كيفية اختيار غسول وجه مناسب لنوع البشرة

غسول الوجه من الخطوات الأساسية في روتين البشرة الصباحي والليلي، وليه فوائد زي إزالة الأتربة وبقايا المكياج والتخلص من الزيوت وتجهيز البشرة للمرطبات والسيروم اللي هتستخدمها.

فوائد غسول الوجه

• إزالة بقايا المكياج اللي صعب على مزيل المكياج التخلص منها
• تنقية البشرة من أي أتربة أو زيوت متراكمة عليها على مدار اليوم
• منح البشرة لمعان ونعومة
• تجهيز البشرة لمستحضرات العناية بيها وتسهيل امتصاصها فيها
• التخلص من شحوب البشرة اللي بيصيبها نتيجة الإهمال
• تقليل ظهور حب الشباب والوقاية منه والعوامل المسببة ليه
• بيقلل تهيج البشرة أو احمرارها الناتج عن العوامل الخارجية والأتربة والتعرض لأشعة الشمس اللي بيأثر على خلاياها

أنواع غسول الوجه

عشان تقدر تختار الغسول الأنسب والأريح ليك، لازم نعرف الفروق الأساسية بين أنواع الغسول، زي:

غسول الوجه الجل

• قوامه تقيل ومشابه للجل
• درجة تنضيفه وتقشيره للبشرة كبيرة
• مناسب للبشرة الدهنية والبشرة المعرضة للحبوب

غسول الوجه الكريمي

• قوامه تقيل
• في جزء منه مخصص للترطيب والتنضيف
• مش بيخلص البشرة من الزيوت الطبيعية اللي فيها
• مناسب للبشرة الحساسة

غسول الوجه الفوم 

• قوامه خفيف وسهل الاستخدام والتحكم في الكمية المستخدمة منه
• بيساعد في التخلص من زيوت البشرة بدرجة مماثلة لغسول الوجه الجل
• مناسب للبشرة المختلطة

أنواع البشرة 

البشرة الدهنية

• لامعة ومظهرها دايما دهني وعليها زيوت
• سهل يظهر فيها حبوب ورؤوس سوداء واحمرار
• مسام البشرة بارزة وكبيرة
• لا توجد أي مناطق جافة فيها

البشرة الجافة

• تقشر أماكن في الوجه مع الملمس الخشن
• سهل يظهر فيها خطوط تعبير رفيعة
• صعوبة ظهور مسام الوجه
• البشرة سهلة الاحمرار والتهيج

البشرة الحساسة

• سهلة التبقع والتهيج
• بتتأثر بالعوامل الخارجية زي الأتربة والملوثات
• ممكن تظهر فيها أماكن حمراء على الخدين أو الجبهة

البشرة المختلطة

• جافة في بعض المناطق ودهنية في أماكن تانية
• سهل يظهر فيها حبوب
• سريعة التهيج
• في بعض الأحيان المسام بتكون كبيرة وبارزة

البشرة العادية

• خالية من أي شوائب أو بقع
• لا تتأثر بالعوامل الخارجية بسهولة وبالتالي قلة ظهور الحبوب والاحمرار
• ملمسها ناعم
• غير حساسة

الغسول المناسب لكل نوع بشرة

البشرة الجافة

• اختار الغسول اللي مكوناته معتمدة على الزيوت زي الفازلين واللانولين والزيوت المعدنية أو الأساسية
• مهم يبقى منتج غير مسبب للحساسية وخالي من العطور والمواد الكيميائية والنسب الكبيرة من الكحول
• الغسول الخالي من التركيبة الرغوية والصابون

 غسول الوجه المناسب للبشرة الدهنية

• الغسول الخالي من الزيوت ومشتقاته والكحول مناسب 
• مكونات زي جل الصبار وزيت شجرة الشاي مناسبين لأنهم بينقوا البشرة وبيوازنوا إنتاجها للزيوت
• مهم لا يسبب الجفاف أو شد البشرة بعدها
• مكونات حمض الساليسيليك وبيروكسيد البنزويل مناسبين لو بتعاني من الحبوب ولتفتيح المسام
• مهم يوازن درجة الـ(pH) في البشرة

البشرة المختلطة

الغسول الـ(mild) الخالي من البارابين والكحول مناسب 

البشرة الحساسة

• الغسول الخالي من الكحول والصابون والعطور مناسب 
• مهم يكون في مكوناته منتجات مهدئة للبشرة زي الشاي الأخضر/ الكاموميل/ البوليفينول/ جل الصبار
• تجنب المكونات النشطة للبشرة زي حمض الساليسيليك/ حمض الجليكوليك/ حمض الليبويك
• الغسول الكريمي مناسب ومهم يوازن نسبة الـ(pH) في البشرة