المحتويات
البرمجة بتتصنف عالميًا حسب مواقع واستطلاعات رأي في أكبر دول العالم إنها من أكتر المهن المطلوبة على مستوى العالم، وبتدخل في كل الشركات والمنظمات والمؤسسات بدرجات متفاوتة، وخبراء التقنية بيتوقعوا إنها هتبقى المهنة المسيطرة في السنين الـ 10 المقبلين وإن لغاتها ممكن تدرّس في المدارس بجانب العلوم الطبيعية والإنسانية، بس أحيانًا بداية الطريق بتزوّد تشتت بعض الناس بسبب تنوع لغات البرمجة وبالتالي ضروري تعرف أهم اللغات وكيفية بداية تعلم البرمجة.
أهم لغات البرمجة
بايثون (Python)
- سهلة الاستخدام والنشر وقابلة للتطوير بسهولة
- منصات زي Youtube وInstagram وPinterest اتصممت باستخدام بايثون
- بتعتبر من اللغات المطلوبة في الشركات الناشئة لأن الذكاء الاصطناعي معتمد عليها بشكل أساسي
جافا سكريبت (Javascript )
- بتعتبر اللغة الأكتر شعبية بين المطورين ومن العناصر الأساسية لتطوير الواجهة الأمامية/ Front End
- بتستخدم في الأساس لتطوير المواقع التفاعلية
الجافا (Java)
- من اللغات الشعبية عند المطوّرين ومناسبة لأي شخص حابب يبدأ في المجال
- دورها أساسي في تصميم التطبيقات خصوصًا تطبيقات أندرويد
سي ++ (++C)
- بيتعلمها الأشخاص اللي بقالهم فترة في مجال البرمجة واتعلموا اللغات الأساسية زي الجافا
- دورها أساسي في تصميم الروبوتات وبتستخدم في تصميم الألعاب ثلاثية الأبعاد
- بيتزايد الطلب عليها في الوقت الحالي من الشركات والمؤسسات الكبرى واتصمم عن طريقها متصفح جوجل كروم
لغة PHP أو (Hypertext Preprocessor)
- من أقوى لغات البرمجة اللي بتستخدم بشكل أساسي في تصميم الـواجهة الخلفية أو الـ Back-end
- بيساعد فهمها على تطوير قدرة المبرمجين على الاختراق، وبالتالي فهي ضرورية لتطوير المواقع والتطبيقات للوصول لأقصى درجات الحماية
كيفية تعلم البرمجة
- في الأساس لازم تحدد الهدف اللي عايز تتعلم البرمجة عشانه
- لو عايز تبقى مطور ويب لازم تتعلم (PHP/Ruby/Ruby on Rails/ ASP.NET)
- لكن لو عايز تبقى مبرمج تطبيقات للموبايل للأندرويد يبقى تطبيقات ( ++Java/ C) لكن للآيفون (Swift/ Objective) أما للألعاب ضروري تتعلم تطبيقات ( C# / C++ / Unity / JavaScript)
- لو عايز تبقى مبرمج تطبيقات للـ Desktop لازم تتعلم (++Java/ Python/ Java Fx/ C# / C) أما للماك فضروري تتعلم لغات (Swift/ Python/ MysQL/ oRacle)
- التزم بأوقات معينة تتعلم فيها مهما كنت مشغول
- بلاش تدخل في تعلم اللغات قبل ما تركز على فهم الأساسيات وإتقانها واتفرج على فيديوهات لمبرمجين محترفين بيشرحوا معلومات معينة وراقب طريقتهم
- اربط الأكواد وطريقة إدخالها بأي حاجة قريبة منك عشان تفضل فاكرها وافتكر إن التكرار والاستمرارية هما أساس تمكنك منها
مواقع هتساعدك تتعلم البرمجة
فوائد تعلم البرمجة
- افتكر إنك بتكتسبها مع الوقت زي القراءة والكتابة ومش لازم تبقى فائق الذكاء
- بتجمع بين الرياضيات والخوارزميات ونظريات في الكيمياء والفيزياء
- بتنمي مهارات التفكير المنطقي اللي بتفرق في كل جوانب الحياة
- بتساعدك على حل المشكلات وتطوير حلول مبتكرة ليها في أسرع وقت
- بتدرب الشخص على تعدد المهام والتركيز الدقيق في أكتر من شيء
- بتعلم الصبر والاجتهاد والمثابرة للوصول إلى أي هدف وبتمنحك قدرة على تحسين أحوال الناس من خلال ابتكار برامج وتطبيقات بتسهّل الحياة في المجتمع
- بتنمي المهارات الإبداعية والخيال والتعبير عن النفس بطرق جديدة
