خدمات
كيفية الحفاظ على وضعك القانوني لو مستأجر وفقًا لقانون الايجار القديم
إزاي تحمي نفسك لو مستأجر قانون إيجار قديم؟
المحتويات
قانون الايجار القديم بيعتبر من الأمور اللي بتثير الجدل في وسائل الإعلام وقلق شريحة كبيرة من المواطنين المنتفعين منّه بجانب رغبة المُلاك في رفع الإيجار أو طرد المؤجرين للاستفادة من الشقة خصوصًا لو العمارة في مكان حيوي، وبالتالي مهم تعرف حالات زيادة الإيجار وبعض الثغرات اللي بيستغلها البعض لفسخ التعاقد مع المؤجر.
مفهوم الإيجار القديم
- هو أي شخص قام بإيجار وحدة قبل تاريخ 31 يناير 1996 ميلاديًا
- النظام القديم كان مرتبط بالمشاهرة ومعناها إن العقود بتمتد ومش بترتبط بمدة إيجار محددة عكس مفهوم الإيجار حاليًا اللي مرتبط بمدة معيّنة
حالات الزيادة في الإيجار
- المادة الـ 19 من قانون الإيجار القديم بتقول إن الإيجار بيرتفع في حالة استغلال الوحدة المؤجرة لأغراض غير السكن
- بتزيد قيمة الإيجار بنسب محددة حسب تاريخ بناء المنزل أو الوحدة والنسب بتكون:
- 200% للمبنى المنشأ قبل يناير 1944
- 100% للمبنى المنشأ من أول يناير 1944 لحد قبل 5 نوفمبر 1961
- 75% للمبنى المنشأ من 5 نوفمبر 1961 لحد 9 سبتمبر 1977
- 50% للمبنى المنشأ بداية من 10 سبتمبر 1977
ثغرات لفسخ التعاقد مع المستأجر
- بعض الشروط حددها القانون يقدر مالك المبنى يقاضي بيها المستأجر عشان يفسخ التعاقد ومنها:
- تغيير ملامح العقار سواء عن طريق إزالة أو إضافة حوائط أو أرضيات أو منافع
- تخزين معدات بتأثر على سلامة المبنى أو استخدام أي آلات أو معدات ممكن تأثر على سلامة المبنى
- إهمال النضافة والصيانة الداخلية في الوحدة المستأجرة
- استخدام الوحدة فيما يخالف النظام والآداب العامة
- تأجير الوحدة من الباطن لشخص تاني
- امتناع المستأجر عن دفع الإيجار أو رفض المؤجر لقبول الإيجار منّه
خطوات تحمي بيها نفسك لو مستأجر قانون ايجار قديم
- خبراء القانون بيأكدوا إنك ضروري تتفاوض مع المالك لو حابب تغيْر عقدك من إيجار قديم لقانون جديد
- اعرف إن قانون 1996 مكنش محدد بالمدة وبالتالي ضروري تحدد المدة في عقدك
- القانون بينص إن العلاقة الإيجارية مش أطول من 60 سنة حتى لو العلاقة الإيجارية غير محددة المدة
- بس ضروري تكون المدة المكتوبة في العقد مش أكتر من 59 سنة ولو المدة مش محددة في العقد ضروري تسجّله في الشهر العقاري (صحة توقيع)
- المفهوم الشائع إن تسجيل العقد لعقود التمليك فقط، لكن خبراء القانون بيأكدوا إن تسجيل عقود الإيجار بيحمي المستأجر من أي إجراءات غير قانونية ممكن يقوم بيها المالك
