المحتويات
لون البول بيتأثر بالنظام الغذائي وكمية المياه اللي بتشربها على مدار اليوم، ولكن في حالات معينة بتكون دليل على المعاناة من مشكلة صحية.
لون البول ودلالته الصحية
لو لون البول شفاف
- دليل على شرب كمية كبيرة من المياه وأكبر من احتياجك اليومي منها
- ترطيب الجسم شيء جيد لكن شرب كميات كبيرة من المياه بيخلص الجسم من الشوارد الحرة المفيدة للجسم
- ممكن يكون علامة على الإصابة بمشاكل في الكبد
- لو مش بتشرب كمية كبيرة من المياه وبتعاني من لون البول الشفاف.. لازم تستشير دكتور
لو لون البول من الأصفر للعنبر (الكهرمان)
- اللون الطبيعي للبول بيكون بين درجات الأصفر للعنبر، وبيخف بتفاوت حسب كمية المياه اللي بتشربها
- لو في كمية كبيرة من فيتامين (ب) في الجسم.. لون البول بيميل للأصفر الفاقع
لو لونه زهري أو أحمر
ممكن لونه يتغير لدرجات الأحمر في حالة تناول فواكه أو خضار في ألوان زي:
- البنجر
- التوت
في أسباب تانية صحية ممكن تغير لونه للدرجات دي زي:
- الإصابة الهيماتوريا (البول الدموي) وهي حالة صحية بيصاحبها تضخم البروستاتا وحصوات الكلى وأورام في الكلى والمثانة
لون البول البرتقالي
- ممكن يبقى عرض لجفاف الجسم
- أو بسبب أدوية زي مضادات الالتهاب أو الملينات
- لو بيصاحبه براز لونه فاتح.. ممكن يبقى عرض لوجود عصارة صفراء بسبب اضطراب الكبد
لو لونه أصفر أو أزرق
- ممكن يبقى صبغات بعض الأكلات أو اختبارات وظايف البول والمثانة
- التهاب المسالك البولية في بعض الحالات اللي بتسببها البكتيريا الزائفة
- فرط كالسيوم الدم الحميد العائلي وهو اضطراب وراثي نادر
البني الغامق
- في معظم الحالات دليل على جفاف الجسم وقلة شرب المياه
- ممكن يبقى عرض لتناول بعض الأدوية زي المطهرات المعوية والمضادات الحيوية
- أكل كميات كبيرة من أطعمة زي الفول أو الصبار
- اضطرابات الكبد أو الكلى أو بعض التهابات الجهاز البولي والحرقان أثناء التبول
- اضطراب البرفيرية بسبب تراكم المواد الكيميائية الطبيعية اللي بتنتج البورفيرين في الدم وهو ضروري لأداء الهيموجلوبين وظيفته
- التهاب الكبد (C)
البول الغائم
- في أغلب الحالات هو عرض لالتهاب المسالك البولية
- أو نتيجة للإصابة بأمراض مزمنة أو اضطرابات الكلى
- جفاف الجسم
البول المصاحب بفقاعات
- أكل كميات كبيرة من البروتين في نظامك الغذائي
- العدوى البكتيرية في المسالك البولية
- التهاب المسالك البولية خاصة لو مصحوب بألم وحرقان أثناء التبول
- ممكن تبقى علامة للإصابة بمرض كرون وهو التهاب مزمن يصيب الجهاز الهضمي عامة من الفم لفتحة الشرج وبينتشر في طبقات الجدار المعوي
- التهاب الرتج.. بيصيب القولون وبيسبب انتفاخات مجوفة في جدار المعدة
- مصاحب بألم شديد في المعدة وحمى وغثيان وإمساك