الكبدة الاسكندراني وصفة أصلية من المطبخ المصري، سهلة ولذيذة، اتنسبت لمحافظة الإسكندرية بسبب محل معروف بيقدمها بنكتها المميزة مع الفلفل الأخضر الحار، وكمان تعتبر من الأكلات المفيدة لأن الكبدة غنية بالحديد وفيتامين ب 12، بنقدم لك طريقة عمل الكبدة الإسكندراني الأصلية بخطوات سهلة.
طريقة عمل الكبدة الإسكندراني
المكونات
- نص كيلو كبدة
- 4 فصوص توم
- 3 قرون فلفل أخضر حار
- 3 معالق صغيرين كمون
- معلقتين صغيرين كزبرة
- ملح وفلفل أسود
- ربع كوباية زيت
- عصير 3 حبات ليمون
الطريقة
- قطع الكبدة لشرايح صغيرة
- اخلط التوم مع الكمون والكزبرة والملح والفلفل الأسود والفلفل الأخضر الحار في الكبة
- ضيف الكبدة للخليط وسيبها منقوعة لمدة 15 دقيقة
- سخن الزيت وضيف الكبدة بالتدريج وقلب كويس لحد ما تستوي
- ضيف عصير الليمون وقلب لمدة 10 دقايق
- قدمها في سندوتشات فينو أو مع المكرونة بالصلصة
