البيت
طريقة صناعة معطر جو منزلي وتأثيره على الصحة وأسعار المعطرات الصناعية
إزاي تعمل معطر جو في البيت؟
المحتويات
معطر جو رائحته قوّية مهم لأنه بيساعد على التخلص من أي روائح غريبة في المنزل أو في أي مكان مغلق، لكن بعض الخبراء بيأكدوا إن بعض الأنواع الصناعية منّه بتزوّد فرص الإصابة بأمراض خطيرة، وبالتالي ضروري تعرف إزاي تعمل معطر جو منزلي وتفهم الأضرار اللي ممكن تصيبك من المعطرات الصناعية.
خطوات تصنيع معطر جو في البيت
معطر بخاخ
- هتحتاج (إزازة بخاخ (240 مليلتر)
- معلقتين كبار كحول
- نص كوباية مياه مقطرة
- 15 لـ20 نقطة زيت عطري زي النعناع أو لافندر أو اليمون
- اخلط المكونات في الإزازة ورجها كويس عشان تتأكد من اختلاط المكونات
برطمان المعطر
- بتستخدم بيكربونات الصوديوم لأنه بيمتص الروايح الكريهة
- هتحتاج بعض المكونات زي برطمان صغير وورقة ونص كوباية بيكربونات صوديوم و10 لـ20 نقطة زيت عطري ومقص وقلم رصاص ودبوس
- فرغ غطاء البرطمان وحدد بالقلم الرصاص حجم الغطاء على الورق وقص الورقة على مساحة الغطاء الفاضية
- حط بيكربونات الصوديوم مع الزيت العطري في البرطمان وثبت الورقة في الغطاء واقفل البرطمان
- رج البرطمان عشان تتأكد من اختلاط المكونات مع بعض
- اخرم الورقة بالدبوس وحطها في المكان اللي أنت عايزه وافتكر إنك هحتاج ترج البرطمان كل فترة وغير محتوياته كل أسبوعين
معطر جو مصنوع من الخل
- افتكر إن الخل بيستخدم كمطهر بجانب استخدامه كمعطر ومنقي للجو
- هتحتاج بعض المكونات وهي معلقة صغيرة بيكربونات الصوديوم ونص كوباية مياه دافية ومعلقة كبيرة خل أبيض
- من نقطتين لـ 3 نقاط زيت عطري وإزازة بخاخ (120 ملليتر)
- اخلط المكونات في الإزازة ورجها كويس قبل الاستخدام
المعطر المصنوع من الحمضيات والأعشاب
- بيعتبر من المعطرات المناسب لفصل الشتاء
- هتحتاج بعض المكونات مثلًا لو المعطر منعش ممكن تحتاج:
- شريحتين برتقال وعود قرفة ونص معلقة كبيرة قرنفل ونص معلقة كبيرة ينسون نجمة
- نوع تاني ممكن تستخدم فيه مكونات زي شريحتين ليمون و3 أغصان روز ماري فريش ومعلقة صغيرة فانيليا وله نفس التأثير المنعش
- أما نوع المعطر المهدئ بيحتوي على من 3 لـ4 أغصان زعتر فريش و3 شرايح ليمون ونص معلقة صغيرة زيت نعناع ونص معلقة صغيرة فانيليا
- حط مكوناتك في حلة مع نص كوباية مياه (مهم مقدار المياه يكون قليل)
- حط الحلة على نار متوسطة لحد ما يغلى الخليط وبعدها قلل النار وسيبه يتقل
- فرغ المكونات في برطمان واستخدمه لمدة 3 أيام
- حط البرطمان في التلاجة لو مش بتستخدمه
تأثير معطر الجو الصناعي
- بيحتوي على مركبات عضوية متطايرة زي الليمونين وألفا بينين والإيثانول والفورمالديهايد والبنزين
- بيتفاعل مع الأوزون وجذور النترات عشان يولّد مركبات تأثيرها مضر على البيئة وصحة الإنسان
- دراسات كتير بتأكد إنه بيأثر على جودة الهواء وبيسبب الضباب الدخاني الكيميائي الضوئي
- بيحتوي على مركب النفثالين الكيميائي الموجود في معطرات الجو بيسبب مشاكل مزمنة نع الوقت زي الربو وسرطان الرئة
- الأكاديمية الوطنية للعلوم والبحوث نشرت دراسة في 2011 بتحذر من مخاطر معطرات الجو
- الدراسة قالت إنها بتزود خطر الإصابة بسرطان الثدي واختلال الهرمونات عند النساء بسبب وجود مادة (الستايرين)
- وبتنصح بضرورة تصنيع معطر الهواء في البيت بمكونات طبيعية
- بعض الأمراض الخطيرة ممكن تسببها معطرات الجو الصناعية زي:
- الأزمات الربوية
- الصداع النصفي
- صعوبة التنفس
- آلام الأذن
- مشاكل عصبية
- إسهال
- التهاب الأغشية المخاطية
- ضعف المناعة
- مشاكل الغدد الصماء
- السرطان
أسعار معطرات الجو
- بيتراوح سعر سبراي معطر الجو بين 35 جنيه و85 جنيه حسب تركيز العبوة ونوعها
- أما الفواحات فأسعارها بتختلف حسب العلامة التجارية وبتتراوح قيمتها بين 120 لـ 250 جنيه إذا كانت بيتركب فيها المعطر بشكل يدوي (الفواحة اليدوية)
- أما الفواحات الكهربائية فتتراوح قيمتها بين الـ 300 جنيه مصري لحد 800 جنيه مصري
