المحتويات
الوقاية من كورونا ضروري في الحياة اليومية لأن العدوى ممكن تتنقل بطرق مختلفة، ونسبتها بتزيد مع قلة اتخاذ الإجراءات الوقائية للأشخاص الموجودة في المكان وعدم الالتزام بوجود عدد أشخاص معين فيه، وعشان تحمي نفسك والآخرين لازم تلتزم بقواعد واحتياطات بسيطة.
احتياطات الوقاية من كورونا
- سيب مسافة بينك وبين الشخص التاني على الأقل 2 متر
- اغسل إيدك بالمياه والصابون لمدة 20 ثانية وعقمها باستخدام الكحول بتركيز 70%
- تجنب الأماكن المقفولة والمزدحمة واللي مصادر التهوية فيها سيئة
- البس الكمامة طول الوقت وتجنب لمس الجزء الخارجي منها
- اتأكد إن الكمامة مغطية وجهك بشكل محكم
- غطي فمك وأنفك بمنديل عند العطس وارميه بعدها على طول واغسل إيدك كويس
- تجنب لمس عينك أو فمك أو أنفك وابعد عن لمس أي أسطح زي الأسانسير أو السلم أو المسهم بمنديل وارميه بعدها
- نضف وطهر الأسطح اللي بتلمسها بشكل يومي زي الموبايل وشنطة الإيد
- تجنب التقرب من الأشخاص اللي سهل يصابوا بفيروس كورونا زي كبار السن وأصحاب الأمراض المزمنة
- اغسل إيدك قبل الأكل وتحضيره وقبل لمس وجهك وبعد استخدام الحمام
- تجنب لمس الأسطح في الأماكن العامة
- اغسل إيدك بعد التعامل مع الكمامة أو حفاضة طفلك والتعامل مع حيوانك الأليف
- طهر الأشياء والمعلبات الغذائية اللي اشتريتها قبل استخدامها وبعدين اغسل إيدك كويس
طريقة التصرف في حالة الإصابة بكورونا
لو ظهر عليك أعراض كورونا أو اتعرضت ليه اتصل بطبيبك لاستشارته، عشان يوصفلك الأدوية المناسبة ليك وبعدين اتبع خطوات بسيطة لحماية الأشخاص اللي حواليك زي:
- التزم بالبيت وتجنب الذهاب للعمل أو للمدرسة وانزل بس لغرض الحصول على الرعاية الطبية
- البس كمامة محكمة على الوجه وبعض الأطباء نصحوا بلبس كمامتين
- اعزل نفسك في غرفة منفصلة عن باقي الأشخاص واستخدم حمام مخصص ليك
- تجنب مشاركة المفارش وأدوات البيت واستخدام الأدوات البلاستيك زي الأطباق والشوك وتخلص منها في كيس قمامة باستخدام جوانتي واربط الكيس كويس واغسل إيدك لمدة 20 ثانية بعدها
- انتظم على الأدوية المقوية للمناعة زي فيتامين سي وزنك وخد احتياجك من العناصر الغذائية من الأطعمة زي البرتقال والفراولة والأسماك الدهنية
- راقب حالتك الصحية أول بأول زي درجة الحرارة ومعدل الأكسجين في الجسم عشان تتأكد إنك كويس
الفئات الأكتر عرضة للإصابة بكورونا
مخاطر الإصابة بتزيد بمضاعفات شديدة بين الأشخاص فوق سن الـ60 أو بيعانوا من مشاكل صحية مزمنة زي ارتفاع ضغط الدم ومشكلات القلب والرئتين أو داء السكري والسمنة أو السرطان.
