المحتويات
اضطراب الغدة الدرقية بيأثر على أجزاء مختلفة من الجسم، زي النشاط الجنسي والوزن وصحة الشعر، وبالتالي مهم تتابع تأثيرها على جسمك أثناء علاجها لتجنب المرور بمشاكل صحية.
العلاقة بين الغدة الدرقية والجنس
الهرمونات اللي بتفزرها الغدة بتأثر على معظم خلايا وأعضاء الجسم، وبتأثر على العلاقة الجنسية بأكتر من شكل زي:
- الألم أثناء ممارسة العلاقة الجنسية
- بسبب قلة رطوبة المهبل، السيدات بيحسوا بألم شديد وعدم راحة
- بتأثر على الدافع الجنسي عند الجنسين
الجسم بيفرز هرمونات تانية عند انخفاض هرموناتها وده بيسبب:
- انخفاض الرغبة الجنسية لأن خمولها بيسبب إفراز البرولاكتين في الدم
- خلل في توازن هرمونات الجسم بسبب تغيير مستويات الجلوبيولين المرتبط بالهرمونات الجنسية
- انخفاض قدرة الانتصاب عند الرجال وانخفاض تدفق الدم لمنطقة البظر عند السيدات
مشاكل القذف عند الرجال
مع اضطرابها، بتزيد احتمالية وجود مشاكل في القذف عند الرجال زي تأخر القذف عند الرجال اللي بيعانوا من قصور الغدة الدرقية وسرعة القذف عند الأشخاص اللي بيعانوا من فرط نشاطها
اضطراب الرغبة الجنسية قاصر النشاط
هو أحد المشاكل الجنسية اللي بتجمع بين اضطراب الغدة الدرقية والجنس وبيسبب أعراض زي:
- غياب الأفكار والتخيلات الجنسية
- غياب الرغبة الجنسية المطلقة
- عدم تقبل النشاط الجنسي بجميع أشكاله
اضطراب الغدة الدرقية والدورة الشهرية
ليها دور كبير في الصحة الإنجابية لأنها بتأثر بشكل مباشر على المبايض وبشكل غير مباشر على الجلوبيولين وهو بروتين مرتبط بالهرمونات الجنسية
اضطرابها بشكل عام بيأثر على انتظام الدورة الشهرية
قصور الغدة الدرقية
ليه تأثيرات على الدورة الشهرية زي نزيف الحيض الشديد والمتكرر أو غياب الدورة الشهرية
الحمل
- نقص هرموناتها ممكن يمنع الإباضة والإصابة بقصور فيها بيسبب بيخلي الحمل صعب
- الحوامل المصابية بيها أكتر عرضة للإجهاض في الـ3 شهور الأولى عن غيرهم
فرط نشاطها
بيسبب مشاكل زي:
- زيادة خطر الإجهاض أثناء الحمل
- قلة الخصوبة
- عدم انتظام الدورة الشهرية أو توقفها لفترة معينة
الغدة الدرقية وزيادة الوزن
ليها دور كبير في زيادة أو نقصان أو ثبات الوزن، فالأشخاص المصابة بخمولها بيعانوا من بطء التمثيل الغذائي وبالتالي بطء معدل حرق الدهون، وفي أعراض معينة تقدر تكتشف بيها لو زيادة وزنك سببها خمولها زي:
- لو بتصحى من النوم مرهق بدون مبرر
- آلام العضلات بسبب قلة الهرمونات اللي بتنتجها الغدة وبالتالي تأثر الأكل اللي بيدخل الجسم واستخلاص المعادن والفيتامينات منه بأفضل طريقة
- لو بتنسى بسهولة ومهاراتك بتقل بدون مبرر وإدراكك للأشياء العادية بقى صعب
- ارتفاع الكوليسترول الضار في الجسم
- انخفاض الرغبة الجنسية
- الاكتئاب والخمول وقلة الرغبة في ممارسة أي نشاط
الغدة الدرقية وصحة الشعر
فرط نشاط أو كسل الغدة بيأثر على صحة الشعر زي تساقطه أو ضعفه، وفي أعراض معينة تقدر تكتشف من خلالها إن تدهور صحة الشعر سببه اضطراب الغدة الدرقية مش مشكلة صحية تانية زي:
- لو تساقط الشعر في أماكن مختلفة من فروة الرأس مش مكان واحد
- بدأت المشكلة بعد اكتشاف إصابتك باضطرابها بشهور قليلة
- ضعف بصيلات الشعر بالرغم من عدم إصابتك بالأنيميا وانتظامك على نظام غذائي صحي