المحتويات
Comfort Zone أو منطقة الراحة هو مصطلح بيطلق على نمط الحياة اللي بيحسس الشخص بالأمان وبيشجعه على البعد والخوف من أي مغامرة جديدة أو تجربة فيها شيء من كسر الروتين، وبالتالي ضروري تعرف كيفية الخروج منها وتأثيرها السلبي عليك.
تعريف الـ Comfort Zone
- هي منطقة وهمية بتعبر عن حالة نفسية بيمر فيها الشخص
- المصطلح صاغته مفكرة أمريكية اسمها جوديث باردويك سنة 1991
- بيحس الشخص بالرضا التام والكامل عن طبيعة عمله وسكنه والأشخاص اللي بيتعامل معاهم وحتى الأماكن اللي بيشتري منها احتياجاته الأساسية
- الموضوع بيوصل للاختيارات في اللبس والشكل وروتين اليوم
- بيبعد الشخص عن أي تحديات بيواجهها في حياته ودائمًا بيختار أهداف بتطلب أقل قدر ممكن من المجهود
- بيقبل بحالة الركود سواء في الملل اللي بيواجهه في خلال اليوم أو حتى بسبب ثباته في نفس المكان في عمله وطبيعة علاقاته الاجتماعية
الخروج من منطقة الراحة
- حدد أكتر حاجات بتخوفك وسبب قلقك منها
- اقرا كويس في حاجات جديدة نفسك تعملها واسأل حد جربها
- ركز في الاستفادة من كل تجربة جديدة نفسك تعملها
- خليها بالتدريج عشان تقلل الرهبة اللي ممكن ترجعك عن قرارك
- ابدأ بحاجة عمرك ما عملتها ومش بتخاف منها عشان تكسر الروتين
- خلي حد قريب منك يشاركك التجربة الجديدة
- دراسة أمريكية بتقول إنك لما تغير روتين قول لنفسك إنها تجربة ولو مارتحتش هترجع لطبيعتك
- وإنه من الخطوات الفعالة إنك تحرم نفسك من حاجة بتحبها لو ماكسرتش روتينك اليومي
- فكر إنها فرصة للنضوج وإن الخبرات المختلفة في الحياة بتفيد شخصيتك وبتنميها وحط السيناريو الأسوأ قدامك وواجهه
- الدراسة بتأكد إن الخطوة الأولى والاندفاع للبداية في عادة جديدة بيأهل الشخص للخروج تدريجيًا من الـ Comfort Zone
بداية العادات الجديدة
- الكاتب تشارليز دويج في كتاب (قوة العادة) بيقول إن كل عادة مبنية على إشارة والإشارة بتحفز المخ عشان يقوم بيها فيحس بمكافأة
- وفي بداية عادة جديدة الإشارة الأقوى هي الوقت والمكان اللي هتبدأ فيه
- الكاتب جيمس كلير في كتابه (العادات الذرية) بيقول إنك لازم تخطط عشان تنفذها
- والأهم هو (نية التنفيذ) اللي بتقوى لما بتفكر في الموضوع ونتايجه
- النية بتمحي أفكار إنك مش جاهز أو محتاج تستعد زيادة والتركيز على فوايدها هيحفزك تبدأ
- دراسة لجامعة نورث ويسترن الأمريكية بتقول إن تغيير عادة بيغير حاجات تانية وده هيحفزك
- اختار وقت بداية أسبوع أو شهر عشان الأمل والحماس بيزيد في الأيام دي
- دراسة في جامعة ستنافورد بتنصح إنك تربط العادة الجديدة بحاجة قديمة بتعملها
أضرار البقاء في منطقة الراحة
- بتقل فرص النضج والنمو وبيزيد الإنسان في عزلته سواء عن أشخاص آخرين أو حتى عن خبرات مختلفة ومتقدمة في مجاله
- ممكن يعيش الشخص طول عمره مش قادر يكتشف قدراته وشغفه الحقيقي لمجرد ارتياحه في نمط حياة معيّن وأعمال روتينية بيقوم بيها
- بيندم الشخص في المستقبل على فرص ضاعت منّه وبيتمنى رجوع الوقت تاني عشان يقدر يغير في قراراته
- بيسهل انقياد الشخص لأي آراء بتأكد وجهة نظره وبيفضل مقيّد نتيجة إحساسه بالخوف من الخروج من المنطقة الآمنة من وجهة نظره
