المحتويات
علاج الزغطة شائع بطرق معينة زي شرب المياه أو تناول خبز، وبتعتبر من الحاجات اللي بنمر بيها كلنا سواء بعد الأكل أو مجهود كبير بدون سبب واضح لكن في الحقيقة فيه بعض العوامل اللي ممكن تزوّد فرص الإصابة بيها وبعض الطرق اللي ممكن بسهولة تعالجها وفي أسرع وقت.
تعريف الزغطة
- هي انكماش مفاجيء لا إرادي في عضلة الحجاب الحاجز (وهي العضلة الفاصلة بين الصدر والبطن)
- بيحصل أحيانًا انقباض شديد في العضلة دي بينتج عنّه إغلاق مفاجيء للأحبال الصوتية
- بتستمر لمدة صغيرة عند أغلب الناس ولكن في بعض الحالات النادرة ممكن تستمر لمدة طويلة بتوصل لشهور
- الخبراء بيأكدوا إنها بتظهر مع وجود تقلبات في درجة الحرارة المحيطة أو نتيجة للانفعال العاطفي المفاجيء سواء الفرح أو الحزن الشديد
- بيحصل اضطراب في المسارات العصبية اللي بتمتد من الدماغ للحجاب الحاجز وبتزيد فرص حدوث الزغطة
أسباب الزغطة
- تناول الأكلات الحارة
- الإفراط في شرب المياه الغازية بسرعة خصوصًا بعد مجهود كبير أو أثناء تناول الطعام
- تناول الطعام بسرعة أو بلعه بدون مضغه جيدًا
- ارتجاع أحماض المعدة
- ابتلاع جزء كبير من الهواء
- شرب المياه بعد الجري لمدة طويلة مباشرة بدون فترة راحة
- المفاجآت خصوصًا وقت الفزع من موقف مفاجيء زي سماع أصوات طلقات النيران أو الشعور بخطر وتهديد محتمل بيزوّد فرص الإصابة بيه
طريقة علاج الزغطة
- غير طريقة تنفسك وعد من 1 لـ5 بالراحة في الشهيق وعد تاني في الزفير
- خد نفس عميق واكتمه من 10- 20 ثانية بعدين طلعه بالراحة وكرره أكتر من مرة
- غطي فمك وأنف بكيس ورق واتنفس جواه بالراحة وتجنب الأكياس البلاستيك
- اقعد في مكان مريح وضم ركبتك على منطقة الصدر لمدة دقيقتين
- وطي أو ميل جسمك لقدام عشان تضغط على منطقة الصدر
- اضغط على الحجاب الحاجز عشان تفصل بين المعدة والرئة فيسترخي
- سد مناخيرك وإنت بتبلع المياه
- مدد جسمك ولف راسك ناحية الشمال واعمل مساج للشريان السباتي في الناحية اليمين من رقبتك لمدة 10 ثواني
- اشرب كوباية مياه متلجة أو كوباية مياه دافية مرة واحدة بدون ما تتنفس
- اتغرغر بمياه متلجة لمدة 30 ثانية وبعدها كُل معلقة مليانة عسل أو زبدة فول سوداني
- مص نص ليمونة وبعدين مضمض فمك عشان تتخلص من أضرار حمض الليمون على أسنانك
- مهم تتناول معلقة سكر وسيبها على لسانك لمدة 5- 10 ثواني وبعدين ابلعها
- ادعك خلف الرقبة عشان ده ممكن يحفز العصب الحجابي
عوامل خطر استمرار الزغطة لمدة طويلة
- التهاب الحلق والحنجرة
- الارتجاع المعدي المريئي
- تضخم الغدة الدرقية
- اضطراب في الجهاز العصبي المركزي
- التهاب الدماغ
- مؤشر مبكر للإصابة بسكتة دماغية أو الإصابة ببعض الأورام
أدوية علاج الزغطة المزمنة
- أحيانًا الزغطة بتستمر لمدة طويلة بتوصل لشهور، وبالتالي بعض الخبراء حددوا بعض الأدوية اللي ممكن تساعد في علاجها زي:
- باكلوفين (Baclofen)
- كلوربرومازين (Chlorpromazine)
- ميتوكلوبراميد (Metoclopramide)
- وبعض أنواع مرخيات العضلات زي:
- الكلورزوكسازون (Chlorzoxazone)
- ميثوكاربامول (Methocarbamol)
- افتكر إنك لازم تستشير طبيب متخصص قبلها وبلاش تتناول أي دواء بناء على وصفة شخص مش متخصص
