المحتويات
اعراض تسمم الحمل بتظهر في أغلب الأوقات بعد 20 أسبوع من بداية الحمل، ولكن في بعض الأحيان ممكن تظهر قبل كده ووقتها بتزيد صعوبة المهمة على الطبيب للحفاظ على الحمل بنجاح وبتقل فرص اكتمال نمو الجنين بشكل طبيعي خلال أشهر الحمل.
تعريف تسمم الحمل
- بيعتبر من مضاعفات الحمل وبيحصل نتيجة ارتفاع ضغط دم المرأة الحامل عن الطبيعي
- بتظهر بعض علامات التلف على أعضاء تانية في الجسم زي الكبد والكلى
- بيحصل تسمم الحمل بعد 20 أسبوع من بداية الحمل وبيبقى الحل الأكثر فاعلية وقتها هو الولادة العاجلة
- الموضوع بياخد وقت لحين تحسن الحالة الصحية للمريضة وأحيانًا بتطور لمرحلة تسمم ما بعد الحمل
- إهمال علاج تسمم الحمل ممكن يسبب مضاعفات خطيرة ممكن توصل لوفاة الأم والجنين
- بيحصل أحيانًا بدون أعراض تمامًا وبيتميز عن طريق قياس ضغط الدم في أوقات مختلفة
- ضغط الدم لو أعلى من 140/90 ومش بينزل خلال مرتين مختلفتين للقياس (بينهم 4 ساعات على الأقل) يبقى الموضوع مش طبيعي وفرص إصابة الحامل بتسمم الحمل عالية
اعراض تسمم الحمل
- انخفاض مستويات صفائح الدم
- قلة البول وزيادة البروتين فيه (بيظهر عن طريق تحليل البول)
- الغثيان والقيء المستمر
- ألم شديد أعلى البطن وأسفل الأضلاع خصوصًا في الجانب الأيمن
- ضيق شديد في التنفس نتيجة امتلاء الرئة بالسوائل
- غيوم في الرؤية بتوصل أحيانًا لفقدانها أو الحساسية الشديدة من الضوء
- زيادة وزن مفاجئة وتورّم في الأطراف (بتحصل في أغلب حالات الحمل ولكنها بتزيد بشكل كبير مع التسمم ومش بتعتبر عرض أساسي إلا لو ارتبطت بارتفاع شديد في ضغط الدم)
الأسباب
- عدم تطور خلايا المشيمة (العضو المغذي للجنين) بشكل صحيح وعدم ظهور أوعية دموية جديدة فيه
- من المتوقع إن في بداية الحمل بتطور الأوعية الدموية الجديدة لتغذية الجنين ولكنها مش بتطور وبالتالي بتظر أعراض تسمم الحمل
- بتظهر أوعية دموية صغيرة جدًا وضيقة بتتفاعل بشكل مختلف مع هرمونات الحمل في الجسم وبالتالي بتقل كمية الدم اللي بتدفق إليها
- وبالتالي بتحصل بعض المضاعفات زي عدم وصول دم للرحم وتلف في الأوعية الدموية ومشكلة في جهاز المناعة
- بيحصل كتطور لبعض حالات ارتفاع ضغط الدم المرتبطة بالحمل أو حتى من قبله
عوامل بتزوّد خطر الإصابة
- الحمل فوق سن الـ 35
- زيادة الوزن والدهون في الجسم
- الإصابة بتسمم الحمل في السابق
- الحمل في توائم
- الإصابة بأمراض زي السكر أو الضغط أو الكلى أو الصداع النصفي
- التلقيح الصناعي
المضاعفات
- ضعف نمو الجنين بسبب قلة الغذاء الواصل ونسبة الأكسجين وانخفاض وزن الطفل وقت الولادة المبكرة
- انفصال المشيمة المبكر عن الرحم قبل الولادة وممكن ينتج عنّه نزيف خطير على حياة الأم والجنين
- ارتفاع شديد في إنزيمات الكبد وانخفاض الصفائح الدموية
- تلف شديد في الكبد أو الكلى أو القلب أو الرئتين أو في كل الأعضاء دي
الوقاية
- ضروري تقللي وزنك لو بتستعدي للحمل لأن الخبراء بيأكدوا إن السيدات اللي وزنهم زيادة معرضين أكتر للإصابة بتسمم الحمل
- الالتزام بالعادات الصحية في الأكل وممارسة الرياضة بانتظام لتحفيز نشاط الأكسجين وتكوين كرات الدم الحمراء داخل الجسم
- بعض الخبراء بينصحوا بتناول أسبرين لو بتعاني من ارتفاع مزمن في الضغط أو السكر أو أمراض القلب ولكن ضروري تستشيري طبيب متخصص قبلها
- التجارب أكدت إن مكملات الكالسيوم بتساعد على الوقاية من خطر تسمم الحمل
