مروحة سقف شكلها حلو وصوتها مش ظاهر هي هدف كل الناس اللي عايزين يشتروا مروحة تهوّن عليهم حر الصيف، وفي نفس الوقت توفّرلهم أكبر قدر ممكن من الراحة مع نسمة هواء مريحة تلطف الجو عشان كده مهم تعرف طريقة اختيار مروحة مناسبة ليك، وطريقة معالجة أي صوت مزعج فيها وتنضيفها في أسرع وقت.
اختيار مروحة سقف
- اختار مروحة مناسبة لحجم الغرفة اللي هتركبها فيها، مثلًا مروحة سقف المطبخ في أغلب الأحيان هتكون أصغر من مروحة الصالة أو غرفة المعيشة
- حاول تختار مروحة فيها خاصية إنك تغيّر في ارتفاعها شوية خصوصًا لو السقف عالي زيادة عن اللزوم
- الخبراء حددوا بعض المساحات اللي بتحتاج شفرات بمقاس معيّن
- لو غرفتك مساحتها 3 متر ونص أو أقل الأحسن تشتري مروحة ريشتها مقاس 91 سم
- لكن لو الغرفة مساحتها من 3 متر ونص لـ 5 متر اشتري مروحة ريشتها مقاس 121 سم
- الغرفة اللي مقاسها من 5 لـ 6 متر ضروري تركّبلها مروّحة ريشتها مقاس 132 سم
- لو مساحة الغرفة أكبر من كده لازم تركّب مروحتين لأن واحدة مش هتحقق النتيجة المطلوبة
- لازم تبقى على ارتفاع مش أقل من 2 متر ونص بين المروحة والسقف
- افتكر إن المساحات المحدودة بتحتاج مروحة ثابتة بارتفاع معيّن ومش هتطلب إنك تشتري مخصوص مروحة بتتحكم في ارتفاعها قريب أو بعيد عن السقف
- حددد مصادر الإضاءة في غرفتك عشان تتأكد إنك محتاج مروحة بإضاءة ولا لأ
- اشتري من مكان موثوق سواء في جودته أو في خدمة العملاء بتاعته واسأل عن مدى توفر وأسعار قطع الغيار
طريقة منع صوت مروحة السقف
- اقفل المروحة واستنى لحد ما الريش تقف خالص
- امسك كل ريشة واتاكد من تثبيت الصواميل بإحكام وامسح الريش خصوصًا من فوق لأن التراب المتراكم بيسبب ضغط على الموتور
- وممكن يسبب صوت بجانب ضرر بالغ عليها ويتلفها
- لو من النوع اللي بيتركب فيها لمبات اتأكد من ثبات الغطا اللي بتتركب جوه اللمبة
- اتأكد إن الريش كلها على وزن واحد وجرب تلف المروحة بإيدك عشان تعرف لو المشكلة اتحلت ولا لأ
- ممكن يبقى فيه مشكلة في اتجاهات زاوية الموتور وده بيسبب زيادة في سخونته
- وقتها الأحسن تستعين بفني متخصص لأن سخونته ممكن تسبب حريق
طريقة تنضيف مروحة السقف
- شيل السجاد وغطي الأثاث عشان تمنع نزول الغبار عليه خصوصًا لو متراكم
- افصل الكهرباء عن المروحة عشان تمنع الإصابات والأحسن يبقى حد معاك عشان يساعدك
- هتحتاج سلم ومياه بصابون مواعين وقطع إسفنج وقماشة تنضيف وبخاخ خل مخفف بالمياه
- اطلب من الشخص اللي معاك يساعدك في تثبيت السلم بإحكام وتنظيم لوازم التنضيف معاك
- رش الخل على ريش المروحة عشان تتخلص من التراب
- اغمس الإسفنجة في المياه والصابون ونضف بيها الريش ونشفها بالقماشة
- سيب المروحة تنشف كويس قبل التشغيل
