دريسنج السلطة: وصفات مختلفة بنكهات مميزة

دريسنج السلطة هو الصوص أو التتبيلة اللي بتضيفها على مكونات السلطة وبتعزز الطعم والمذاق، وبتختلف مكوناته على حسب نوع السلطة نفسه، لكن تنويعه بيساعدك تحصل على سلطة جديدة كل يوم، هنقولك أفكار مختلفة من المطابخ العالمية.  

دريسنج السلطة الفرنسي

•  مناسب للسلطات زي السلطة اليوناني والسلطة الخضراء

المكونات

• معلقة صغيرة مسطردة
• معلقتين كبار خل 
• 6 معالق كبار زيت زيتون 
• معلقة صغيرة سكر

الطريقة

•   في بولة.. اخلط المكونات بالمضرب اليدوي كويس 

الدريسنج الفرنسي الأحمر

• مناسب لكل أنواع السلطات

المكونات

• كوباية ونص زيت
• نص كوباية خل
• كوباية كاتشاب
• نص كوباية سكر
• بصلة مفرومة 
• معلقة صغيرة عصير ليمون 
• نص ملعقة صغيرة ملح
• معلقة صغيرة بابريكا

الطريقة

• في الخلاط الكهربائي.. حط المكونات كلها واخلطها كويس 
• وزع الخليط في برطمان محكم الغلق واحفظه في الفريزر

دريسنج الزبادي اليوناني رانش

• تقدر تستخدمه مع كل أنواع السلطات وتغمس فيه خضار (خيار/ جزر/كرفس) أو البيتزا أو الفراخ البانية أو البطاطس المحمرة

المكونات

• كوباية زبادي عادي/ يوناني
• معلقة صغيرة شبت مجفف 
• معلقة صغيرة بقدونس مجفف
• ملعقة صغيرة بودرة توم
• معلقة صغيرة بودرة بصل
• نص معلقة صغيرة ملح
• ربع معلقة صغيرة فلفل أسود
• معلقة كبيرة خل
• فص توم مفروم 

الطريقة 

•  في الخلاط الكهربائي.. اخلط كل المكونات مع بعضها
• ممكن تزود معلقة كبيرة أو اتنين مياه عشان تخفف الخليط
•  وزع الخليط في برطمان محكم الغلق واحفظه في التلاجة لمدة أسبوع

دريسنج التشيلي بالليمون

• ممكن تستخدم مع الفراخ أو الجمبري المتبل أو المشوي أو البانية وسلطات زي سلطة الفاصوليا الحمراء

المكونات

• 3 كوبايات ليمون
• كوباية ونص صويا صوص
• كوباية سكر
• نص كوباية زيت زيتون
• نص كوباية توم مفروم
• نص كوباية رقايق الفلفل الأحمر
• معلقة كبيرة بابريكا
• معلقة صغيرة كمون
• معلقة صغيرة ملح

الطريقة

• اخلط المكونات بالمضرب اليدوي كويس لحد ما يبقى خليط متجانس
• وزع الخليط في برطمان محكم الغلق واحفظه في التلاجة لمدة أسبوعين 

دريسنج المسطردة بالعسل

• ممكن تستخدمه مع كل أنواع السلطة أو تغمس فيه ستريبس الفراخ أو الناجتس أو على اللحمة المشوية أو البطاطس المحمرة

المكونات

• ربع كوباية عسل أبيض
• ربع كوباية مايونيز
• ربع كوباية مسطردة
• معلقة كبيرة خل
• ربع معلقة فلفل أسود

الطريقة 

• اخفق المكونات كلها بالمضرب اليدوي لحد ما يبقى خليط ناعم
• احفظه في برطمان محكم الغلق لمدة أسبوع في التلاجة

دريسنج السلطة الإيطالي 

•   ممكن يستخدم مع سلطات المكرونة أو اللي بتحتوي على خضار ورقي  وكمان تتبيل الفراخ أو السمك 

المكونات

• تلت أربع كوباية زيت زيتون
• معلقة صغيرة بودرة توم
• ربع كوباية خل
• نص معلقة صغيرة بودرة بصل
• معلقة صغيرة زعتر مجفف 
• رشة صغيرة شطة
• معلقة صغيرة ريحان مجفف
• تلت أربع معلقة صغيرة ملح
• ربع معلقة صغيرة فلفل أسود
•  عصير حبة ليمون
• ربع كوباية جبنة بارميزان مبشورة
• معلقتين كبار عسل أبيض

الطريقة

• اخلط المكونات كلها في بولة عميقة لحد ما يبقى خليط ناعم
• وزع الخليط في برطمان محكم الغلق واحفظه في التلاجة لمدة أسبوع

دريسنج السلطة بالخل البلسميك

• ممكن تستخدمه مع كل أنواع السلطات و تتبيل اللحمة

المكونات

• نص  كوباية زيت زيتون
• نص معلقة صغيرة ملح
• معلقتين صغيرين مسطردة
• نص  كوباية خل بلسمك
• معلقة كبيرة عسل أبيض
• فص توم مفروم
• ربع معلقة فلفل أسود

الطريقة

• اخفق المكونات كلها بالمضرب اليدوي 
• وزع الخليط في برطمان محكم الغلق وفي التلاجة لمدة أسبوع 

دريسنج السلطة بالسمسم والجنزبيل

• ممكن تستخدمه مع تتبيل السلطات والنودلز الآسيوية

المكونات

• تلت كوباية زيت زيتون 
• معلقتين كبار زيت سمسم
• ربع كوباية خل أرز
• فص توم مفروم 
• معلقتين كبار صويا صوص
• معلقة كبيرة عسل أبيض
• معلقتين كبار جنزبيل مبشور أو مجفف

الطريقة

•  خفق كل المكونات في طبق عميق بالمضرب اليدوي
• احفظه في برطمان محكم الغلق في التلاجة لمدة أسبوع 

دريسنج السلطة بالأعشاب 

• ممكن تستخدمه مع سلطات المكرونة والبنجر 

المكونات

• معلقة كبيرة خل 
• كوباية زيتون أخضر منزوع البذر
• نص كوباية زيت زيتون 
• معلقة صغيرة سكر 
• ربع كوباية بقدونس مفروم
• معلقة كبيرة نعناع مفروم

الطريقة

• اخلط كل المكونات في الخلاط الكهربائي
• احفظها في برطمان محكم الغلق لمدة أسبوع