فوائد الشمر الصحية متعددة لأنه مصدر جيد للمعادن زي الفسفور وحمض الفوليك وفيتامين E وK، والبيتاكاروتينات والنحاس والزنك والمنجنيز، مع نسبة كبيرة من الألياف، كمان ريحته مميزة وبيتم استخدامه مع المخبوزات أو السلطة، أو كمشروب من خلال نقعه في مياه مغلية.
فوائد الشمر الصحية
- بيساعد في علاج التهاب الشعب الهوائية وطرد البلغم وتهدئة الكحة والتخلص من آلام الحلق
- بيدوب الدهون المتراكمة في الجسم وده بيساعد على الوقاية من خطر الإصابة بالنوبات القلبية وتصلب الشرايين
- بيساعد على خفض نسبة الكوليسترول الضار في الدم والحفاظ على صحة القلب والأوعية الدموية
- بيحتوي على فيتامين A وK وعناصر غذائية تانية مهمة بتساعد في الحفاظ على صحة العين وعلاج مشاكل التقدم في العمر زي الضمور البقعي وتقليل الاحمرار وانتفاخ العين وحمايتها من الالتهاب
- بيحتوي على مضادات أكسدة بتساعد على تقوية الجهاز المناعي في الجسم والوقاية من مرض السرطان خاصة سرطان الثدي والكبد
- مضاد لانتفاخ البطن لأنه بيحتوي على خصائص طاردة للغازات وده سبب إنه بيدخل في تصنيع أدوية تقليل أعراض عسر الهضم وانتفاخ البطن للرضع والأطفال
- استخدامه مهروس كماسك على الوجه بيساعد في التخلص من حب الشباب والبقع الداكنة وبيمنع ظهور التجاعيد وعلامات الشيخوخة
- بيحفز نمو الشعر وتقويته وزيادة كثافته والتخلص من القشرة.. اغلي بذور الشمر في المياه ووزعه على الشعر بعد ما يبرد
- بيخفف أعراض انقطاع الطمث زي الهبات السخنة وتقلبات المزاج
- بيحتوي على ألياف بتقلل الإمساك وبتحافظ على حركة الجهاز الهضمي منتظمة وسليمة
- بيحتوي على فيتامين ب6 اللي بيلعب دور مهم في التمثيل الغذائي مع الألياف اللي بتعزز الشعور بالشبع وده بيساعد على تقليل الوزن
- غني بالبوتاسيوم وبيساعد على تحسين عمل الأعصاب
- بيساعد على إيصال أقصى كمية من الأكسجين للمخ، وده بيعزز عمله بكفاءة أكبر
- بيعزز امتصاص الحديد في الجسم ومنع فقر الدم
- بيقلل آلام القولون العصبي
- بيساعد فى السيطرة على مستوى السكر فى الدم
- غني بمعدن سلينيوم اللي بينضف الجسم من السموم وبيكافح السرطانات
آثاره الجانبية
- ممكن يتسبب في الإصابة بهبوط فى القلب واحتقان بالأوعية الدموية
- الإحساس بالدوخة والغثيان
- طفح جلدي
- تنشيط عضلة الرحم وممكن يأدي لانقباضات متكررة ويجب تجنبه خلال الحمل وخاصة في الأشهر الأولى
- مشاكل للكلى
طرق استخدامه
- مسحوق مكملات الشمر موجود في الصيدليات
- إضافته لعصاير الفاكهة
- مشروب من مغلي الشمر
- إضافة بذوره على المخبوزات زي البسكويت والمعجنات أو على السلطة
