المحتويات
اسمرار اليدين من المشاكل اللي بتواجه السيدات والرجال بسبب التعرض اليومي للشمس، هنقدملك منتجات ووصفات مناسبة للتخلص منه.
طرق التخلص من اسمرار اليدين
حمض اللاكتيك
- المنتجات اللي فيها حمض اللاكتيك المشتق من اللبن مفيدة لتقشير البشرة وتفتيحها
- استخدمها بالليل بس لأنها بتخلي البشرة سريعة التأثر والتلف عند التعرض للشمس
- ادهن اليدين زبادي لمدة 10 دقايق قبل النوم مرتين أسبوعيا واغسله بمياه دافية
فيتامين سي للتخلص من اسمرار اليدين
- المنتجات اللي فيها فيتامين سي مناسبة لتقشير وتفتيح البشرة والتخلص من التصبغات
- استخدمها بالليل مرة واحدة أسبوعيا لأنها بتخلي البشرة سريعة التأثر والتلف عند التعرض للشمس ولازم تحط عليها واقي الشمس قبل التعرض ليها
- وزع عصير برتقال أو ليمون طازة على إيدك باستخدام قطنة وسيبه نص ساعة وبعدين اغسله
- نشف قشر البرتقال في الفرن واطحنه واخلطه مع زبادي عشان تحط الخليط على إيدك قبل النوم
- سيبه من 15- 20 دقيقة واغسلهم بمياه دافية
خل التفاح
- اخلط كميات متساوية من خل التفاح والمياه وحطه على إيدك لحد ما ينشف وبعدين اغسله
- راقب جسمك لو ظهر رد فعل تحسسي أو إحمرار بسبب الخل
جل الصبار
- جل الصبار بيساعد على توحيد لون البشرة لأن فيه مضادات أكسدة بتحمي خلايا البشر
- سيبه على إيدك طول الليل واغسله الصبح بمياه دافية
الزبادي والكركم
- اخلطي علبة زبادي مع معلقة صغيرة كركم
- وزعيه على إيدك وسيبيه 10 دقايق دقايق وبعدين اغسله
- الزبادي فيه بكتيريا نافعة هتفتح بشرتك والكركم بيوحد لونها
الأرز للتخلص من اسمرار اليدين
- انقع كوب أرز في المياه لمدة 3 ساعات وبعدين صفيه
- حط إيدك فيه لمدة 10 دقايق وبعدين اغسلها
- أو اخلط معلقة صغيرة دقيق أرز مع مياه لحد ما ياخد شكل المعجون
- سيبه على إيدك 20 دقيقة وبعدين اغلسه
اللوز والحليب
- انقع كمية بسيطة من اللوز في الحليب طول الليل
- اضرب الخليط في البلندر وخلي قوامه شبه المعجون
- ادهن الخليط على اليدين وسيبه 20 دقيقة وبعدين اغسلها بمياه فاترة
نصائح يومية للتخلص من اسمرار اليدين
- اهتم تنضف إيدك دايما لتجنب تراكم البكتيريا عليها
- رطب إيدك يوميا باستخدام زيت جوز الهند/ زيت اللوز/ زبدة الشيا/ جل الصبار
- تقشير الإيد مرة أو مرتين أسبوعيا هيساعد على توحيد اللون معظم الوقت وده من خلال اخلط زيت زيتون/ زيت جوز هند مع قهوة/ شوفان/ سكر
- استخدم واقي الشمس على إيدك/ شفايفك/ رقبتك/ أي جزء تاني ظاهر قبل النزول يوميا وجدده كل ساعتين
- البسي جوانتي أثناء السواقة
