المحتويات
علاج الخمول والتعب والرغبة الشديدة في النوم ضروري لأن الاستغراق فيه لمدة طويلة بيعطل الشخص عن أداء مهامه وشغله، وبيقلل فرص التفاعل مع الآخرين والتقدم في الحياة واكتساب خبرات حياتية مهمة لبناء الشخصية والنجاح في المستقبل.
أسباب الخمول
- دراسة في جامعة فاندربيلت الأمريكية بتقول إن كمية الدوبامين اللي بيفرزها المخ هي اللي بتحفز الشخص للنشاط أو الخمول
- إفراز الدوبامين بكميات كبيرة في المخ هو اللي بيزود إحساس الشخص بالمكافأة وقيمة الشيء اللي بيعمله، وبالتالي بيزيد حماسه ونشاطه أنه يشتغل وينتج أكتر
- الشخص النشيط بيستمتع بالحركة وبيحس بالضيق وبتظهر أعراض توتر واكتئاب عليه لو قل نشاطه الجسدي لظروف قهرية
- بعض الدراسات بتقول إن الكسل مرتبط بالجينات عند مجموعة معيّنة من البشر، ولكن الافتراض ده بيحتاج دراسات أكتر عشان تأكد صحته
- نظام الأكل الغني بالسعرات وقلة الحركة بيساعدوا العوامل الجينية وبتزيد فرص الكسل
- الاستسلام للأمر الواقع وعدم السعي لتحسين الأوضاع نتيجة التربية المرفهة أو اليأس عن تحسين أوضاع معيشية صعبة
التفسير العلمي لزيادة فرص الخمول في الشتاء
- الدراسات بتقول إن برودة الطقس ونهار الشتاء القصير بيأثّر على مستويات هرمون النوم
- بتقل مستويات السيروتونين اللي دوره أساسي في الإحساس بالسعادة والاستمتاع وبالتالي بيحس الشخص بالاكتئاب والحزن
- بتضطرب مستويات هرمونات النوم زي الميلاتونين بين ارتفاع وانخفاض وبالتالي بتتأثر الساعة البيولوجية
- بينتج عنها عدم النوم لساعات كافية أحيانًا أو النوم لساعات طويلة في أيام تانية وفي الحالتين بيزيد الكسل
- بيحتاج الجسم لكميات أكل كبيرة عشان يولّد طاقة تعوّضه عن الإحساس بالبرودة
- لكن البعض بيتناول كميات أكبر من اللي جسمه محتاجها وبالتالي بيزيد وزنه وبتقل قدرته على الحركة والنشاط
- ظروف الطقس الصعبة زي الأمطار اللي بيترتب عليها زيادة الزحام بتقلل فرص ممارسة أنشطة مختلفة غير الشغل أو الدراسة
- بيميل البعض لقضاء الوقت في البيت سواء لظروف نفسية بسبب الاكتئاب الشتوي أو حتى لحماية أنفسهم من برودة الطقس
- الخبراء بينصحوا إن ممارسة رياضة بسيطة ولو في البيت بتقلل حدة الكسل في الشتاء مع الالتزام بتناول أكلات صحية غنية بالألياف
تأثير الخمول على الصحة والسلوك
- دراسات بتأكد إن تأثير الكسل على المخ كبير نتيجة قلة الحركة وقلة التواصل مع الآخرين بيقل حجم المخ خلال 20 سنة
- بيزوّد فرص الإصابة بأمراض مختلفة زي السكر والضغط والقلب وارتفاع نسب الكوليسترول وغيرها من الأمراض
- قلة التفاعل مع الآخرين نتيجة الكسل عن الاندماج معاهم بيولّد مشاعر سلبية زي الاكتئاب والاحباط وبتزيد فرص الانعزال عن الآخرين والوحدة
- دراسة في جامعة مونبلييه الفرنسية بتقول إن الكسل تأثيره ملحوظ على سلوك الإنسان وشخصيته وبيقلل من يقظة الضمير واللطف حتى مع أقرب الناس
- بيقلل فرص استعداد الشخص لتغيير معتقداته وأفكاره
- بتزيد الاستجابة العصبية للأمور مهما كانت تافهة وبتأثر على علاقاته وشغله
- دراسة تانية بتأكد إن محاولة استرجاع النشاط بتزوّد فرص التفكير العقلاني والقدرة على إتخاذ القرارات بثقة
- وبتزود الثقة في النفس ومهارات القيادة والتواصل مع مختلف الشخصيات بطريقة سلسة
علاج الخمول والتعب والرغبة الشديدة في النوم
- الموضوع معتمد على إرادتك الشخصية وقدرتك على مقاومة مشاعر الاستسلام والكسل
- حدد وقت تخلص فيه مهماتك واكتب المدة اللي بتشتغل فيها على مدار اليوم عشان تشوف إجمالي ساعات العمل خلال اليوم
- اكتب جدول مهام بورقة وقلم أو على الموبايل وخليه قدامك طول اليوم عشان تتشجع تنفذ أغلب خططك اليومية
- دراسة في جامعة كاليفورنيا بتقول إن تعدد المهام ( Multitasking) بيقلل نشاطك وبيقلل ثقتك في نفسك وبالتالي ضروري تلتزم بنشاط واحد بس خصوصًا في البداية
- خبراء كتير بيأكدوا إن مجرد ارتدائك لملابس مناسبة لنوع النشاط اللي هتعمله هتديك قوة واستعداد أكبر لممارسته
- ابني علاقة قوية مع أصدقاء بيشاركوك اهتماماتك عشان تقلل فرص الكسل وتتشجع على ممارسة اهتماماتك المختلفة
- دراسة أمريكية بتأكد إن الرياضة المعتدلة بتزود نشاط الشخص وإقباله على أداء أنشطة تانية سواء جسدية أو ذهنية
- حافظ على ساعات نوم كافية (مش أقل من 8 ساعات يوميًا) وثبّت مواعيد النوم الاستيقاظ عشان تحقق أكبر استفادة
- تحفيز نفسك بأنشطة بتحبها هيساعد تسترجع نشاطك لاستكمال ممارستها على أكمل وجه
- التزم بنظام غذائي غني بالألياف والبروتينات وقليل السعرات وقلل تناولك للحوم الحمراء قدر المستطاع وخلي أكتر من 50% من أكلك خلال اليوم ألياف وخضروات سواء نية أو مطبوخة
- ابعد عن السكر والموالح قدر المستطاع لأن الاتنين بيقللوا فرص نشاطك بعد الأكل بساعتين
- اعرف إن قدرتك على التخطيط ليومك الجاي وتحديد الأهداف القريبة والبعيدة هو أساس محاربة الكسل والخمول
- النوم لساعات طويلة ممكن يبقى بسبب مرض ضروري تكتشفه بدري عشان تعالجه وتستمتع بحياة نشيطة
