صحة
فوائد الحمص: يقي من ارتفاع ضغط الدم ويحسن الهضم
إزاي الحمص بيقي من الكوليسترول الضار ومفيد لللقلب؟
المحتويات
فوائد الحمص متعددة، لأنه مصدر غني بالألياف والكربوهيدرات والبروتين، ومجموعة من الفيتامينات المهمة زي فيتامين ب9 والحديد والفوسفور، وتقدر تاكله بطرق مختلفة بشكل منفصل أو مع مكونات تانية.
العناصر الغذائية للحمص
كل كوب (164 جم) منه فيه:
- 4.2 جم دهون
- 14.4 جم بروتين
- 44.7 جم كربوهيدرات
- 12.5 جم ألياف
- 80.4 مجم كالسيوم
- 4.7 مجم حديد
- 78.7 مجم ماغنيسيوم
- 274 مجم فوسفور
- 474 مجم بوتاسيوم
- 2.5 مجم زنك
- 6.1 مجم سيلينيوم
- 0.6 مجم نحاس
- 2.1 مجم فيتامين سي
- 69.7 مجم كولين
- 26.2 ميكروجرام بيتا كاروتين
- 0.6 مجم فيتامين هـ
- 6.6 ميكروجرام فيتامين ك
- 267 سعر حراري
فوائد الحمص لسد الشهية
- البروتين والألياف في الحمص بيساعدوا على سد الشهية، لأنهم بيبطأوا عملية الهضم وبيطولوا فترة الشبع
- الانتظام على أكله مع الوجبة الأساسية أو كوجبة خفيفة بين الوجبات بيساعد في تقليل مجمل السعرات الحرارية اللي بتاكله على مدار اليوم
الحمص مصدر للبروتين النباتي
- مناسب للأشخاص النباتية، وكمية البروتين اللي فيه مماثلة لكمية البروتين اللي في باقي البقوليات زي العدس والفاصوليا
- البروتين بيساعد في الحفاظ على الوزن وصحة العظام وبناء العضلات
- بعض الدراسات أثبتت إن نوع البروتين في الحمص أفضل من النوع اللي موجود في باقي البقوليات، ولكن ينقصه حمض أميني مهم اسمه Methionine
- وبالتالي مهم تجمع الحمص مع مصادر تانية للبروتين النباتي عشان جسمك ياخد كل الأحماض الأمينية اللي محتاجها
الحمص لإنقاص الوزن
- قليل السعرات الحرارية وبالتالي فهو مناسب كوجبة خفيفة بين الوجبات الأساسية
- مصدر غني بالبروتين والألياف اللي بتساعد على إنقاص الوزن
- دراسة أثبتت إن الأشخاص المنتظمة على أكله قل عندهم معدل الدهون في الجسم ومحيط البطن عن غيرهم
- دراسة تانية أثبتت إن تناول حصة من البقوليات يوميا بيزود معدل فقدان الوزن بحوالي 25%
فوائد الحمص للتحكم في مستوى السكر في الدم
- مؤشر الجلايسيمي للحمص منخفض (هو المؤشر بيقيس مدى تأثير الأطعمة اللي فيها كربوهيدرات على مستوى السكر في الدم)
- مصدر غني بالبروتين والألياف اللي ليهم دور كبير في التحكم في مستوى السكر في الدم
- الألياف بتبطأ امتصاص الكربوهيدرات في الجسم وبالتالي بتقلل ارتفاع مستوى السكر في الدم المفاجيء الناتج عن أكل الكربوهيدرات
- دراسة أثبتت إن الأشخاص اللي تناولوا 728 جم من الحمص أسبوعيا حصل عندهم تغيير ملحوظ في نتايج السكر الصايم
- دراسات متعددة أثبتت إنه بيقلل خطر الإصابة بأمراض خطيرة زي أمراض القلب وداء السكري
فوائد الحمص للهضم
- غني بالألياف القابلة للذوبان واللي ليها دور مهم في تحسين الهضم وبتزود نسبة البكتيريا النافعة في المعدة
- وبتساعد على الوقاية من نمو البكتيريا الضارة، وبتقلل خطر الإصابة بمتلازمة القولون العصبي وسرطان القولون
- دراسة أثبتت إن الانتظام على تناول الحمص بيحسن عملية الهضم وحركة الأمعاء
الحمص للوقاية من الأمراض المزمنة
أمراض القلب
- غني بمعادن وعناصر غذائية مهمة زي الماغنيسيوم والبوتاسيوم، وهي عناصر مفيدة لصحة القلب
- بيساعد على الوقاية من ارتفاع ضغط الدم وهو سبب أساسي للإصابة بأمراض القلب
- الألياف القابلة للذوبان بتقلل الكوليسترول الضار والدهون الثلاثية في الجسم، واللي بتعلي خطر الإصابة بأمراض القلب
السرطان
- الحمص بيحفز إنتاج الـButyrate، وهو حمض دهني اللي الدراسات أثبتت إنه بيقلل التهاب خلايا القولون وبالتالي الوقاية من الإصابة بسرطان القولون
- هو مصدر لمكون الـSaponins وهي مركبات نباتية بتقي من نمو الخلايا السرطانية
- غني بفيتامينات ب اللي بتساعد على الوقاية من سرطان الرئة والثدي
داء السكري
- البروتين والألياف اللي فيه بتساعد في التحكم في مستوى السكر في الدم وبيبطأ امتصاص الكربوهيدرات وبالتالي ارتفاع مستوى السكر بشكل تدريجي
- غني بعناصر غذائية وفيتامينات زي الزنك والماغنيسيوم وفيتامين ب اللي ليهم دور في الوقاية من داء السكري
فوائد الحمص للعظام
فيه نسبة جيدة من الكالسيوم والحديد اللي بيساعدوا في الحفاظ على صحة العظام ومهمين لبناء العضلات والوقاية من هشاشة العظام
فوائد الحمص لصحة العقل
غني بمكون الكولين وهو مفيد لصحة العقل والجهاز العصبي، وليه دور في التحكم في الحالة المزاجية والعضلات والقدرة على التعلم والذاكرة
الحمص لعلاج الأنيميا
غني بالحديد وكمية متوسطة من فيتامين سي اللي بيساعد على امتصاص الحديد بشكل أفضل في الجسم
