قرح الفم شائعة جدا، بتكون مؤلمة وغير مريحة أثناء تناول الطعام أو الشراب أو تنظيف الأسنان، تقدر تتخلص منها باستخدام علاجات منزلية وعادات صحية ومنعها من العودة.
ما هي قرح الفم؟
- هي تآكل بيصيب الأنسجة المبطنة للفم، بيظهر على هيئة بقع مستديرة أو بيضاوية بارزة ومتورمة، وممكن يكون لونها أحمر أو أبيض أو أصفر أو رمادي
- لا تعتبر خطيرة، وغالبًا بتشفى بدون علاج في خلال حوالي 10 أيام، لكن لو ظهورها كان متكرر أو مش بتتعافى منها بسهولة الأفضل تستشير دكتور
أسباب ظهورها
- عض الجزء الداخلي للخد
- أطقم أسنان مركبة بشكل سيئ
- تناول أطعمة صلبة أو مقرمشة مش بتتحلل
- أسنان حادة أو حشو معيب
- التوتر والإجهاد
- وجود أجسام غريبة في الفم زي تقويم الأسنان
- تناول بعض الأدوية زي بعض أنواع مسكنات الألم/ بعض أنواع المضادات الحيوية/ العلاج الكيميائي والإشعاعي/مضادات الالتهاب اللاستيرويدية
- التغيرات الهرمونية
- التدخين
- الجينات والوراثة
- التعرض لحرق في في داخل الفم زي تناول الأكل أو مشروب سخن
- بعض أنواع الأمراض الفيروسية زي مرض الهربس
- بعض أنواع الأمراض الناتجة عن الفطريات زي داء المبيضات
- أمراض بتضعف المناعة زي الإيدز والسكري
- أمراض المناعة الذاتية زي الذئبة والفقاع
- السرطان زي الحنجرة والفم
- بعض أمراض أو التهابات الفم زي التهاب الفم واللثة والسلاق الفموي
- التهابات الجهاز الهضمي
التخلص من قرح الفم
- اغسل أسنانك بشكل منتظم وتجنب استخدام فرشة أسنان خشنة تأدي لتلف اللثة
- استخدام غسول فم مضاد للجراثيم
- تجنب الأطعمة المقرمشة أو المتبلة أو الحمضية أو الحارة أو المالحة لحد ما تشفى القرحة
- مضمض فمك بالمياه والملح
- استخدم أكياس شاي رطبة على قرحة الفم لأنها غنية بمضادات الأكسدة
استشير دكتور في حالة:
- عدم الشفاء من القرح لأكتر من 3 أسابيع
- شعور عام بالتعب والضعف
- الإصابة المتكررة بتقرحات الفم
