فوائد العرقسوس: تقليل حموضة المعدة والوقاية من السرطان

فوائد العرقسوس متنوعة، لأنه غني بالعناصر الغذائية ومفيد للصحة، ولكنها بتنقسم لنوعين من الفوائد، الفوائد المحتملة وهي اللي معظم الدراسات أثبتتها، والفوائد غير المؤكدة وهي اللي دراسات إثباتها غير كافية.

فوائد العرقسوس الصحية 

• هو بيتكون من عدد كبير من المركبات، لكن المكون الأساسي والأكتر حيوية هو glycyrrhizin، وهو المسؤول عن الطعم الحلو للنبات
• المكون فيه خصائص مضادة للالتهاب، ومضاد للأكسدة وبالتالي الحماية من أمراض خطيرة زي أمراض القلب، وخصائص مضادة للبكتيريا

الفوائد المحتملة

فوائد العرقسوس لصحة الجلد

• العرقسوس فيه أكتر من 300 مركب، بعضها ليه خصائص مضادة للالتهاب والعدوى الفيروسية والبكتيرية
• الدراسات أثبتت إن مستخلص العرقسوس بيساعد في علاج مشاكل جلدية زي الإكزيما وحب الشباب

العرقسوس لتقليل حموضة المعدة وعسر الهضم

• العرقسوس بيستخدم لعلاج أعراض الحموضة وعسر الهضم
• دراسة أثبتت إن تناول مكملات العرقسوس الغذائية بجرعة 75 مجم مرتين يوميا بيحسن أعراض الحموضة وبيقلل معدل تكرارها
• بيساعد في علاج الارتجاع المريئي وحرقة المعدة
• تجربة على عدد صغير من الناس اللي بيعانوا من الحموضة أثبتت إن تناول العرقسوس يوميا على مدار سنتين فعال أكتر في علاج أعراضها عن أدوية الحموضة

فوائد العرقسوس للجهاز التنفسي

بيساعد في علاج مشاكل الجهاز التنفسي لأنه بيحفز إنتاج البلغم في المجاري التنفسية

بيستخدم في علاج آلام الحلق وتقليل أعراض نوبات الربو، ولكن الدراسات في النقطة دي محدودة

العرقسوس لعلاج قرحة المعدة

• قرحة المعدة عادة بيكون سببها الإصابة بالتهاب المعدة الناتج عن وجود جرثومة H-Pylori فيها
• دراسات قليلة أثبتت إن مستخلص العرقسوس بيقلل نشاط جرثومة المعدة في الجهاز الهضمي، وبيحمي الجسم من آثار الإصابة بقرحة المعدة

فوائد العرقسوس للوقاية من السرطان

• بسبب كمية مضادات الأكسدة والالتهاب الموجودة فيه، الدراسات أثبتت إن مستخلص العرقسوس فيه خصائص مضادة لأنواع معينة من السرطان
• فهو بيساعد على بطء نمو الخلايا السرطانية أو الوقاية منها في الجلد، الثدي، القولون، البروستاتا

فوائد العرقسوس للوقاية من تجاويف الأسنان

التجارب أثبتت إن تناول العرقسوس بيقلل البكتيريا المسببة لتجاويف وتسوس الأسنان

الفوائد الأقل احتمالا

• ممكن يساعد ضبط مستوى السكر في الدم
• تحسين صحة الكلى
• تقليل أعراض سن اليأس زي الهبات الساخنة
• المساعدة في إنقاص الوزن
• تناوله مع أدوية علاج فيروس سي ممكن يقلل انتشار الفيروس
• بيقلل مستوى الكوليسترول الضار في الجسم
• تقليل تقلصات الدورة الشهرية
• علاج قرح الفم
• الوقاية أو علاج الكبد الدهني
• علاج الكحة

محاذير تناول العرقسوس

الكميات البسيطة منه ومن مكملاته الغذائية آمنة، لكن استخدامه بكميات كبيرة أو بشكل مزمن بيسبب مشاكل صحية زي:

1. تراكم مادة Glycyrrhizin في الجسم واللي بتسبب زيادة الكورتيزول (هرمون التوتر) فيه
2. عدم اتزان في مستوى السوايل والشوارد في الجسم
3. تسمم العرقسوس، واللي ممكن يسبب فشل كلوي، توقف عضلة القلب، تجمع الماء في الرئة
4. تجنب العرقسوس لو بتعاني من مشاكل زي ارتفاع ضغط الدم، ضعف عضلة القلب، أمراض الكلى، انخفاض نسبة البوتاسيوم في الجسم
5. تجنبي تناول مكملات العرقسوس الغذائية وقللي كميات أكله أو شربه أثناء الحمل لأن بعض الدراسات أثبتت إنه بيأثر على تكوين الجنين، خاصة المخ
6. تجنبي تناوله أثناء فترة الرضاعة لنقص الدراسات عن آثاره على الطفل
7. ظهور أعراض زي:

• نقص البوتاسيوم
• ارتفاع ضغط الدم
• ضعف العضلات
• اضطراب ضربات القلب

تفاعل العرقسوس مع أدوية تانية

تجنب تناوله في حالة الانتظام على أدوية:

•  ضغط الدم
• مميعة الدم
• الكوليسترول
• مدرات البول
• مضادات الالتهاب اللاستيرويدية

الكمية المناسبة من العرقسوس

• العرقسوس موجود في أشكال مختلفة زي البودرة، المكملات الغذائية، شاي، جل موضعي
• لا توجد جرعة محددة مناسبة من العرقسوس، لكن منظمة الصحة العالمية نصحت بعدم زيادة الجرعة عن 100 مجم في اليوم