حياةلايف ستايل
ساعات رجالي 2021.. أحدث الأشكال ومتوسط الأسعار
إزاي تعرف أجدد أشكال الساعات الرجالي في 2021؟
المحتويات
ساعات رجالي شكلها مناسب وسعرها متوسط وعلى الموضة هي المواصفات الأساسية اللي بتبحث عنها لو بتختار ساعة جديدة، وبالتالي ضروري تعرّف أجدد الأشكال لـ 2021 ومتوسط أسعار الساعات.
أشكال ساعات رجالي 2021
كيفية اختيار الساعات الرجالي قبل شرائها
- بلاش تنجذب للساعات المنتشرة والأحسن تختار ساعة لايقة عليك ومناسبة لشخصيتك
- اختار ساعة مناسبة لأغلب لبسك عشان تبقى متعددة الاستخدامات وبلاش تختار ساعة فيها عنصر جذب كبير زيادة عن اللزوم
- عنصر الجذب المزعج ممكن يبقى لون غير معتاد أو شكل خارج عن المألوف
- هتجذب عين الناس لأول مرة لكن مش هتعرف تلبسها أكتر من مرة مع نفس الأشخاص خصوصًا لو بتحب تغيّر لبسك باستمرار
- اعرف إنك تقدر تغيْر أستيك الساعة بسهولة عشان تستفيد منها أكتر وبالتالي ركّز في اختيارك أكتر على الساعة نفسها
- تجنّب اختيار ساعة كبيرة على مقبض إيدك
- بلاش تشتري ساعة غالية بهدف الاستثمار إلا لو عارف أماكن وطرق البيع بالتفصيل لأنك لو مش متخصص وفاهم الموضوع صح هتخسر كتير
- اشتري من مكان ثقة واستشير شخص بيشتري ساعات والأحسن يبقى معاك عشان تختار الشكل المناسب ليك
طريقة تنضيف ساعة اليد
- فك الرابطة (الأُستيك) من الساعة عشان تنضفها واحتفظ بالمسامير الصغيرة في مكان مميز
- سيبها دقيقتين في وعاء مليان مياه فاترة عليها نقطتين صابون غسيل الصحون
- جففها فورًا بقطعة القماش الناعمة المخصصة لتنضيف النضّارة
- نضّف الثقوب بالأعواد القطنية لتنضيف الأذن ونضّف قرص الساعة بقطعة قماش خالية من الوبر عليها مياه ونقطتين صابون غسيل أطباق
- بلاش تضيف عليها أي مواد كيميائية خصوصًا المبيض أو ملمع الزجاج
- حاول توصل للأماكن الضيقة في الحواف الخلفية لقرص الساعة
- ركّب الرابطة (الأّستيك) تاني في الساعة وامسحها كلها بقطعة قماش جافة لإزالة أي أتربة
متوسط أسعار الساعات الرجالي
- قيمة الساعة الأساسية موجودة في الساعة نفسها مش الأستيك اللي بيتربط حوالين إيدك
- أنواع الساعات الغالية أحيانًا بيتهالك الأستيك بعد فترة قصيرة والتالي تقييم سعر الساعة بيبقى بشكل أكبر بسبب الساعة نفسها
- الساعات متوسطة الجودة بتتراوح قيمتها بين 200 جنيه لـ 1000 جنيه حسب قيمتها ومكان شرائك
- أما الساعات عالية الجودة اللي بتمثل علامات تجارية بتزيد قيمتها عن 1000 جنيه وبتدرج في سعرها حسب العلامة التجارية وخدمات ما بعد زي الضمان
