صحة
الزهايمر: الأعراض المبكرة وطريقة التعامل مع المصاب وطرق الوقاية منّه
إزاي تحمي نفسك من مرض الزهايمر؟
المحتويات
الزهايمر هو اضطراب عصبي بيسبب ضمور في المخ وموت خلاياه مع الوقت وبيسبب انخفاض مستمر في المهارات السلوكية والاجتماعية ومع تفاقم الأعراض بتدهور الذاكرة وبيفقد المريض القدرة على القيام بأبسط المهام اليومية، أغلب الخبراء بيأكدوا إن الأدوية بتخفف حدة الأعراض وسرعة تدهورها لكن مفيش علاج له.
الأعراض المبكرة لمرض الزهايمر
- الدراسات أثبتت إن أعراضه بتظهر ما بين 20-60 سنة
- بسبب تراكم نوع من البروتينات اسمه أميلويد بيتا في جزء معين من المخ مع مرور الوقت وليها تأثير سام على الخلايا العصبية وبتعيق الاتصال من خلية للتانية
- أو إصابة أحد أقارب الدرجة الأولى بيه وبالتالي زيادة خطر الإصابة بيه اللي أعراضه:
- النسيان المتكرر لأحداث وتواريخ مهمة والأسئلة المتكررة عن كل شيء
- صعوبة التخطيط أو عمل أشياء متعود عليها زي دفع الفواتير
- صعوبة التعامل مع الأرقام والتشتت الذهني وصعوبة إكمال المهام العادية زي السواقة وتذكر الطرق
- النسيان المؤقت للمكان أو الأشخاص اللي معاك
- ضعف الرؤية وصعوبة التفرقة بين المسافات أثناء السواقة
- نسيان الكلمات في نص الحديث وإعادة حكي نفس المواقف
- صعوبة اتخاذ القرارات وتقدير المواقف بشكل صحيح زي الاستحمام أكتر من مرة
- التقلبات المزاجية مع التشوش والاكتئاب والقلق والخوف
- الابتعاد عن المناسبات الاجتماعية وتفضيل قضاء الوقت في البيت
طريقة التعامل مع مريض الزهايمر
- خليك واضح ومحدد وإنت بتتعامل معاه وكرر كلامك أكتر من مرة بنفس الصيغة
- بلاش تستخدم ضماير زي هو أو هي وحدد أسماء الأشخاص اللي تقصدهم كل مرة
- ابعده عن أي بيئة صاخبة وتجنب الكلام جنب صوت التلفزيون العالي
- تصرفات زي الصراخ بيقصد بيها التعبير عن رسالة محددة
- حاول تهديه وتفهم الغرض من السلوك اللي بيعمله واستجيب لطلبه مش لسلوكه
- اتكلم معاه أكتر عن حياته وذكرياته القديمة واتفرج معاه على صور أو فيديوهات تحاول بيها إنعاش ذاكرته
- اسمح له بالكلام والتعبير عن نفسه ومحاولات تذكره اللي ممكن تفشل
- اختار موضوع متخصص في دراسته أو شغله لأنه وقتها ممكن يتجاوب معاك
- حافظ على نبرة صوتك المنخفضة والهدوء في الكلام وخليك مرن واعرف إن أعراضه واحتياجاته هتتغير مع الوقت
- بلاش تظهر أي غضب أو ملل وعد من 1 لـ 10 لو حاسس إنك هتفقد أعصابك
- نظم روتينه اليومي لأنه صعب عليه التخطيط ليومه والأحسن تبقى أنشطة ثابتة بيحب يعملها
- اتحكم في مواعيد نومه وصحيانه عشان تقلل مشاكله في النوم
- شجعه يشترك معاك في بعض المهام البسيطة عشان يحس بقيمته.. وبلاش تقوله إنه بيتصرف غلط
- بلاش تجادل معاه وعرّفه إنك جنبه عشان لو احتاج أي مساعدة
- اعمل توازن بين رعايك له وبين حياتك الشخصية عشان تقدر تكمل
- اسمع معاه نوع الموسيقى اللي بيفضله وخليك بشوش ومبتسم في وجهه
- استشير طبيبه المتخصص عن احتياجاته بالتفصيل واكتب كل أسئلتك في ورقة
تطبيقات بتساعد على التعامل مع المريض
Timeless
