مطبخ

وصفات سهلة ومختلفة لعمل الناتشوز في البيت

إزاي تعمل الناتشوز بطرق مختلفة؟

الناتشوز أو رقائق خبز التورتيلا المحمصة أصلها مكسيكي، ودلوقتي من أهم المقرمشات حوالين العالم، وفي طرق مختلفة لأكلها زي مع الجبنة أو صوص الطماطم أو الصوص الحراق أو مع سلطة.

الناتشوز بالجبنة

ناتشوز بالجبنة
ناتشوز بالجبنة

المكومات

  • خبز تورتيلا
  • معلقتين كبار زيت زيتون
  • معلقة صغيرة زعتر
  • ربع كيلة جبنة شيدر مبشورة
  • ملح
  • فلفل أسود
  • معلقتين كبار دقيق
  • كوب حليب
  • مكعبين زبدة

الطريقة

  • قطع خبز التورتيلا في شكل مثلثات (8 قطع متساوية)
  • امزجه بخليط زيت الزيتون مع الزعتر
  • رص التورتيلا في صينية ودخلها الفرن على درجة حرارة 180 من 10-15 دقيقة لحد ما تحمر
  • لعمل صوص الجبنة.. حمر الدقيق في الزبدة مع التقليب المستمر
  • ضيف الحليب تدريجيا مع التقليب المستمر
  • زود الجبنة الشيدر للخليط ولما تدوب تماما.. ضيف الملح والفلفل حسب الرغبة
  • قدمها مع صوص الجبنة كغموس

سلطة الناتشوز بالكريمة الحامضة

سلطة الناتشوز
سلطة الناتشوز

المكونات

  • التورتيلا بنفس الطريقة السابقة
  • عودين بصل أخضر مفروم ناعم
  • ربع كوب فاصوليا حمراء
  • معلقتين كبار كزبرة خضراء مفرومة
  • نصف كوب كريمة حامضة
  • حبة طماطم مفرومة ناعم
  • نص معلقة صغيرة شطة
  • حبة أفوكادو مهروسة
  • ربع كوب جبنة شيدر مبشورة

الطريقة

  • اخلط الفاصوليا الحمراء والبصل ونصف كمية الكريمة الحامضة والشطة في وعاء
  • رص الناتشوز على الخليط
  • ضيف باقي المكونات وزينها بباقي كمية الكريمة الحامضة

الناتشوز مع صلصة الطماطم

ناتشوز مع صلصة الطماطم
ناتشوز مع صلصة الطماطم

المكونات

  • التورتيلا بنفس الطريقة السابقة
  • معلقة صغيرة ملح
  • نص معلقة صغيرة فلفل أسود
  • حبة توم مفروم
  • معلقتين صغيرين سكر
  • حبة طماطم متقطعة صغير
  • نص حبة فلفل أخضر متقطع صغير
  • بصلة مفرومة
  • نص كوب زيت
  • جبنة شيدر مبشورة للتزيين (اختياري)

الطريقة

  • في طاسة على النار.. ضيف الزيت وبعدين التوم
  • زود الطماطم وبعد دقيقتين.. ضيف البصل
  • ضيف الفلفل الأخضر والملح مع التقليب
  • زود الفلفل الأسود حسب الرغبة وبعدين حط الخليط في طبق وزينه بالجبنة الشيدر
  • قدم الصلصة معاها

الناتشوز في الفرن

ناتشوز في الفرن
ناتشوز في الفرن

المكونات

  • التورتيلا المحمصة
  • كوب جبنة شيدر
  • حبة طماطم متقطعة
  • نص حبة فلفل أخضر متقطع
  • نص بصلة مفرومة
  • معلقتين كبار زيت
  • ربع كيلو لحمة مفرومة
  • نص معلقة صغيرة بابريكا
  • نفس الكمية من الكمون
  • ربع معلقة صغيرة توم بودرة
  • نفس الكمية من البصل بودرة

الطريقة

  • في طاسة على النار.. ضيف الزيت وبعدين اللحمة المفرومة
  • ضيف البهارات وسيب اللحمة تستوي
  • في صينية بايركس.. ضيف طبقة الناتشوز وبعدين عليها طبقة لحمة
  • وزع الطماطم والفلفل الأخضر
  • ضيف طبقة من الجبنة الشيدر واعمل طبقات تانية حسب الرغبة بس آخر طبقة لازم تكون الجبنة
  • دخلها الفرن على درجة حرارة 200 لمدة ربع ساعة
  • ممكن تقدمها مع الزبادي أو الكريمة الحامضة كغموس

مقالات ذات صلة

زر الذهاب إلى الأعلى