علاج الانيميا وأسبابها وطرق طبيعية للوقاية منها

علاج الانيميا ضروري لحالات فقر الدم اللي بتحصل لما بتقل كمية خلايا الدم الحمراء الضرورية لتوزيع الأكسجين على كل أعضاء الجسم ومهم تعرف أعراضها والنسب الصحيحة ليها بعد إجراء التحاليل عشان تقيّم الحالة صح وتعرف طرق العلاج سواء بالأدوية أو عن طريق طرق طبيعية.

تعريف الأنيميا

• هو الإحساس بالضعف والإجهاد نتيجة غياب خلايا الدم الحمراء المسؤولة عن حمل الأكسجين لكل أنسجة الجسم
• أحيانًا بيبقى إحساس مؤقت أو طويل المدى وبتدرج شدته من بسيط لقوي
• بتختلف أنواع الأنيميا حسب سببها لأنها ممكن تبقى نتيجة لبعض العوامل زي:
• نقص الفيتامينات 
• انخفاض نسبة الحديد 
• بعض الأمراض المزمنة زي السرطان والنقرس 
•  نتيجة لعوامل وراثية

أسباب الإصابة

• اعرف إن أنواع خلايا الدم داخل البلازما 3 أنواع:
• كرات الدم البيضاء اللي بتحارب أي عدوى
• الصفايح الدموية اللي بتساعد الدم على التخثر (التجلط) بعد الإصابة بجرح أو نزيف
• خلايا الدم الحمراء اللي بتوزّع الأكسجين على كل أعضاء وأنسجة الجسم
• خلايا الدم الحمراء بتحتوي على بروتين الهيموجلوبين الغنّي بالحديد اللي لونه أحمر، وده السبب في احمرار  لون الدم
• معظم خلايا دم جسم الإنسان بتتولد في نخاع العظم الموجود في تجويفات العظام الكبيرة في الجسم
• متوسط عمر خلية الدم من 110 لـ 115 يوم
• بيصاب الشخص بالأنيميا لما تتلف خلايا الدم الحمراء اللي بينتجها الجسم تحديدًا في نخاع العظم أو بتقل قدرته على إنتاج خلايا دم حمراء بشكل متكرر
• بتختلف الأسباب ولكن النتيجة بتبقى مشابهة وهي الإصابة بالأنيميا (فقر الدم)

أنواع الإصابة بالانيميا 

الثلاسيميا

• اضطراب دم وراثي بيسبب انخفاض الهيموجلوبين في الجسم عن مستوياته الطبيعية
• بتسبب تفاقم في أعراض التعب والإرهاق واصفرار الجلد ولون بول داكن
• بتحصل بسبب طفرات في الحمض النووي وبتتأثر بيها جزيئات ألفا وبيتا اللي بتكوّن الهيموجلوبين

فقر الدم اللاتنسجي

• حالة نادرة بتحصل لما بيعجز الجسم عن إنتاج خلايا دم جديدة
• بتحصل في أي سن وبتزيد الخطورة مع الوقت
• بتسبب اضطراب في ضربات القلب وضيق تنفس وشحوب الوجه

فقر الدم الناجم عن نقص الحديد

• بتقل كميات عنصر الحديد وبعض الفيتامينات في خلايا الدم الحمراء خصوصًا الفولات وفيتامين B9
• بيحصل بسبب ضعف امتصاص الحديد في الجسم وتحوّله للأمعاء الدقيقة
• أو بسبب نزيف كمية كبيرة من الدم المشبعة بالحديد
• بيزيد الخطر على السيدات خصوصًا الحوامل والأطفال والنباتيين والمتبرعين بالدم بصورة متكررة

فقر الدم المنجلي

• هو اضطراب وراثي بيتسمى خلايا الدم المنجلية وفيه بتقل كمية خلايا الدم الحمراء الصحيحة
• بتاخد خلايا الدم الحمراء شكل منجل أو هلال فبتلتصق بالأوعية الدموية وبتمنع وصول الأكسجين ليها
•  التصاق كرات الدم بالأوعية بيزود فرص الجلطات
• بتسبب التهابات وفيروسات بالجسم لأنها بتتلف الطحال وبتأخر البلوغ عند المراهقين 

أعراض الانيميا

• الإرهاق والضعف العام
• شحوب الجلد
• اضطراب ضربات القلب
• آلام الصدر
• برودة الأطراف (الإيدين والقدمين)
• الصداع
• ضيق التنفس 
• أعراض تانية أقل انتشارًا زي:
• الطفح الجلدي
• اصفرار الجلد
• نزيف الأنف
• ظهور كدمات بسهولة رغم عدم التعرض لأي إصابة
• تأخر البلوغ
• ضعف الرؤية
• انخفاض الوزن بسرعة بدون سبب
• ضعف في الذاكرة وتغيرات في الشخصية
• التهابات الأسنان والفم
• ضعف الشهية

المضاعفات 

• مشاكل القلب اللي ممكن توصل لفشله والإصابة بالنوبات القلبية
• زيادة فرص الإصابة بأمراض الأعصاب
• بيزيد التأثير على حالة الإدراك والتركيز وبيتفاقم ضعف التركيز
• بتقل القدرة على مكافحة الأمراض والفيروسات ومنها فيروس كورونا وبتتفاقم أعراض الإصابة بيه
• بتسبب مضاعفات خطيرة عند الحوامل ممكن ينتج عنها الولادة المبكرة
• ممكن تسبب وفاة خصوصًا مع الفقدان المفاجيء للدم نتيجة إصابة أو نزيف خطير

