبيض وعلاجها بيحتاج استشارة الدكتور

قشرة شعر نتيجة التهاب الجلد الدهني

• من الأمراض الجلدية بيسبب تهيج فروة الرأس وظهور قشور دهنية لونها أصفر وبقع حمراء وحكة شديدة
• بيتم علاجها بشامبو طبي بيحتوي على مادة زنك بيريثيون

طرق طبيعية للتخلص من قشرة الشعر

القشرة بتصيب حوالي 50% من الأشخاص، ومع استخدام المنتجات الطبية لعلاجها في حالة الإصابة بمشكلة جلدية في فروة الرأس، ممكن تحتاج الطرق الطبيعية زي:

زيت شجرة الشاي

• فيه خصائص مضادة للالتهاب والبكتيريا اللي بتساعد على علاج القشرة
• بيساعد على مقاومة أنواع معينة من الفطريات اللي بتسبب القشرة
• تجربة على عدد من الأشخاص المصابة بيها أثبتت إن استخدام زيت الشاي مع الشامبو بانتظام ساعد في علاجها وقلل أعراضها بحوالي 41%
• زيت شجرة الشاي ممكن يسبب تهيج فروة الرأس لأصحاب فروة الرأس الحساسة فمهم تخلطه بنقاط من الزيت الحامل زي زيت جوز الهند قبل وضعه على فروة رأسك

زيت جوز الهند

• بيساعد في ترطيب فروة الرأس والوقاية من جفافها اللي ممكن يبقى سبب لظهور قشرة الشعر
• بعض التجارب أثبتت دوره في علاج بعض المشاكل الجلدية اللي بتصيب فروة الرأس زي الإكزيما
• استخدامه على فروة الرأس لمدة 8 أسابيع قلل الأعراض بحوالي 68% لأنه فيه خصائص مضادة للبكتيريا

جل الصبار

• فيه خصائص مضادة للبكتيريا والفطريات اللي بتساعد على الوقاية من عدوى فروة الرأس اللي بتسبب القشرة
• بعض التجارب أثبتت إنه بيساعد على تقليل الالتهاب الجلدي

التوتر

• التوتر لا يسبب قشرة الشعر لكنه بيحفز الأعراض المسببة ليه زي الجفاف والحكة وضعف الجهاز المناعي
• الجهاز المناعي الضعيف بيصعب على الجسم مقاومة العدوى الفطرية والالتهابات الجلدية اللي المسببة للقشرة
• تعامل مع التوتر بطرق صحية زي ممارسة تمارين اليوجا أو التأمل أو التنفس العميق

خل التفاح

• بيساعد على التخلص من خلايا الجلد الميتة وبيحافظ على معدل الـpH للجلد اللي بيقلل نمو الفطريات
• ضيف معلقة كبيرة منه لكمية كبيرة من المياه واغسل بيها شعرك كخطوة نهائية في الاستحمام
• أو ضيف معلقتين كبار منه لعبوة الشامبو

الأسبرين

• بيتكون من حمض الساليسيليك اللي ليه خصائص مضادة للالتهاب وبيساعد على التخلص من قشرة الشعر والجلد الميت فيها
• الدراسات أثبتت إن الشامبو اللي من ضمن مكوناته حمض الساليسيليك بيقلل أعراض وحدة القشرة بعد استخدامه لمدة 4 أسابيع
• اطحن حبايتين من الأسبرين وضيف البودرة للشامبو قبل غسل الشعر

الأوميجا 3

• من الأحماض الدهنية اللي ليها فوائد كتير للجسم زي صحة ووظايف القلب والجهاز المناعي والرئتين
• مهم لصحة الجلد لأنها بتساعد على التحكم في كمية إنتاجها للزيوت والترطيب وسرعة التئام الجروح والوقاية من الشيخوخة المبكرة
• ليه دور في الوقاية من تساقط الشعر الناتج عن القشرة
• نقصه بيسبب مشاكل جلدية اللي منها قشرة الشعر وبالتالي مهم تنتظم على الأطعمة الغنية بيه زي السلمون والرنجة والماكريل وبذر الكتان وبذور الشيا

البروبيوتك

• هي نوع من أنواع البكتيريا النافعة للجسم والمعدة
• بتساعد على تقوية الجهاز المناعي وبالتالي القدرة على الوقاية من العدوى والالتهابات الجلدية المسببة للقشرة
• بتقلل أعراض مشاكل جلدية زي الإكزيما خاصة عند الأطفال
• موجودة في شكل كبسولات وفي أطعمة مختلفة زي المخلل الصحي والزبادي والأطعمة المخمرة

البيكنج صودا

• فيها خصائص مضادة للفطريات وبالتالي بتساعد في علاج قشرة الشعر
• تجربة أثبتت إنها قللت نمو الفطريات بحوالي 79% بعد 7 أيام وقللت أعراض الحكة بعد 3 أسابيع
• ضيف كمية بسيطة منها على فروة رأسك وهي مبللة واعمل مساج بأطراف أصابعك لمدة دقيقتين وبعدين اغسله بشامبو

طرق عمل سكراب لفروة الرأس

• خطوة مهمة لأصحاب الشعر الدهني وفروة الرأس الجافة وقشرة الشعر
• بيساعد على التخلص من خلايا الجلد الميت وبيقلل الإنتاج الزايد للزيوت وتهيج فروة الرأس
• اعمل السكراب على فروة رأسك وهي مبللة ووزعه على شعرك بأصابعك في حركات دائرية خفيفة وتجنب الضغط عليها

سكراب الشوفان

• اخلط معلقتين كبار من السكر البني والشوفان المطحون
• ضيف معلقتين كبار من بلسم الشعر
• اغسله كويس لما تخلص مساج فروة الرأس

  ماسك الأسبرين

• اخلط من 6-8 حبوب أسبرين أطفال
• ضيف 4 معالق مياه دافية
• الأسبرين فيه حمض الـ(Salicylic) وهو مقشر كيميائي
• ممكن تضيفه باستخدام فرشة أسنان واغسله بمياه وبلسم

 ماسك زيت الجوجوبا

• اخلط معلقتين كبار زيت جوجوبا مع معلقة صغيرة سكر بني
• وزعه على فروة رأسك باستخدام أصابعك

 ماسك السكر البني

• اخلط معلقتين صغيرين من زيت الجوجوبا والسكر البني وعصير الليمون
• اعمل مساج لفروة رأسك وسيبه 5 دقايق قبل غسله
• هيساعد على تقوية بصيلات الشعر والتخلص من القشرة

 ماسك السكر والبلسم

•  اخلط 3 معالق كبار من البلسم مع معلقة صغيرة سكر
• ضيف معلقة كبيرة عسل ومعلقة كبيرة زيت جوز الهند
• اعمل سكراب لفروة الرأس بيه وسيبه 15 دقيقة وبعدين اغسله

أطعمة للوقاية من قشرة الشعر

• الحمص
•  الجنزبيل
•  التوم
•  اللب السوري
•  التفاح
•  الموز
•  السلمون
•  زيت الزيتون
•  الأفوكادو
•  عين الجمل
• زيت جوز الهند
•  البصل