المحتويات
الامانة والصدق من الصفات اللي بيطمح أغلب الناس لوصول أطفالهم إليها، الموضوع مش مجرد أوامر مباشرة لنصح الطفل ولكنها بتكتسب عن طريق خطوات وطرق فعّالة ومتراكمة من الأهل في تربية طفلهم عشان تبقى صفات أصيلة داخلهم مش مجرد تنفيذ لأوامر الأهل، وبالتالي ضروري تعرف إزاي تتصرف لو طفلك كذب عليك أو سرق وتدريبه على اكتساب صفات الامانة والصدق مع الوقت.
التعامل مع كذب الأطفال
- اعرف إن الأطفال بيلجأوا للكذب للهروب من العقوبة وبيعتبر سلاحهم الدفاعي الوحيد حتى من قبل ما يفهموا معناه
- دراسات بتأكد إن اللوزة الدماغية (اللي بتعتبر مركز الخوف في المخ) بتنشط لما بتتهم طفلك بالكذب وبتوصل لأعلى مستوى ومش بيقدر يكمل الحوار وده بيفسر انهياره
- ووصفه بالكذاب هيفضل مرتبط في ذهنه وهيتصرف على أساسه وبعض الأهل بيصعّدوا الموقف وبيتهموا الطفل بصوت عالي وبيعنفوه زيادة عن اللزوم
- دراسات كتير بتقول إن قسوتك في العقاب هتزود فرص كذبه والخبراء بيأكدوا إنك لازم توفر مناخ هادي يعبر فيه عن نفسه حتى وإنت بتواجهه بكذبه بس في نفس الوقت تستفهم عشان توصل للحقيقة زي إنك تسأل أكتر من مرة عن سبب تلف شيء في بيتك
- لما ينكر اسأله أكتر من مرة بعدها سيبه لوحده يفكر ويختار إجابته وقتها هيحس إنه ارتكب خطأ ولازم يصلحه على الأقل بالاعتراف
- لما تشكره على صراحته وتكافئه عليها هيتطمن يقول الحقيقة المرة اللي بعدها ده مش معناه التساهل مع أخطائه لكن هتحسسه بإن الكذب سلوك غير مقبول
- فهمه بهدوء بعدها معنى الصدق وامدح في صفة الصدق أكتر من ذمك في الكذب وكرر إن الكذب مرفوض وإنه زي التلفّظ بكلمة سيئة أو الكلام مع الكبير دون احترام
- استخدم كلمة (إحنا) بدل (إنت) عشان يحس إن دي صفة مشتركة بين الأسرة كلها وفهمه إن الصدق بيعمق ثقتك فيه عشان يحس بالمسؤولية
- بلاش تسخر منه لما تلاقيه بيحكيلك قصة خيالية على أساس إنها حقيقة واستغل طاقته في الرسم أو ممارسة نشاط مفيد حسب سنه
- خليك قدوة وبلاش تكذب قدامه هيحس بالتناقض بين كلامك وأفعالك وهيقلّدك
- اعرف إن تدريبه على الصدق والاعتراف بالحقيقة بداية لطريق الأمانة في التعاملات
مقاومة سلوك السرقة عند الأطفال
- خليك هادي واظهر رفضك للتصرف بطريقة حازمة وبدون توبيخ شديد وافرض عليه يرجع الفلوس وافهم منه ليه عمل كده
- عاقبه بطريقة معتدلة وزودها تدريجيا كل مرة يتكرر فيها فعل السرقة
- تجنب التستر عليه وقول للطرف التاني عشان ياخد باله ويراقبه بعد كده
- وتجنب المعايرة والشك فيه إلا بعد التأكد في حالة فقدان فلوس تانية لأن ده هيقلل ثقته في نفسه وفيك
- اهتم تعرف جذور الأسباب اللي دفعته للسرقة وحلها معاه
- اعرف إن سن الطفل الصغير أحيانًا مش بيتيح التفريق بين السرقة والاستعارة فمهم تفهمه الفرق وتتكلم معاه باستخدام أمثلة
- فهمه فكرة الفروق بين الإمكانيات وعلمه إزاي يدبر مصاريفه لو بسبب الطمع أو الحرمان
- لو للفت الانتباه أو الانتقام من الأبوين في حالة الغضب اتكلم معاه وعوض احتياجاته العاطفية
- اعرف إن بعض المراهقين هدفهم بيكون مواكبة مستويات أصحابه
- وبالتالي ضروري تساعده في اختيار أصدقاء من نفس المستوى وعدم مقارنة نفسه بالآخرين
- اربط الموضوع بالأخلاق والمبادئ والدين وتجنب التطويل في الكلام
- وفهمه إنك هتراقب سلوكه الفترة القادمة لأن ده هيساعدك تتأكد لو كانت مرة عابرة أو سلوك صعب يبطله
- اتكلم دايما عن أهمية الصدق وأضرار السرقة وكافئه لو اتصرف بصدق في أي موقف مهما كان بسيط
- وعلمه يحترم ملكية الآخرين باستخدام اللعب واستئذانه قبل استخدامها عشان يفهم أحسن معنى الأمانة
- لازم تستشير دكتور لو الموضوع استمر لأن ممكن يبقى ليه أسباب نفسية أعمق محتاجة متخصص
ترتبية السلوك الإيجابي عند طفلك
- خليك قدوة قدامه وإيجابي في كلامك وسلوكك
- اشرح باستفاضة إيجابيات اختيار معين في حياتك وتأثيره عليك واحكي تجربة فاشلة استفدت منها دروس مفيدة نفعتك في حياتك
- عرّفه إن شخصيته الإيجابية هتنعكس على نضجه السريع وحُب الآخرين له ودراسة بتأكد إن تعبيره عن مشاعره أساس شخصيته الإيجابية
- وفرله بيئة مناسبة يعبر فيها عن أحاسيسه بطريقة ملائمة واحترم طموحاته مهما كانت خيالية عشان تبني جواه التفاؤل والرغبة في تحقيق الأهداف
- ادعمه بإظهار الحب والتقدير له ومساعدته في استئناف أي خطوات فشلت في البداية
- ودرّبه على التفكير في حل أي مشكلة بدل الانشغال بتفاصيلها وتأثيرها لو استمرت
- خصصله وقت يوميًا يمارس فيه أي نشاط بيحبه ودراسة بتأكد إن الابتسام في وجه طفلك بينمي شخصيته الإيجابية وبيحسّن نفسيته
- ازرع جواه قيم إيجابية سواء بالكلام أو بتحديد أمثلة من أشخاص مقربين بيحبهم عن تمتعهم بصفات زي الامانة والإخلاص والصدق ، زي إنك تخصص يوم لزيارة دار أيتام وخليه يتبرع ليهم بألعاب وملابس
