المحتويات
زيت الخردل بيستخرج من بذور نبات الخردل لإنتاج زيت حار واستخداماته متعددة في المطبخ الشرقي، بس ضروري تعرف إن فوائده أكتر في استخدامه للدهن على المناطق المصابة في الجسم لأنه بيسبب مشاكل خطيرة وقت اسخدامه في الطهي وهو من الزيوت ممنوعة من قبل إدارة الغذاء والدواء الأمريكية، خصوصًا النوع غير المصنوع من التقطير بالبخار.
فوائد زيت الخردل المتنوعة
- بيقتل البكتيريا الضارة وبعض أنواع الخمائر والفطريات اللي بتسبب عدوى خطيرة
- بيقلل الالتهابات خصوصًا التهاب الشعب الهوائية والالتهاب الرئوي وبيعالج التهاب المفاصل
- بيساعد على تخفيف آلام الجسم وبعض الدراسات بتقول إنه بيحفز الغدد العرقية وبالتالي بيساعد على انخفاض درجة الحرارة في الجسم وقت الإصابة بالحمى لأنه غني بمركبات كيميائية اسمها (الإيزوثيوسيانات)
- بيخفف حدة أعراض الأنفلونزا والبرد والسعال وآلام الصدر
أهميته في الوقاية من السرطان
- بعض التجارب أكدت إنه بيقلل فرص تفاقم أعراض سرطان القولون والمثانة لكن العلماء بيقولوا إن الموضوع محتاج تجارب أكتر لإثبات صحة الافتراضات دي خصوصًا إن أغلب التجارب كانت على حيوانات فقط
خطوات استخدامه لتخفيف الألم
- بتدهن كمية مناسبة من الزيت لتغطية المناطق المؤلمة في الجسم يوميًا
أضراره على الصحة
- بيعتبر زيت الخردل من الزيوت الممنوعة في دول كتير لأن زيت الخردل النقي بيحتوي على حمض اسمه الأيوريك ( Erucic Acid) له تأثير خطير على صحة القلب
- لكن بعض الأنواع المستخرجة من بذر الخردل عن طريق التقطير بالبخار ممكن استخدامها في الطعام ولكن بكميات محدودة
أهميته للشعر
- بيزوّد فرص تدفق الدورة الدموية للشعر وغني بالفيتامينات والمعادن والمركبات وأشهرها بيتا كاروتين اللي بيتحول لفيتامين أ المعروف بإنه فيتامين الجمال الضروري لنمو الشعر
- بيمنع جفاف الشعر وبيعالج تساقطه
طريقة استخدامه على الشعر
- بتدمجه مع زيوت تانية (زيت الزيتون وجوز الهند واللوز) بمقادير ثابتة وبعدها بتدلك الشعر بالزيوت دي (غالبًا بمقدار معلقتين) وبعدها بتغطي شعرك بكيس الاستحمام لمدة مش أقل من 30 دقيقة قبل غسله بالمياه والشامبو
- بعض الخبراء بينصحوا بإضافة نص كوباية حلبة على كوباية من زيت الخردل لمدة 12 ساعة وبعدها سخنه كويس ودلّك شعرك بيه بالطريقة المعتادة
