المحتويات
الابداع ضروري لتحقيق الأهداف في الحياة والتميّز والاختلاف عن الآخرين وبالتالي بتزيد الثقة بالنفس والرغبة في تحقيق النجاح، وعشان كده ضروري تعرف أهميته وطريقة تحقيقه بجانب الابتكار والفرق بينهم.
تعريف الابداع
- وفقًا للتعريف اللغوي فالإبداع معناه إنك تعمل حاجة ملهاش مثيل ومتميزة عن أي شيء ممكن يتقارن بيها
- هو عملية تحويل الأفكار الجديدة الموجودة في خيالك لشيء ممكن تطبيقه بشكل واقعي وملموس
- بيحصل عن طريق المزج بين طرق التفكير الجديدة وبين استغلال المعلومات والتجارب السابقة في تكوين شكل أو وجهة نظر مختلفة
أهمية الابداع
- بيزوّد ثقة الشخص في نفسه وبينمي إدراكه الشخصي وبيقدر يعرف نقاط قوته وضعفه بسهولة
- بيخلق فرص ومجالات مختلفة للعمل وبيطوّر من قدرة الشخص على مواكبة التغيرات والاطلاع على الجديد
- بيساعد على زيادة إنتاجية الشخص في عمله وبيقدر يحل المشكلات بسهولة وده بيترجّم لوظيفة أعلى بمرتب أكبر
- الدراسات بتأكد إن الإبداع بيقلل فرص الإصابة بالاكتئاب والقلق والتوتر وبيزوّد إفراز هرمونات السعادة في الجسم
- المبدع بيمر بمراحل كتير قبل الوصول لتصور كامل للمنتج النهائي، وفي أغلب المراحل بتصادفه تجارب كتير فاشلة
- وبالتالي بتزيد خبراته المتراكمة في المجال اللي بيبدع فيه بجانب إنه بيقدر يتحمّل الصدمات ويحوّلها لتجارب ملهمة
سبب وجود الإبداع عند بعض الأشخاص بنسب متفاوتة
- في استطلاع رأي عملته شركة أدوبي نتيجته كانت إن 8 من كل 10 مشتركين شافوا نفسهم مش مبدعين
- بيأكدوا إن ظروف الحياة بتعطّلهم عن التفكير بإبداع وبيركزوا فقط على الإنتاج
- رغم إن أغلب المديرين وأصحاب الأعمال بيبحثوا على المبدعين
- دراسة في جامعة ولاية كاليفورنيا بتعرّف الإبداع بإنه القدرة على توليد الأفكار وحل المشكلات بواسطة الاستخدام الأمثل للموارد المتاحة أو خلق بدائل جديدة
- جدل كبير بين الخبراء عن سبب وجود الإبداع بدرجات مختلفة بين البشر
- دراسة في جامعة مينيسوتا الأمريكية بتأكد إن أساسه البيئة اللي الإنسان بيعيش فيها وعاداته
- افتكر إن الجينات ليها دور ولكن الأساس هو المجهود اللي بيبذله الإنسان
خطوات هتساعدك تبقى شخص مبدع
- قسّم كل حاجة بتفكر فيها لأجزاء صغيرة وامسك ورقة وقلم وارسمها في شكل خريطة ذهنية عشان هتربط الأشياء ببعضها
- دراسة امريكية بتقول إن تفكيرك في الاستخدامات المتعددة لأي حاجة قدامك بيقوي إبداعك
- زي إنك تحدد 10 استخدامات للورق غير الكتابة عليه لأن كل ما كان الشيء دقيق كل ما كان أحسن
- كرر التمرين ده مرتين يوميًا على الأقل والاستغراق في أحلام اليقظة ممكن يعطلك بس القليل منها بينشّط إبداعك
- ركز فيها على أدق التفاصيل زي إنك تتخيل شكل منزلك المستقبلي بتفاصيله وألوانه
