المحتويات
طريقة عمل الطحينة في البيت سهلة، وتقدر تخزنها في التلاجة وتقدمها في أي وقت مع أكلات مختلفة زي الكفتة والشاورما والفول وسلطة الحمص، وكمان بتدخل في وصفات بعض الحلويات زي البسبوسة، كمان الطحينة لها قيمة غذائية عالية، لأنها بتحتوي على نسبة كبيرة من الكالسيوم والحديد والزنك والأحماض الأمينية.
طريقة عمل الطحينة
المكونات
- كوباية بذور سمسم محمصة
- نص كوباية دقيق
- ربع معلقة صغيرة ملح
- كوباية زيت زيتون
الطريقة
- في الخلاط الكهربائي.. اخلط بذور السمسم على السرعة المتوسطة
- ضيف الدقيق والملح وزيت الزيتون بالتدريج لحد ما يبقى خليط ناعم
- حط الطحينة في برطمان محكم الغلق واحفظها في التلاجة
- ممكن تستبدل زيت الزيتون بزيت درة
فوايد الطحينة
- بتعالج التهابات اللثة وتقرحات الفم
- بتساعد على خفض ضغط الدم
- تعتبر أفضل بديل لللبن بسبب احتوائها على الكالسيوم
- بتساعد على تصفية البشرة وزيادة رطوبتها ومنع ظهور التجاعيد
السعرات الحرارية
- كل 100 جرام بيحتوي على 595 سعر حراري
وصفات مختلفة بالطحينة
طريقة عمل الطحينة بالزبادي
المكونات
- كوباية زبادي
- 3 معالق كبار طحينة
- معلقة كبيرة عصير ليمون
- ملح وفلفل أسود
- معلقة صغيرة كمون
- فص توم مفروم
- ملعقة صغيرة زيت زيتون
الطريقة
- اخلط التوم مع عصير الليمون وسيبهم 5 دقايق
- اخلط الزبادي والطحينة كويس وضيف التوم وعصير الليمون
- تبل بالملح والفلفل الأسود والكمون وقلب لحد ما تتجانس كل المكونات
- زين السلطة بالزيت وممكن تضيف ورق بقدونس أو كزبرة مفروم
- قدمها باردة كطبق مقبلات جانبي مع الفراخ المشوية أو أي نوع من أنواع اللحوم زي الكفتة أو الكباب أو الشاورما
طريقة عمل الطحينة الفلسطينة
المكونات
- 2 ثمرة طماطم مقطعة صغيرة
- ربع كوباية بقدونس مفروم أو نعناع
- 2 ثمرة خيار مقطعة صغيرة
- فلفل أخضر حار (حسب الرغبة)
- 3 فصوص توم مهروس
- 6 معالق كبار طحينة
- 4 معالق كبار عصير ليمون
- معلقتين كبار زيت زيتون
- ملح وفلفل أسود
الطريقة
- اخلط الطماطم والخيار والفلفل الأخضر الحار
- في بولة تانية.. امزج الطحينة مع زيت الزيتون وعصير الليمون والملح والفلفل الأسود والتوم
- ضيف خليط الطحينة على الخضار وقلب كويس
- زين السلطة بالبقدونس
