المحتويات
علاج سرعة القذف اللي بتحصل لما بيقذف الرجل المني بسرعة أكتر من رغبة شريكته أثناء العلاقة الجنسية أو في مراحلها الأولى وتحديدًا بعد الإيلاج مباشرة بمدة بسيطة، ومهم علاجها بدري لأن تأثيرها بينعكس على العلاقة والحالة النفسية للرجل أو لشريكته.
تعريف سرعة القذف
- عوامل نفسية وبيولوجية بتزوّد مشكلة سرعة القذف عند الرجال
- وهي وصول الرجل لذروة الجماع (قذف السائل المنوي) بعد الإيلاج مباشرة أو حتى قبله بمدة
- بتتسبب في علاقة جنسية محبطة للطرف التاني وبينعكس تأثيرها على الرجل وبتقلل ثقته في نفسه
- دراسات كتير بتقول إنها مشكلة شائعة بتحصل لحوالي 30% أو 40% من الرجال في العالم
- تقرير لجمعية المسالك البولية الأمريكية بتقول فيه إن المشكلة بتصيب 1 من كل 5 رجال في العالم عمرهم بين 18 لـ 59 سنة
الأعراض
- العجز عن تأخير القذف لأكتر من دقيقة واحدة بعد الإيلاج (الزمن الطبيعي بين الإيلاج والقذف حوالي من دقيقتين لـ 10 دقايق)
- القذف قبل الإيلاج مباشرة لمجرد حدوث تلامس جنسي بين الطرفين
- بتحصل سواء في أول علاقة جنسية وبتستمر سواء مع نفس الشريك أو غيره
- بتتطور أحيانًا بعد علاقات جنسية متعددة طبيعية بدون حدوث قذف مبكر
- دراسات بتقول إن القذف المبكر في وقت غير محبب لطرف واحد أو الاتنين وبينتج عنه قلة الاستمتاع بالعلاقة الجنسية بيتصنف على إنه سرعة قذف
الأسباب
- بعض الصفات الوراثية
- اضطراب المواد الكيميائية في الدماغ والهرمونات في الجسم
- عدوى فيروسية أو بكتيرية بتصيب البروستاتا والجهاز البولي
- اضطرابات في مستويات الغدة الدرقية أو البروستاتا أو الجهاز العصبي المركزي
- بعض المشاعر السلبية اللي بتطور في صورة اكتئاب وقلة الثقة في النفس وعدم الإعجاب بالشكل (سواء عدم إعجاب الرجل بجسمه أو قلة استمتاعه مع الطرف التاني)
- الشعور بالذنب بيشجّع العقل اللاواعي على القذف المبكر للانتهاء من الممارسة في أسرع وقت
- القلق والخوف المستمر من سرعة القذف أثناء العلاقة
- بعض المشكلات الشخصية بينك وبين شريكتك
- ضعف الانتصاب والرغبة في الوصول لانتصاب كامل بيسبب قذف مبكرة بعد الوصول للانتصاب المطلوب أو حتى جزء منه
مضاعفات تأخر علاج سرعة القذف
- تأخر الإنجاب بيحصل أحيانًا في بعض حالات سرعة القذف بسبب عدم القدرة على القذف الكامل داخل المهبل وبالتالي بتقل فرص التخصيب
- بتسبب ضغط نفسي شديد على الرجل وبتضعف ثقته في نفسه
- بتزيد المشكلات العاطفية بين الرجل وشريكته وبتضطرب العلاقة الشخصية بينهم
علاج سرعة القذف
- استشارة أطباء متخصصين ضروري لعلاج سرعة القذف
- أغلب البرامج العلاجية بتجمع بين العلاج النفسي والدوائي بجانب بعض التدريبات الجنسية اللي بتحصل خلال بداية العلاقة
- الخبراء أكدوا إن بعض الأدوية بتساعد على تأخير سرعة القذف رغم وظيفتها الأساسية زي:
- أمانتادين (Amantadine) وهو دواء مضاد للفيروسات
- بوسبيرون (Buspirone) لعلاج أمراض الرهاب والاكتئاب
- سيبروهيبتادين (Cyproheptadine) وهو من مضادات الهيستامين اللي بتعالج الحساسية
- بعض الأطباء بينصحوا بأنواع محددة من مخدر موضعي زي البنزوكايين (Benzocaine) أو بريلوكايين (Prilocaine) عن طريق وضعه على العضو الذكري قبل العلاقة الجنسية بـ 15 دقيقة
- كريم إملا (Emla) بيحتوي في مادته الفعّالة على مخدر موضعي بيقلل سرعة القذف
- الباروكستين (Paroxetine) من أدوية علاج الاكتئاب بيساعد علي تأخير القذف
تمارين علاج سرعة القذف
- بعض الخبراء بينصحوا بتمارين يتشاركها الرجل مع شريكته عشان يأخر القذف
- بداية العلاقة الجنسية بشكل طبيعي واستثارة القضيب لحد ما يحس إنه على وشك القذف
- وقتها بيحاول يمنع نفسه قدر المستطاع وبتضغط شريكته على القضيب في المنطقة بين الرأس وجسم القضيب لمدة ثواني معدودة وبعدها تركه والاستمرار في الضغط أكتر من مرة
- بيتمرّن الرجل على التحكم في نفسه ومنع القذف قدر المستطاع
- أحيانًا بتفشل المحاولات الأولى ولكنها بتنجح مع التكرار
- بعدها بيقدر يوصل الرجل لمرحلة الإيلاج للعضو الذكري داخل المهبل بدون قذف سريع
- بعض أنواع الأوقية الذكرية بتقلل حساسية القضيب وبالتالي بتقلل فرص القذف السريع
- تمارين تانية ممكن يمارسها الرجل لوحده وقت التبول وهي بتتسمى بشد عضلات الحوض
- عن طريق محاولة التوقف عن التبول خلال عملية خروج البول لمدة 3 ثواني وبعدها يستمر في التبول من جديد
- بعض الأطباء بينصحوا بتكرار التمرين 3 مرات لكن ضروري تستشير طبيب متخصص قبل أي تمرين أو دواء