- امشي قدر المستطاع لأن المشي هيقلل توترك وهتجيلك أفكار خصوصًا لو في مكان مفتوح
- فكر كأنك طفل صغير مهما كانت الأفكار غريبة وخلي كل الاحتمالات موجودة وبعدها حلل أفكارك دي واختار المنطقي منها والقابل للتطبيق
- تحديد تفكيرك فقط على المتاح والسهل بيشغلك عن التفكير بحرية وبالتالي بيقل إبداعك
- افتكر عمل إبداعي نجحت فيه بعد إرهاق عشان تشجّع نفسك
- غيّر روتينك اليومي واختار أكتر وقت في اليوم بترتاح فيه عشان تفكر صح واعرف إن أي حاجة بتعملها بإيدك بتنشط إبداعك زي تنظيم السرير والطبخ والخياطة وفك وتركيب الأشياء
- الدراسات بتأكد إن سماعك للموسيقى بيزود تفكيرك الإبداعي وخلي القراءة عادة يومية
- خليك منفتح على التجارب الجديدة وشارك خبراتك مع الناس والعكس
- اهتم بالنوم بعدد ساعات كافية والأكل الصحي عشان ينعكس على نفسينك وهيزيد إبداعك
الفرق بين الابداع والابتكار
- رغم تشابه المعنى بين الإبداع والابتكار ولكنهم مختلفين عن بعض رغم وجود بعض التشابه بينهم
- الابتكار هو تطوير شيء قديم أو توليد فكرة جديدة لكن طرحها على أرض الواقع وتنفيذها
- علماء الاجتماع بيقولوا إن أفكارك الإبداعية طول ما إنت مخطط لها في خيالك أو حتى على الورق
- لكن وقت التنفيذ بيتحول الإبداع للابتكار لأنك طوّرت اللي عملته على أرض الواقع
تطوير مهارات الابتكار
- ابحث عن شغفك الحقيقي وخلي الجزء الأكبر من طاقتك مخصص له
- دراسة بتأكد إن فرص الابتكار بتزيد وقت تفكيرك في مجال بتحبه
- حدد هدفك بدقة وتأكد من قدرتك على قياس نتايجه وتطوره مع الوقت
- حلل كل حاجة حواليك وأطرح أسئلة وابحث عن إجابتها عشان تطور تفكيرك المنطقي وهتزود فرص ابتكارك
- وازن بين التعليم النظري والتطبيق العملي وابحث عن النماذج المشابهة اللي حققت نجاح قريب من الهدف بتاعك وادرسها كويس
- امسك ورقة وقلم واكتب بالتفصيل كل الحاجات اللي تميزك عن النموذج ده
- فكّر في أكتر من اقتراح وتخيل نتيجة كل اقتراح منهم وقارن بين نتايج كل اقتراح واختار أقرب نتايج لهدفك
- حدد خطوات لتنفيذ اقتراحك واعرف إنه قابل للصواب أو الخطأ
- الخبراء بيقولوا إن التفكير بروح التجربة بيساعد توصل لنتايج مُرضية أسرع
- تفاعلك القوي مع المحيطين بيلهمك أفكار جديدة
- دراسة بتقول إن تخيلك تحقيق هدفك بيساعدك تبتكر حلول أي مشكلة أو اختراع شيء جديد أسرع
- درب نفسك توقف تفكير عن أي شي تاني وقت انغماسك في محاولة ابتكار شيء جديد واتدرب على ربط الأشياء ببعضها وإيجاد العلاقة بينهم
- وسّع دايرة اهتماماتك وبلاش تبقى محدودة على مجال واحد واعرف إن نسبة الخطأ هتبقى عالية وقت التجارب الأولى لكنها أساسية لتحقيق هدفك
- اظبط ساعتك البيولوجية ونام من 6 لـ 8 ساعات يوميًا والتزم بنظام غذائي غني بالألياف والعب رياضة باستمرار
