![تطويل الرموش](https://howtoarabic.com/wp-content/uploads/2022/01/إزاي-تطول-رموشك؟__-780x470.jpg)
المحتويات
تطويل الرموش بيحتاج تعمل تغييرات في نظامك الغذائي عشان تاخد العناصر الغذائية الكافية لجسمك، وروتين يومي للعناية بيها والحفاظ على كثافتها.
بالرغم من اختلاف نوع وشكل الرموش بين شخص والتاني، إلا إن في حاجات أساسية لازم تتبعها عشان تطولها
البيوتين لتطويل الرموش
فيتامين ب7 أو البيوتين واحد من أهم الفيتامينات لصحة الشعر والرموش وموجود في أطعمة مختلفة
موجود في السبانخ والبيض والمكسرات والبطاطا واللحوم الخالية من الدهون
فيتامين هـ
نقص فيتامين هـ بيسبب تساقط الشعر وضعف الرموش وسهولة تكسرها وتساقطها
موجود في أطعمة مختلفة زي بذور عباد الشمس واللوز والسوداني والسبانخ والورق الأخضر في البنجر والفلفل الأحمر والقرع العسلي
زيت جوز الهند لتطويل الرموش
غير إنه بيساعد على ترطيب المنطقة حوالين العين وممكن يستخدم في مسح المكياج، دراسة أثبتت إنه بيساعد على ترطيب الشعر والحفاظ على الرموش
بيقلل خسارة البروتين من الشعر
ممكن تضيف منه كمية بسيطة على أطراف أصابعك وتوزعها على رموشك تدريجيا لتطويلها وتقويتها
الأوميجا 3
أوميجا 3 من أهم العناصر الغذائية اللي الجسم ممكن يعاني من نقصانها لأنه موجود في أطعمة محدودة
تقدر تاخده بشكل طبيعي من أطعمة زي السردين والسلمون والرنجة والماكريل وبذور الشيا والمحار وزيت بذر الكتان
ممكن تاخده في شكل مكملات غذائية لو عايز تحافظ على الجرعة اليومية اللي بتاخدها يوميا
عادات يجب اتباعها أو تجنبها لتطويل الرموش
في حاجات معينة اتباعها هيساعدك تتجنب تساقط الرموش أو ضعفها، زي:
- النوم بمكياج بيسبب سد بصيلات الرموش وضعفها مع الوقت.. امسحيه قبل النوم بطريقة الطبطبة وبدون شد الجلد او العيون لاتجاه تاني
- تجنبي استخدام الماسكارا المضادة للمياه لأنها شديدة على الرموش
- سرح رموشك يوميا باستخدام فرشة نضيفة قبل النوم للحفاظ عليهم وتنشيط نموهم أكتر
- تجنبي استخدام الليمون على رموشك أو منطقة العيد لأنه بيسبب تهيج الجلد مع عدم وجود أدلة علمية كافية تثبت فايدته لتطويل الرموش
- استخدام الزيت داخل حبوب فيتامين هـ على الرموش ممكن يسبب تهيج العين أو الجلد حواليها.. الأفضل تاخدها كمكملات غذائية