المحتويات
مضخة حليب الثدي هي أداة بتسحب حليب الأم من الثدي عشان يكون متوفر في كل الأوقات للطفل، وهي مفيد للأمهات العاملة أو اللي بتحتاج مساعدة شريكها للعناية بالطفل وعايزة تحافظ على رضاعة الطفل للحليب الطبيعي.
أنواع مضخات الثدي
- النوع اليدوي فيه إيد أو كرة للضغط عليها يدويا لشفط الحليب
- أو الكهربائي بيشفط الحليب أوتوماتيكيا
طريقة استخدام مضخة حليب الثدي اليدوية
- اغسلي إيدك كويس الأول
- اختاري مكان هادي لأن ده هيساعد على الاسترخاء
- فكري في طفلك أثناء الضخ لأن ده هيزود هرمون الحليب وإنتاجه
- اعملي مساج للثدي بحركات هادية شبه حركة الرضاعة
- أول ما تحسي بتحفز الثدي.. حطي المضخة على الثدي واتأكدي من دخول الحلمة في الجزء اللي في النص
- اتأكدي إن الجزء الموضوع على الثدي محكم ومن عدم دخول هواء أثناء عملية الضخ لأن ده هيعطلها
- ابدأي بالضخ بنفس ترتيب وتتابع الرضاعة الطبيعية لطفلك
- استني دقيقتين عشان ضخ الحليب يكون شديد ومستمر
- استمري في الضخ لمدة 5 دقايق وبعدين انتقلي للثدي التاني
- ممكن تكرري العملية لحد 3 مرات لكل ثدي بمدة أقصاها 5 دقايق لكل مرة
- لما تخلصي.. شيلي المضخة وغطي الببرونة كويس
- اغسلي جميع الأجزاء اللي لامست الثدي أو مر بيها الحليب بالمياه الدافية والصابون
- خليهم ينشفوا في الهواء على فوطة نضيفة ومعقمة أو مكان مخصص ليها
- احفظي اللبن في التلاجة أو الفريزر لضمان سلامته
طريقة استخدام مضخة حليب الثدي الكهربائية
- اتأكدي من نضافة الأجزاء وتعقيمها قبل الاستخدام
- اقري الإرشادات قبل الاستخدام عشان تتأكدي من طرق الاستخدام الصحيحة
- اختاري مكان هادي عشان تقدري تسترخي
- اغسلي إيدك وعقميها قبل الاستخدام
- الصقي الجزء المخصص بالثدي على الحلمة والمنطقة الداكنة المحيطة بيها بإحكام
- استمري في شفط الحليب ثم كرري نفس الخطوات مع الثدي التاني
- بعض الأنواع توفر إمكانية شفط الثديين في نفس الوقت
- اغسلي إيدك قبل التعامل مع الحليب واكتبي على الزجاجات تاريخ الشفط
- احفظيه في التلاجة أو الفريزر
التوقيت الأنسب لاستخدام مضخة حليب الثدي
- الأفضل تستخدميها بعد 3 شهور من الولادة عشان الطفل يتعود على الرضاعة الطبيعية من غير ما يستسهل الببرونة
- ولأنها بتقوي الترابط بينكم وبتساعد على زيادة كمية الحليب
- استخدميها وقت الضرورة زي وجودك في العمل
- الصباح هو أفضل وقت لاستخدامها
أضرار استخدامها
- استخدامها بشكل خاطيء أو الاعتماد عليها باستمرار بيسبب مشاكل صحية زي:
- تغيير شكل عضلات الثدي اللي ممكن يسبب ترهله مع الوقت حتى بعد انتهاء مدة الرضاعة خاصة في حالة عدم الانتظام على تمارين شد عضلات الثدي
- ضعف العلاقة بين الأم والرضيع لأن الرضاعة الطبيعية ليها دور في تعزيز وتطور الطفل المعرفي والسلوكي وبتزود درجة التواصل بينهم
- التهابات الثدي من الخارج أو الداخل وتهيج أنسجة الثدي الداخلية واللي ممكن يوصل لاحتياج عملية جراحية
- آلام الثدي بسبب الضغط الشديد عليه أثناء عملية الشفط واللي ممكن يستمر حتى بعد انتهائها
- زيادة فرصة إصابة الطفل بالعدوى أو مشاكل في المعدة في حالة عدم التعامل الصحيح معاها زي طرق تعقيم الأدوات وحفظ الحليب أو تركه خارج التلاجة لمدة طويلة
