الخبز ليه حيل مختلفة هتساعدك على تجنب الأخطاء اللي ممكن تقع فيها وتطلع بأفضل نتيجة، والدراسات مؤخرا أثبتت إن ليه فوائد نفسية وبيساعد على التخلص من الغضب.
حيل الخبز المختلفة
- اقرا المكونات والخطوات من الأسفل للأعلى قبل ما تبدأ عشان تتأكد إنك جهزت كل حاجة
- لو وقعت قشر بيض في الخليط.. استخدم نص قشر البيضة التاني عشان تشيلها
- استخدم الزبدة غير المالحة في الخبز عشان تتجنب تغير طعم المكونات
- خرج البيض في درجة حرارة الغرفة قبله بنص ساعة عشان الكيك تعلى وتكون هشة أكتر
- لو وصفة الكوكيز فيها ملح قبل دخولها الفرن.. ضيفه أسفل الكوكيز عشان تأثيره يكون خفيف
- حط مكعبات تلج ومياه باردة في أكياس بلاستيك وسيبها على الرخامة مدة قبل فرد الفطيرة عليها لتجنب التصاقها
- لو بتعمل كوكيز على أكتر من مرة في نفس الوقت.. حط العجينة في الفريزر عشان تكون سهلة التشكيل قبل الخبز
- غلف صينية الكيك بطبقة بقسماط خفيفة مع الزبدة لمنع لصقها وسهولة تخريجها من الصينية
- لو السكر البني خلص.. اخلط معلقتين كبار عسل أسود لكل كوب سكر أبيض
- اغمس قطاعات أشكال الخبز في دقيق قبل استخدامها مع العجينة لتسهيل تشكيلها
- لو الوصفة محتاجة موز مستوي.. حطه على ورقة زبدة في صينية ودخله الفرن لمدة نص ساعة
- لو نسيت تطلع البيض من التلاجة.. حطه في مياه دافية عشر دقايق قبل استخدامه
- عشان الفطاير تكون مقرمشة ومظبوطة.. ابشر الزبدة على الجبنة وضيفها للخليط
- لو محتاج سكر بودرة.. اطحن كوب سكر أبيض مع معلقة كبيرة نشا وانخله
- لو هتقطع العجين لأشكال متساوية.. لف حواليه خيط الأسنان عشان يتقطع بشكل متشابه
- لو هتعمل كريمة مخفوقة.. حط الأدوات والوعاء اللي هتعملها فيه في التلاجة الأول عشان تكون غنية أكتر
- عشان الكيك يكون مظبوط.. اخبط الصينية على الرخامة أكتر من مرة عشان فقاعات الهواء تطلع لسطحها
- لو عايز تعمل كوكيز.. اخلط نص كوب زيت مع بيضتين وعلبة خليط كيك جاهز
فوائد الخبز للصحة النفسية
- دراسة جديدة أثبتت إن الخبز بيقلل الإحساس بالضغط والقلق الزايد عند الأشخاص
- استطلاع رأي في أسكتلندا أثبت إن نسبة الشعور بالقلق زادت الفترة اللي فاتت ولجأ 60% منهم للخبز
- دونا بينكوس أستاذة علم النفس في جامعة بوسطن قالت إنه بيسمح للناس يعبروا عن نفسهم بشكل مبتكر وإنه زي الرسم وعزف الموسيقى في تفريغ التوتر والشعور بالراحة وانتظار نتيجة حلوة
- وإن ليه تأثير علاجي عشان بيساعد في تشتيت الذهن عن الأفكار السلبية والتركيز في الوصفة ومقاديرها
- (Pie Therapy) هي حصة لمجموعة من الناس بيعملوا فيها فطيرة وليها أبعاد علاجية وبتبدأ بجلسة علاج جماعي وكل واحد يقول هو ليه بيحضر ومتوقع يستفيد إيه
- وبعدين كل شخص بياخد وصفة فطيرة معينة مكتوبة وبينفذها وبيعبروا عن مشاعرهم في استراحة
- النوع ده من النشاط الجماعي بيستهدف اللي عايزين يسترخوا ويمارسوا شيء جديد ويقدروا من خلاله يشاركوا اللي حواليهم بمشاكلهم ويكتشفوا جوانب جديدة في نفسهم
- ومش مهيأ للناس اللي عندهم مشاكل نفسية محتاجة متخصص
- الخبز كمان ليه بعد عاطفي وهو انتظار فرحة الناس اللي هتاكل منه وتستمتع فهو طريقة إهداء بسيطة وجميلة وبتدل على الشعور بالتضامن والتعاطف أوقات التوتر
- سوزان وتبورن أستاذة علم النفس في جامعة ماساتشوستس قالت إنه طريقة مناسبة للناس اللي صعب تعبر عن مشاعرها
- وممكن يساعدك تحس بالتحسن والهدوء لمجرد إنك بتعمل حاجة حلوة لشخص تاني بتحبه
- الأخصائيين النفسيين قالوا إنه بيحفز عندك حواس الشم واللمس والتذوق والرؤية لما تشوف النتيجة وتحس بالإنجاز
