لايف ستايل
الطرق الصحيحة لاستخدام الزيوت الاساسية وأنواعها المختلفة
إزاي تتجنب أخطاء استخدام الزيوت الأساسية؟
المحتويات
الزيوت الاساسية مستخرجة من أنواع معينة من النباتات، وبتستخدم للعناية بالشعر والبشرة وأثناء الاستحمام، وفي خطوات معينة لازم تتبعها لتجنب أضرارها.
الطرق الصحيحة لاستخدام الزيوت الاساسية
استخدمها في حالة التوتر
- دعكها على الجلد في حالة التوتر مفيد، خاصة الأنواع زي مياه الورد والكاموميل واللافندر لأنهم بيساعدوا على الاسترخاء
- مهم تخففهم قبل الاستخدام وتحرص على استنشاق رائحتهم لأن العلماء بيقولوا إن الرائحة بتحفز الأماكن المسؤولة عن الاسترخاء في المخ
أماكن استخدامهم
- تجنب استخدامهم على أي أماكن في الجسم، فهي مناسبة للاستخدام على الإيد والقدم والساقين
- غير مناسبة للدعك على أجزاء تانية من الجسم زي الأنف والشفايف والعيون والمناطق الحساسة
جودة الزيوت الاساسية
- مهم تتاكد من جودة المنتج قبل شرائه لتجنب ظهور ردود الأفعال التحسسية عليك
- اختار ماركة موثوق منها واتأكد من عدم خلطه بزيوت تانية
- العبوة لازم تكون مغلقة يإحكام وفي عبوة غامقة
التجربة قبل الاستخدام
- الزيوت مصنوعة من النباتات لكن مهم تجربها الأول على جزء صغير وخفي من جسمك لاختبار رد فعله لنوع الزيت
- في بعض الحالات.. بتسبب ردود فعل تحسسية وتورم الجلد
ارمي الزيوت الاساسية منتهية الصلاحية
- اشتري الكمية المناسبة منها حسب معدل استخدامك ليها لأن ليها تاريخ صلاحية
- الزيوت أكتر عرضة للتلف مع الوقت بسبب تعرضها الدائم للأكسجين
- مدة صلاحيتها لحد 3 سنين
- في حالة ظهور أي تغير في شكل أو ملمس الزيت.. ارميه
الزيوت الاساسية الصالحة للأكل
- تجنب استخدامها على الوجه لأنها ممكن تسبب ظهور القرح
- العكس صحيح.. تجنب استخدام الزيوت غير القابلة للأكل في الفم أو عليه لأنه ممكن يأثر بشكل سلبي على صحتك
تخفيف الزيوت الاساسية
- الأنواع غير المخففة قوية جدا للاستخدام على البشرة والشعر
- مهم تخلطها مع زيوت تانية حاملة أو مع كريمات أو الشامبو أو البلسم
الزيوت الاساسية على الجلد المتهيج
- الجلد الملتهب أو المجروح بيمتص زيوت أكتر وبالتالي زيادة فرص اللإصابة بردود أفعال جلدية غريبة
- تحنب استخدامه على الجلد المتهيج أو المصاب
التخزين الصحيح
- الطريقة الخاطئة لحفظها بيسبب تلفها لأنها بتتعرض للأكسجين بشكل أكبر
- خزنها في مكان جاف ومظلم وبعيد عن الحرارة وفي عبوة غامقة
خصائص الزيوت الاساسية
- الزيوت الأساسية زي الليمون/ القرفة/ اللافندر/ الشاي/ روزماري/ عشبة الليمون/ النعناع
- ملمسهم ناعم وخفيف مش زي ملمس الزيت الدهني
- سهلة التبخر والجلد بيمتصهم بسرعة
- لازم تكون في عبوة زجاجية غامقة عشان أشعة الشمس بتتلفهم والبلاستيك بيسربلهم مواد مضرة
- لازم يكون في غطا بلاستيك على العبوة للتحكم في عدد قطرات الاستخدام وحمايته من الأكسدة
- الأسعار القليلة دليل إن الزيوت مغشوشة
- حط نقطة منه على ورقة بيضاء وسيبيها تنشف.. لو ساب علامة مكانه يبقى مغشوش
- في استثناءات للقاعدة دي مع زيوت زي الكاموميل الألماني/ زيت نجيل الهند/ زيت خشب الصندل لأنه قوامهم أتقل وملمسهم دهني شوية
- مكتوب عليها 100% زيت أساسي
- لازم يكون عليه الاسم العلمي للنبات ومصدرها