التشخيص للبدء في علاج الانيميا

• مهم تعمل تحليل صورة الدم الكاملة CBC وتتأكد من النسب الطبيعية لمكونات الدم خصوصًا الهيموجلوبين
• نسبته الطبيعية عند الرجال  4.35 لـ 5.65 ميكرولتر وعند السيدات 3.92 لـ 5.13 ميكرولتر
• أحيانًا بتحتاج لفحص الدم تحت الميكروسكوب لفحص حجم وشكل ولون الخلية لتشخيص الحالة بدقة

أهمية علاج الانيميا لحل مشكلة فقدان الوزن 

•  مستويات الحديد القليلة في الجسم بتسبب الشعور الدايم بالإرهاق وانخفاض الطاقة وبالتالي قلة القدرة على ممارسة الرياضة
•  الحديد مكون أساسي في الهيموجلوبين اللي بيدخل في تكوين خلايا الدم الحمراء ووظيفته ينقل الأكسجين والعناصر الغذائية للجسم
• بيعتبر مكون أساسي لعدد كبير من الإنزيمات المسؤولة عن ضبط معدل الإيض في الجسم
•  مخزون الحديد في الجسم ليه علاقة ببطء نزول الوزن أو ثباته لأنه مرتبط بوظايف كتير فيه
•  زي نقل الأكسجين من الرئتين لأنسجة الجسم وبالتالي ليه دور كبير في عملية الأيض اللي بتحتاج كمية كافية من الأكسجين
• دوره كبير في بناء الأنسجة الضامة وبعض الهرمونات وقلة وصول الأكسجين ليهم هيعطل عملية التمثيل الغذائي
• انخفاض الحديد بيسبب انخفاض الهيموجلوبين اللي بيأثر على صحة العضلات
• نقصه بيسبب صعوبة التنفس وعدم انتظام ضربات القلب والشعور بالتوتر والقلق والصداع الدايم بسبب قلة الأكسجين الواصل للجهاز العصبي
• بيأثر على نشاط الغدة الدرقية اللي بتسبب صعوبة في نقص الوزن

أدوية علاج الانيميا 

• لازم تستشير طبيب متخصص عشان تحدد سبب بدقة وبالتالي العلاج المناسب
• في أوقات كتير بيبقى العلاج بعض المكملات الغذائية اللي بتحتوي على فيتامين C ومكملات حمض الفوليك والحديد سواء شراب أو أقراص
• بعض علاجات الانيميا زي:
• فيروجلوبين (Feroglobin) شراب أو كبسول
• ثيراجران (Theragran)
• بعض الحقن زي:
•  يورونيميا (Euronemia)
• هيموجيت (Haemojet)
• سكروفير (Sacrofer)
• نيوروتون (Neuroton)
• بيتولفكس (Betolvex)
• بعض أنواع الأنيميا بتحتاج علاجات كيماوية خصوصًا لو مرتبطة بضعف في نخاع العظم

علاج الانيميا عن طريق تدخل جراحي

• بعض الحالات بتستدعي تدخل جراحي زي زراعة خلايا جذعية في نخاع العظم اللي بينتج خلايا الدم ومنها كرات الدم الحمراء
• بعض اضطرابات الدم بتسبب تضخم في الطحال بيستدعي استئصاله فورًا

علاج الانيميا بالأكل 

• اللحوم الحمرا والكبدة والقلب والدواجن مصادر أساسية للحديد وبعض المأكولات البحرية زي السردين والتونة والمحار 
• خلي وجبتك الرئيسية فيها خضار زي الملوخية والطماطم والفاصوليا بأنواعها
• اشرب عصير البنجر والرمان لأن فيهم حديد وحمض الفوليك
• أكل السمسم بانتظام بيزود نسبة الحديد في الجسم
• افتكر إن الخضار الورقي زي السبانخ غني بالحديد وركّز بعده على تناول مصدر لفيتامين C زي الفراولة
• التزم بتناول المكسرات زي الكاجو والحبوب زي بذور قرع العسل واللب السوري لأن فيهم نسبة حديد
• اهتم بتناول الأكلات الغنية بعنصر (البيتا كاروتين) زي الخوخ والفلفل الأحمر
• الزبيب والبلح فيهم حديد وفيتامين سي بيساعدوا على امتصاص الحديد أسرع في الدم
• الفاكهة المجففة غنية بالحديد زي التين والخوخ وبالتالي بتقلل أعراض فقر الدم
• ابعد عن المشروبات اللي بتمنع امتصاص الحديد زي القهوة والشاي 

الوقاية 

• اهتم بتناول البقوليات زي العدس والأكل الغني بالحديد زي الفواكه المجففة والورقيات الخضراء واللحم البقري
• ركّز على المكسرات خصوصًا الفستق والبسلة والفواكه وحافظ على وجبة متوازنة فيها نشويات سواء أرز أو مكرونة أو عيش لأن فيهم حمض الفوليك بكمية عالية
• الأطعمة الغنية بفيتامين C زي البرتقال أو الليمون وبعض الخضروات زي القرنبيط والطماطم والفراولة والبطيخ كلهم بيزوّدوا امتصاص الحديد
• ركّز على مكملات فيتامين B12 خصوصًا البقوليات والحبوب
• التزم بإجراء الفحوصات اللازمة خصوصًا صورة الدم الكاملة كل سنة
• استشير طبيب متخصص لو ظهرت عليك الأعراض عشان تلحق تعالجها من بدري