المحتويات
صن بلوك صلاحيته مستمرة لفترة طويلة وعلامته التجارية معروفة هو أساس الحماية من أشعة الشمس الضارة اللي ممكن ينتج عنها أمراض خطيرة زي سرطان الجلد، بجانب إنها بتزوّد فرص شيخوخة الجلد وبيحمي البشرة من أمراض تانية حسب تقارير علمية كتير.
اختيار صن بلوك حسب نوع البشرة
- اختار نسبة الحماية اللي بيقدمها زي عامل الحماية SPF 15 بيمنع 93% من الأشعة فوق البنفسجية أما عامل الحماية SPF 30 بيمنع 97% ولكن عامل الحماية SPF 50 بيمنع 98%
- اختار نوع مقاوم للمياه عشان يفضل وقت أكتر مع العرق والحركة وحدد نوع حسب نوع بشرتك زي:
- البشرة الحساسة لازم يكون في الصن بلوك أكسيد الزنك أو ثاني أكسيد التيتانيوم وهتلاقيهم في المخصص للأطفال
- أما البشرة الدهنية ضروري يكون فيه مادة الساليسيلات لأنها ألطف على البشرة خاصة لو فيها حبوب وغني بالميا
- لو بشرتك جافة استخدم واقي غني باللانولين والزيوت ومادة دايميثيكون عشان يكون مرطب وعادة بيظهر في شكل كريم أو غسول
- اختار نوع مناسب لدرجة لون بشرتك واعرف إن البشرة الفاتحة أحسن تسخدم واقي فيه عامل الحماية SPF 30 أو أكتر أما البشرة الداكنة أحسن يكون SPF 15 أو أكتر
طريقة الاستخدام الصحيحة
- اغسل بشرتك بغسول مناسب عشان تتخلص من أي أوساخ وبشرتك تستفيد من كريم واقي الشمس
- السيدات ضروري تتأكد من التخلص من أي بواقي للميكب قبل وضع الكريم
- استخدم مرطب على بشرتك واستني 10 دقايق قبل وضع الصن بلوك عشان البشرة تتشربه صح
- حط كمية مناسبة عشان تحصل على أفضل استفادة وضيف مقدار معلقة صغيرة للوجه ومقدار معلقتين كبار للجسم
- ادهنه على باقي مناطق الجسم المعرضة للشمس زي الإيدين والذراعين وخلف الرقبة والأذن والساقين والقدمين
- تجنب فرده بشكل دائري والأحسن تحرك أصابعك بشكل مستقيم وباتجاه واحد
- تجنب التعرض للشمس قبل 15 – 20 دقيقة من وضع واقي الشمس عشان تتأكد من امتصاص البشرة للصن بلوك وبالتالي توفير أعلى درجة حماية
فوائد استخدام صن بلوك في البيت
- أشعة الشمس بتنقسم لنوعين: (UVA) مرتبطة بظهور التجاعيد والتصبغات وأضرار التعرض للشمس التانية
- وأشعة (UVB) أقوى وبتقدر تدمر خلايا الجلد وبتسبب حروق الشمس ومرتبطة بمعظم حالات سرطان الجلد
- الإزاز في البيت/ المكاتب مخصص لمنع معظم أشعة (UVB) ولكن مش بيمنع أشعة (UVA) وبالتالي التعرض للشمس داخل المنزل من الشبابيك بيزوّد فرص امتصاص جسمك ليها وتأثيرها السلبي عليك وبيعلي نسبة الإصابة بسرطان الجلد أو تصبغات البشرة
- استخدم واقي شمس على المناطق الواضحة من جسمك زي الوجه والإيد والرقبة والأذن وجدده كل ساعتين لأن فاعليته بتقل
أضرار استخدام صن بلوك منتهي الصلاحية
- التعرض للشمس بانتظام بيزود فيتامين D المهم للعظام وبناء الجسم وبيفرز هرمون السيروتونين اللي بيحسن المزاج وبيقوي التركيز
- لكن دراسات كتير بتقول إن التعرض المباشر والمستمر لوقت طويل ليها بدون حماية من أشعتها مضر
- بيسبب الالتهابات اللي مممكن توصل للحروق وبيقلل من فيتامين A ومع الوقت بيزود فرص الإصابة بسرطان الجلد وبيسرع ظهور التجاعيد
- الواقي من الشمس بيحميك من الأشعة الضارة خاصة الفوق بنفسجية
- لكن وقت انتهاء صلاحيتها بتفقد قدرتها على حماية البشرة من أي ضرر
- المركبات الكيميائية اللي فيها بتقل فاعليتها وخصوصًا لو متخزن في درجة حرارة عالية وممكن تتفاعل مع الجلد بشكل خاطيء فيسبب التهاب واحمرار
- طريقة التخزين ممكن تسرع إفساده قبل حتى انتهاء الصلاحية
- تغير ريحته أو فقدانه للزوجته هي العلامات اللي بتنبهك إنه غير صالح للاستخدام
- الأحسن تخزنه في مكان درجة حرارته منخفضة
الاستفادة من أشعة الشمس بطريقة صحية
- استخدم واقي الشمس بعد التعرض ليها مش قبل عشان بيقلل امتصاص الجسم لأشعة الشمس
- أفضل وقت للتعرض ليها بعد الشروق لمدة ساعتين وقبل الغروب بساعتين وبتتراوح المدة من 5 دقايق لحد 30 دقيقة
- تجنب إطالة المدة زيادة عن اللزوم أو التعرض ليها وقت الظهيرة ومهم كشف الذراعين والأماكن اللي فيها مفاصل عشان تزود امتصاص فيتامين D
- التعرض ليها من الإزاز بيقلل الاستفادة منها والأفضل التعرض المباشر ليها وحاول تعمل ده مرتين في الأسبوع عشان تستفيد من فيتامين D بشكل طبيعي
