المحتويات
المغنيسيوم هو الرابع في أكتر المعادن المتوفرة في الجسم، ولا يمكن إنتاجه لكن بتحتاج لنظام غذائي أو مكملات غذائية لضبط مستواه والاستفادة بيه.
فوائد المغنيسيوم
الجسم بيحتاج على الأقل 100 ملجم يوميا لضبط مستواه، وفي علاقة بين نقصه وبين الإصابة بأمراض زي هشاشة العظام وارتفاع ضغط الدم وأمراض القلب وداء السكري
المغنيسيوم مهم لتفاعلات الجسم المختلفة
حوالي 60% منه موجود في العظام، والباقي موجود في العضلات والدم والأنسجة والسوايل
كل خلية من الجسم بتحتاجه عشان تعمل بشكل صحيح، وليه دور مساعد في أكتر من 600 تفاعل كيميائي لإنزيمات الجسم زي:
- إنتاج الطاقة: عملية تحويل الأكل لطاقة
- تكوين البروتين: بيساعد في عمل بروتينات جديدة من الأحماض الأمينية
- الحفاظ على الجينات: ليه دور في تكوين وإصلاح الجينات
- حركة العضلات: بيساعد على حركتها واسترخائها بشكل صحيح
- تنظيم الجهاز العصبي: بيساعد في تنظيم النواقل الصعبية
ليه دور في زيادة الأداء الرياضي
- أثناء ممارسة أي نشاط.. هتحتاج من 10-20% أكتر من المغنيسيوم عن وقت الاستراحة واحتياجك بيختلف حسب نوع النشاط
- بيساعد على نقل السكر للعضلات والتخلص من مادة اللاكتات اللي تراكمها بيسبب الشعور بالتعب
المغنيسيوم لمحاربة الاكتئاب
- ليه دور حيوي في تنظيم وظائف المخ والحالة المزاجية، فالمعدلات القليبة منه بتسبب اكتئاب أو زيادة فرص الإصابة بيه
- الانتظام عليه أثناء الإصابة بيقلل شدة الأعراض
مفيد للمصابين بداء السكري 2
- الدراسات أثبتت إن حوالي 48% من الأشخاص المصابة بداء السكري 2 بيعانوا من نقصه في الجسم، وده بيأثر على قدرة الأنسولين في التحكم في مستوى السكر في الدم
- دراسة تانية بتقول إن الأشخاص اللي بتعاني من نقصه معرضة أكتر للإصابة بداء السكري
المغنيسيوم لخفض ضغط الدم
الدراسات أثبتت إن تناوله بيخفض ضغط الدم، والتجربة كانت على الناس المصابة بارتفاعه لكن الأشخاص اللي مستوى الدم عندهم طبيعي لم يتأثروا بيه
ليه خصائص مضادة للالتهاب
- نسبته القليلة في الجسم مرتبطة بارتفاع مؤشرات الالتهاب، وهو السبب الرئيسي للسمنة والإصابة بالأمراض المزمنة والشيخوخة
- في دراسة على الأطفال اللي بيعانوا من نقصه في الجسم اكتشفوا إنها عندهم مؤشرات التهاب عالية مع ارتفاع معدل السكر في الدم والدهون الثلاثية
- الأطعمة الغنية بيه زي الخضار الورقي والشوكولاتة الغامقة بتساعد على تقليل التهاب الجسم
المغنيسيوم للوقاية من الصداع النصفي
- الصداع النصفي بيسبب أعراض مؤلمة وممكن تكون مزمنة زي الغثيان والحساسية للأصوات والنور وألم الرأس الشديد في الجانبين أو جانب واحد
- الدراسات بتقول إن الأشخاص اللي بتعاني منه بتكون عندها مستويات مغنيسيوم قليلة
- الانتظام عليه من الأطعمة أو المكملات الغذائية هيقلل الأعراض ومعدل تكرار نوبة الصداع
مفيد لمقاومة الأنسولين
- مقاومة الأنسولين واحدة من أسباب الإصابة بمتلازمة الأيض وداء السكري 2، وهو عدم قدرة العضلات وخلايا الكبد على امتصاص السكر من الدم
- الكمية العالية من الأنسولين المصاحبة ليها بتسبب خسارة المغنيسيوم أثناء التبول وبالتالي نقصه من الجسم بشكل عام
- ضبط مستواه في الجسم هيساعد على تقليل أعراض مقاومة الأنسولين وضبط مستوى السكر في الدم
المغنيسيوم والدورة الشهرية
- في فيتامينات كتير مهمة لمرحلة ما قبل الدورة الشهرية وأثنائها، لأنها بتساعد على تقليل آلام الجسم والتحكم في تدفق الدم
- المغنيسيوم بيساعد في تحسين المزاج وتقليل احتباس المياه في الجسم والشعور بالتعب