- بسيط وسهل الاستخدام ومتوفر للأندرويد والـIOS
- بيساعد في تذكر الأحداث والتواصل مع أفراد العيلة أو الصحاب
- بيستخدم تقنية التعرف على الوجوه عن طريق الذكاء الاصطناعي
MindMate
- طوره 3 شباب كانوا متطوعين لرعاية كبار السن المصابين بالزهايمر في أمريكا
- متوفر مجانا للأندرويد والـIOS
- بيوفر ألعاب ذهنية بتساعد في زيادة الانتباه والتركيز وحل المشكلات وسرعة الإدراك
- وبيساعد في التحفيز العقلي والاجتماعي والاهتمام بالتغذية والتمارين الرياضية
Alz Calls
- روبوت محادثة مصمم للمرضى اللي بيكلموا أفراد عيلتهم كذا مرة في اليوم
- بيساعد المرضى في الإحساس بالأمان وبيساعدهم على التفاعل الاجتماعي
- ممكن لأفراد الأسرة تسجيل أصواتهم وإضافة صورة يقدر يتعرف عليها المريض
- وبيجابوا على الأسئلة المتكررة ويدخلها في مناقشة تفاعلية مع المريض
Walk Through Dementia
- بيساعد أهل المرضى على فهم محنة ومشاكل ذويهم وبيوفر رؤية شاملة حول حالة ومعاناة المرضى
الوقاية
- مفيش حاجات معينة هتحميك من الزهايمر لكن إتباع نظام حياة صحي ممكن يأخر ظهوره
- حماية نفسك من الإصابة بأمراض القلب والأوعية الدموية هتساعدك تحمي نفسك منه من خلال التوقف عن التدخين والإفراط في المشروبات الغازية والكحولية
- تناول الخضروات والفواكه باستمرار ويفضل تاكل مش أقل من 5 ثمرات يوميًا واهتم بتناول الأسماك لأنها بتحتوي على أوميجا 3 اللي بيقوي مخك
- دراسة بتأكد إن شرب الشاي والقهوة بيقلل من خطر الإصابة بالزهايمر
- مارس الرياضة لمدة 30 دقيقة يوميًا وابذل مجهود بدني
- دراسات كتير بتأكد إن تفاعلك الاجتماعي والبعد عن العزلة والوحدة بيقللوا خطر الإصابة
- اشغل أي وقت فاضي عندك خصوصًا بالقراءة والإطلاع
- ممارسة نشاط جديد أو تجربة مختلفة هيحسن نفسيتك وهينعكس على أدائك العقلي
- اتعلم العزف على آلة موسيقية وطور نفسك فيها ونام من 6 لـ 8 ساعات يوميًا وقلل تعرضك للضغوط والتوتر
- زور طبيبك باستمرار واتأكد من مستويات الضغط والسكر عشان تلحق تعالج أي مشكلة من بدري
علاقة الشغل المستمر بالوقاية من الزهايمر
- نصايح كتير بيقولها الخبراء لتقليل خطر الإصابة بالزهايمر وتأخير ظهور أعراضه
- دراسات كتير بتبحث في الأنشطة اللي ممكن يعملها الإنسان عشان يحمي نفسه
- دراسة في جامعة ويسكونسن بتقول إن الوظايف اللي بتخليك تفكر لمدة طويلة بتحمي المخ وبتقلل خطر الإصابة خصوصًا لو بتتعامل مع ناس كتير طول اليوم
- العمل في مجالات زي الطب والقضاء والتجارة بيحمي المخ أكتر من العمل في البرمجة لأن التعامل مع البشر أكثر تعقيدًا وبينشط المخ أكتر من أي نشاط تاني مهما كان صعب
- وبتتقسم المهن لدرجات من الأكثر تعقيدًا للأقل مثلًا المهن اللي أساسها التوجيه بتحتاج أكبر قدر من الانتباه وبتنشط المخ وبعدها التفاوض وأبسطها على المخ تلقي التعليمات لتنفيذها
- دراسة تانية في جامعة بوسطن بتقول إن الشغل بيحمي السيدات أكتر من الرجال
- عوامل زي المشاركة الاجتماعية والشعور بالأمان المادي بتقلل خطر الإصابة وبتأكد الدراسة إنها بتأخر ظهور المرض لكن مش بتمنعه
